པ་ཀི་སི་ཐན་ཀྱི་བོད་རིགས་སྦལ་ཏི་བ།

—-བསེ་ཚང་རིག་པ་འཛིན་པའི་རྡོ་རྗེ།

ཧི་མ་ལའི་ལྷོ་ཕྱོགས་ཀྱི་བོད་མི་ལས་ཁག་དང་པོ། ༼པ་ཀི་སི་ཐན་ཀྱི་བོད་རིགས་སྦལ་ཏི་བ།༽

   ལར་ན་བོད་ནི་ད་ལྟའི་ང་ཚོས་ཤེས་ཚོད་ཀྱི་བོད་ཙམ་དུ་མ་ཟད་ཧི་མ་ལའི་ལྷོ་རྒྱུད་ ཀྱི་རྒྱལ་ཁབ་ཁག་ཀྱང་སྔ་མོ་བོད་ཀྱི་མངའ་རིས་ཡིན་ལ་མངའ་རིས་སྐོར་གསུམ་ཞེས་པའི་ས་ཁུལ་འགའ་ཡང་རྒྱལ་ཁབ་དེ་དག་གི་ས་ཁུལ་འགའ་ལ་གོ་བ་ཡིན་མོད། ད་བར་ཏུ་རང་རེའི་བོད་མི་མང་པོས་ཆོལ་གསུམ་བོད་མི་ཞེས་བརྗོད་ཤེས་ཀྱང་དོན་ལ་ས་ གང་དང་གང་ཡིན་པ་ངོས་བཟུང་ཤེས་པ་ཕལ་ཆེར་མང་པོ་མི་འདུག མདོར་ན་ད་ལྟའི་ཀྲུང་གོའི་མངའ་ཁོངས་སུ་བོད་ཡུལ་ཆོལ་ཁ་གསུམ་གཏན་ནས་ཚང་མེད་ལ་པ་ཀི་སི་ཐན་ནམ་ཕ་ཁི་སི་ཐན་༼巴基斯坦/pakistan༽ལྟ་བུའི་རྒྱལ་ཁབ་ནང་གི་བོད་རིགས་སྦལ་ཏི་བ་དང་རྒྱ་གར་མངའ་ཁོངས་ཀྱི་བོད་རིགས་སྦལ་ཏི་བ་སོགས་མ་བརྩིས་ན་བོད་ ཀྱི་སྟོད་མངའ་རིས་སྐོར་གསུམ་ནམ་ཡང་ཆ་ཚང་ཞིག་ཡོང་མི་སྲིད་དོ།།


དེང་སྐབས་མི་ལ་ལས་ཕྱིས་ཀྱི་བརྡ་གསར་ཏེ་བལ་ཏི་ཞེས་འབྲི་བ་ནི་སྦལ་ཏི་ཡིན་པ་འདྲ་སྟེ། དུས་རྒྱུན་ང་ཚོས་སྟོད་མངའ་རིས་བསྐོར་གསུམ་དབྱེ་དུས་ཀྱང་། སྟོད་ཕྱོགས་ཀྱི་སྤུ་ཧྲེང་དང་། མང་ཡུལ། ཟངས་དཀར་640གསུམ་སྐོར་གཅིག ཞང་ཞུང་དང་ཁྲི་ཏེ་སྟོད་སྨད་གསུམ་སྐོར་གཅིག འཆིམ་མམ་ལི་དང་བྲུ་ཤ། སྦལ་ཏི་གསུམ་སྐོར་གཅིག་སྟེ་ཞེས་པ་ལྟར་། སྦལ་ཏི་ལ་དེང་སང་པ་ཀི་སི་ཐན་༼pakistan༽རྒྱལ་ཁབ་ནང་གི་སྦལ་ཏི་སི་ཐན་ནམ་རྒྱ་ནག་སྐད་དུ༼巴尔蒂斯坦༽དབྱིན་སྐད་དུ་༼baltistan༽ཞེས་འབོད་ཀྱིན་པའི་ས་གནས་དེའང་སྦལ་ཏི་བའི་དུམ་བུ་ཞིག་ཡིན་རེད།


སྤྱི་ལོ1949 ལོར་པ་ཀི་སི་ཐན་༼pakistan༽དེ་རྒྱ་གར་ལས་ལོགས་སུ་རྒྱལ་ཁབ་བཙུགས་རྗེས། སྦལ་ཏི་མི་མང་ཡང་པ་ཀི་སི་ཐན་གྱི་བྱང་ཤར་སྐར་རྡོ(skardo)ས་ཁུལ་d640དང་། རྒྱ་གར་གྱི་ཇཱ་མུ་ཀཤིསྨིར་མངའ་ཁོངས་གཉིས་ཀྱི་ནང་དུ་གྱེས་ཏེ་འཚོ་སྡོད་བྱེད་ཀྱིན་འདུག༼འདིར་གླེང་བྱ་པ་ཀི་སི་ཐན་རྒྱལ་ཁོངས་ནང་གི་བོད་རིགས་སྦལ་ཏི་བ་ཡིན་ ལ་རྒྱ་གར་ཇཱ་མུཀཤིསྨིར་མངའ་ཁོངས་ཀྱི་བོད་རིགས་སྦལ་ཏི་བ་སྐབས་རྗེས་མར་གླེང་བརྩིས་ཡོད།༽ པ་ཀི་སི་ཐན་རྒྱལ་ཁོངས་ཀྱི་སྦལ་ཏི་བའི་གདོད་མའི་ཆོས་ནི་བོན་ཡིན་ཞིང་བཙན་པོ་ཁྲི་སྲོང་ལྡེའུ་བཙན་སྐབས་སུ་གསང་སྔགས་རྡོ་རྗེ་ཐེག་པའི་ལུགས་དར་ཆེ། དུས་རབས་བཅུ་གསུམ་ནང་ཁ་ཆེ་ཆོས་ལུགས་ཤུགས་ཆེན་དར་ནས་དེ་ད་དུང་ཡང་མུ་མཐུད་རྒྱུད་འཛིན་བྱེད་བཞིན་འདུག སྐད་ནི་བོད་ཀྱི་སྐད་དང་ཨུར་ཏོ་སྐད་འདྲེས་མ་སྤྱོད་ཀྱིན་ཡོད་པར་སྣང་། གནས་དེར་ད་ལྟ་ཁ་ཆེའི་ཆོས་དར་དྲགས་པས་ཁོ་ཚོས་བོད་རིགས་ཡིན་པ་རྩ་བ་ནས་ཁས་ལེན་ཡོད་པར་མི་མཐོང་སྙམ་མོད། འོན་ཀྱང་ཆོས་ལུགས་ཁ་ཆེ་ཡིན་རུང་། ཁོ་ཚོས་རང་ཉིད་བོད་རིགས་ཡིན་པ་ཁས་ལེན་པར་མ་ཟད། ད་དུང་བོད་སྐད་ཡིག་༼བོད་སྐད་ཕལ་ཆེར་བརྡ་རྙིང་རེད་ཟེར།༽སླར་གསོའི་ཕྱོགས་ལ་འབད་བརྩོན་བྱེད་བཞིན་པའི་ཤེས་ལྡན་པ་སྐོར་ཞིག་ཀྱང་མཆིས་སོ་ཞེས་ཐོས་མྱོང་།


640s   གཞན་ཡང་རྒྱ་ནག་གི་མི་བུ་ལྟ་སྐོར་བ་ཞིག་གིས་ཞིབ་བརྗོད་བྱས་པ་ལྟར་ན་སྦལ་ཏི་སི་ཐན་གྱི་ས་དེའི་མང་ཚོགས་ཀྱི་སྐད་ལས་བོད་སྐད་ཀྱི་བརྡས་བརྒྱ་ཆའི་ཕྱེད་ཀའི་མང་ཙམ་ཟིན་ལ་ལོ་ན་རྒན་པ་དག་གིས་ད་དུང་ཡང་གེ་སར་རྒྱལ་བོའི་སྒྲུང་གླུ་ལེན་པ་དང་གནས་དེའི་གྲོང་ཁྱེར་ས་ཀར་རྡོ་ཞེས་པ་དོན་ལ་བོད་སྐད་དུ་སྐར་རྡོ་༼skardo༽ ཞེས་པའི་མཁར་ཤར་གྱི་སྤྱི་ལེ་ལྔ་ཡས་མས་མཚམས་སུ་བོད་ཀྱི་ནང་བསྟན་དང་འབྲེལ་བའི་རྡོ་བརྐོས་རྙིང་བ་དང་བོད་ཡིག་བརྐོས་པའི་རྡོ་ཕ་བོང་ཆེན་པོ་ཞིག་ཀྱང་རིག་རྒྱུ་འདུག ཁྱད་པར་དུ་ས་དེའི་མིའི་བཞིན་བྱད་བོད་མིའི་གདོང་བྱད་དང་འདྲ་ལ་ཁ་ཟས་སུ་རྩམ་པ་དང་དཀྲུགས་ཇ་ལ་རོལ་ལོ་ཞེས་བརྗོད་པའི་རྩོམ་ཡིག་ཀྱང་ད་ལྟ་དྲ་ལམ་ཁག་ན་མཐོང་ རྒྱུ་འདུག


ཉེ་ལམ་རང་རེའི་བྱེས་ཀྱི་བོད་མི་འགས་ཀྱང་ཨབ་གྷན་ནི་སི་ཐན་ཏེ་ལེགས་སྦྱར་སྐད་དུ་ཨོ་ཊི་ན་ཡའམ་བོད་སྐད་དུ་ཨྱོན་ཡུལ། དེང་སང་རྒྱ་ནག་སྐད་ལ་ཟུར་ཆག་པས་ཨ་ཧྥུ་ཧན་༼阿富汗༽ཞེས་འབོད་པའི་རྒྱལ་ཁབ་དེར་བྱུང་བའི་བོད་བཙན་པོའི་རྒྱལ་རབས་དང་འབྲེལ་བའི་གནའ་ཤུལ་རིག་དངོས་ལ་ཞིབ་འཇུག་གནང་གིན་ཡོད་ལ་དེར་ཁོ་ཚོས་བརྗོད་པའི་བྷ་ཏི་ཞེས་པ་ཡང་གོང་སྨོས་སྦལ་ཏི་ཡི་ཡུལ་ཁམས་དུམ་བུ་ཞིག་ཨེ་ཡིན་སྙམ།
མདོར་ན་རེབ་འདིར་བརྗོད་པའི་བོད་རིགས་སྦལ་ཏི་བ་དག་གིས་པ་ཀི་སི་ཐན་༼pakistan༽ རྒྱལ་ཁབ་དེའི་མངའ་རིས་སུ་མི་གྲངས་ཁྲི་ཉེར་གཉིས་ཙམ་ཟིན་གྱི་ཡོད་ལ་ལོ་རྒྱུས་ཀྱི་ཆུ་རྒྱུན་རིང་མོའི་ཁྲོད་དུ་ཀྱག་ཀྱོག་གི་འགལ་རྐྱེན་མང་བས་ཁོ་ཚོའི་དད་མོས་ལ་འགྱུར་བ་བྱུང་ཡོད་པ་མ་གཏོགས་ཤ་རུས་ཁྲག་གསུམ་ནི་བོད་པ་གདོང་དམར་བ་ཤ་སྟག་ཡིན་པར་དེང་གི་གསོ་དཔྱད་རིག་པས་ཀྱང་ར་སྤྲོད་ནུས་པ་ཡིན་ནོ། །

སྨྲས་པ།
ཡུལ་དུས་བརྒལ་བའི་སྐལ་བཟང་སྨིན་པའི་དེང་།།
འཛམ་གླིང་ཤར་ནུབ་རིག་པ་སྣང་བའི་མཛོད། །
མངོན་གསལ་རིགས་པའི་མཁའ་ལ་དྲངས་པ་ན།།
ལོ་རྒྱུས་མུན་སྟོང་ནུབ་པ་ཅིག་ཅར་གསལ།།
ཤ་དང་ཁྲག་གི་འབྲེལ་བ་སྦྲེལ་ཤེས་ན།།
དཔུང་དང་ཤེད་མོང་རྒྱས་བའི་སྐལ་བ་ཡོད།།
ཚིག་དང་དོན་གྱི་བརྡ་ལ་གསན་ཤེས་ན།།
ཞིབ་འཇུག་ཞིབ་འཇུག་ཟེར་བ་བྱེད་ས་མང་།།

ཞེས་པ་ནི་ངལ་གསོའི་ཚིགས་སུ་བཅད་པ་ཡིན་ལ་རེ་ཞིག་མཇུག་བསྡུས་སོ།།༼རྒྱུ་ཆ་མཁོ་སྤྲོད་དང་བློ་འདྲི་ས་བྱེས་སུ་སྡོད་པའི་སྤུན་གྲོགས་བྱམས་པ་ཞུ་བ་ཡིན་ནོ།།༽

ཡོང་ཁུངས་བོད་ནང་གི་དྲ་བ།

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s