འོད་དཀར།
མུན་ནག་གིས་མཐའ་ནས་བཏུམས་པའི་ཉི་མ་དམར་པོ།
ངའི་རྒྱང་བཞུད་ཀྱི་སོ་ལྟ་ཡིན་ནམ།
ཆར་རླུང་དང་གྲང་ངར་གྱི་ནམ་ཟླ་འདི།
སུ་ཞིག་གི་ཆེད་དུ་ཡིན།
སྡོང་རྒན་སྟེང་གི་ཁ་བ་དཀར་པོ།
བྱེའུ་ཚོགས་ཀྱི་གཤོག་འགྱུར་ལས་ལྷུང་བའི་སྐྱོ་དབྱངས་རེ་རེ།
སུ་ཞིག་གི་མགོ་ཐོག་ལ་བབས་པའི་ཁ་བ་ཡིན།
དོན་ངོ་མར། ཁ་བ་དེ་གང་ཞིག་ནས་བྱུང་།
བྲང་ལ་གླན་པའི་ཡིག་འབྲུ་རེ་རེ།
དགུན་ཁའི་ཁ་བ་ལྟར་ཤོག་ཐོག་ལ་འབབ་དུས།
སུ་ཞིག་གི་མགོ་བོ་གཅོད་པའི་རལ་གྲི་ཆག་ན།
ཉེས་པ་འདི་སུ་ལ་འགེལ་དགོས།
༢༠༡༥།༠༣།༢༦ ཉིན་བྲིས།
ངེད་དྲ་ཚིགས།
