དགའ་ཕ་ལམ། ༼མཛོད་དགེ༽      ཕྱིར་འདང་ཞིག་བརྒྱབ་ན། བདག་གིས་ཏག་ཏག་ལོ་ངོ་ཧྲིལ་བོ་བཅུ་ལ་སློབ་སྦྱོང་གི་བྲེལ་ཟིང་དང་བྱ་བའི་སུན་གཙེར་སྣ་ཚོགས་ཀྱི་བར་ནས་སྒྱུ་རྩལ་རྩོམ་རིག་ལ་བློ་སྦྱོང་དང་སྙན་ངག་གསར་རྩོམ་གྱི་ལས་འཕྲོ་སྐྱོང་ཞིང་། ལོ་ཟླ་དེ་དག་ཏུ། སྙན་ངག་ཀློག་འདོན་དང་གསེད་འགྲོལ། མྱོང་རོལ་དང་དོགས་སློང་། འབྲི་བཞེངས་བཅས་ནི་མེད་མི་རུང་བའི་བདག་གི་འཚོ་བའི་ཆ་ཤས་ཤིག་ཏུ་གྲུབ་ཡོད་སྐད། བཟློག་དཀའ་བའི་སྙན་ངག་གི་བསླུ་བྲིད་ཀྱིས། མཚམས་རེར་ངའི་མི་ཚེའི་མངའ་ཐང་ལ་བླ་མེད་ཀྱི་དངོས་གྲུབ་དང་འབྱོར་ཕྱུག འཛད་མེད་ཀྱི་ཚེ་ནོམ་སོགས་མང་བ་མང་བ་ཞིག་བསྩལ་མྱོང་བ་འདྲ་ལ། སྐབས་རེར་ངའི་འཚོ་བ་ལ་གནོན་ཤུགས་དང་ཕམ་ཉེས། ཐོབ་པ་ལས་ཤོར་བ་མང་བའི་ལན་ཆགས་ཀྱི་ཁུར་བོ་མང་དུ་འཁོར་གྱིན་པ་འདྲ་བས། སྙན་ངག་ནི་བདག་གི་ཡོད་ཚད་ཀྱི་ཡོད་ཚད་ཡིན་ཞེས་ཁ་ཕོད་སྒྲོག་མི་ཐུབ་རུང་། མ་གཞི་ནས་འཚོ་བའི་ཆ་ཤས་དང་མི་ཚེའི་རོལ་སྟངས་ཤིག་ཏུ་ཆགས་ཡོད་ཨང་། སྙན་ངག་འབྲི་སྦྱོང་གི་གོ་རིམ་ཁྲོད་དུ། ངས་ནི་གཙོ་ཆེར་ཚོར་བ་རགས་པའི་རྗེས་སུ་འགྲོ་ལྡོག་གིས་གསར་རྩོམ་གྱི་ལམ་དུ་ཕྱིན་ཚུལ་དེས། སྙན་ངག་དང་རྩོམ་རིག་ལ་སྤྱི་ཚོགས་ཀྱི་འགན་འཁྲི་ཡོད་མེད་དང་། མི་རིགས་ཀྱི་བདེ་སྡུག་ལ་དོ་ཁུར་བྱེད་དགོས་མིན་གྱི་ཁ་ཚོན་མི་ཆོད་ལ། གསལ་བྱེད་དུའང་མི་འགྲོ། སྤྱིར་བཏང་ང་ཚོས་སྙན་ངག་ལ་གཟབ་ནན་གྱི་རྣམ་འགྱུར་དང་རེ་བ་ཆེན་པོ། ཡིད་ཆེས་ཟབ་མོས་བལྟ་ཆོག་མོད། འོན་ཀྱང་སྙན་ངག་རང་སྟེང་ནས་དེ་འདྲའི་ཁེར་ཚུགས་ཀྱི་རང་གཤིས་དང་། ཟབ་ཅིང་རྒྱ་ཆེ་བའི་བསྟན་དོན་མཐའ་དག་བདེ་ལེགས་ངང་འགྲུབ་མིན་ནི་དོན་དག་གཞན་ཞིག་རེད། ད་ལྟའི་བར་དུ། བདག་གིས་ལྷུག་རྩོམ་དམིགས་སུ་བཟུང་བའི་སྙན་ངག་གི་གྲངས་འབོར་མང་དུ་བྲིས་ནའང་། རང་ཉིད་ཀྱི་འདོད་བློ་ཚིམས་ཤིང་ཀློག་པ་བོའི་ཡིད་ཀྱི་གསོས་སུ་བསྟབས་ཆོག་པའི་ཚབ་མཚོན་རང་བཞིན་གྱི་བརྩམས་ཆོས་གཅིག་ཀྱང་མེད་པས། ངའི་སྙན་ངག་གིས་ང་ད་རུང་ཡིད་མི་ཚིམས་ཞེས་བློ་ཐག་རྦད་ཆོད་ཀྱིས་བཤད་ཆོག རྒྱུ་མཚན་དེའི་དབང་གིས། ངས་སྙན་ངག་འབྲི་བའི་གོ་རིམ་ཧྲིལ་བོ་སློབ་སྦྱོང་དང་བློ་སྦྱོང་གི་གོ་རིམ་ཞིག་ཀྱང་ཅི་ལ་མིན། བོད་ཀྱི་མཁས་དབང་སྔ་མ་དག་གིས་སྙན་ངག་ནི་རྣ་བར་སྙན་ཞིང་འཇེབས་པའི་ཚིག་སྦྱོར་ཡིད་དུ་འོང་བ་ཞིག་ལ་ཕལ་ཆེར་ངོས་བཟུང་བས། ཕྱིས་ཀྱི་སྙན་ངག་པ་ལ་ལ་ཚིག་གི་རོལ་རྩེད་དང་ཐ་སྙད་ཀྱི་བེམ་པོ་ཙམ་ལ་འཁྲུལ་ནས་ཕྱོགས་རིས་པའི་སྒྱུ་རྩལ་གྱི་མཛེས་སྡུག་མཐའ་གཅིག་ཏུ་གཙིགས་སུ་འཛིན་ལ། ཡང་ལ་ལས་ལུས་ཀྱི་མཆོར་སྒེག་དང་ཉམས་འགྱུར།...

༢༠༡༤དང་༢༠༡༥ལོའི་བར་རང་ལྗོངས་སུ་ཨེ་ཙིའི་ནད་དུག་འགོད་ཁྱབ་བྱུང་ཡོད་པའི་མི་གྲངས་ཀྱི་ཕྱོགས་བསྡོམས།
 ཨེ་ཙིའི་ནད་ཞེས་པ་ནི་ཆེས་འཇིགས་སུ་རུང་བའི་འཆི་བདག་གི་གཤེད་མ་སྡུག་རྩུབ་ཅན་ཞིག་ཡིན། འོན་ཀྱང་དེས་ཨེ་ཙིའི་ནད་ཀྱི་སྔོན་འགོག་བྱ་བཞག་དང་སྨན་བཅོས་བྱ་བཞག་སོགས་ལ་ཤུགས་རྐྱེན་སྤུ་ཙམ་ཡང་ཐེབས་སྲིད་ཀྱི་མ་རེད་འདོད། དེ་ལས་ལྡོག་ཏེ་མི་རྣམས་ཀྱི་ཨེ་ཙིའི་ནད་ཀྱི་ཤེས་བྱ་ལ་སྔར་བས་དོ་སྣང་དང་སློབ་སྦྱོང་བྱེད་ཤུགས་ཆེ་རུ་བཏང་ནས་ཨེ་ཙིའི་ནད་ཞེས་པ་ཞིག་འདི་རྟེན་འདི་ནས་ཕྱིར་འབུད་ཐུབ་ངེས་རེད་འདོད། མ་གཞི་ནད་ངན་དེས་མིའི་རིགས་སྟོངས་པར་བྱེད་པའི་ཉན་ཁ་ཡོད་ནའང་མིའི་རིགས་ཀྱིས་ཀྱང་ནད་ངན་དེའི་མིང་ཙམ་ཡང་གོ་བ་མེད་པ་ཞིག་ལ་འབད་ཐུབ་པའི་ཡིད་ཆེས་བརྟེན་པོ་ཡོད། ༡ ཨེ་ཙིའི་ནད་དུག་སྐོར་གྱི་ད་ལྟའི་གནས་བབས།       མཉམ་འབྲེལ་རྒྱལ་ཚོགས་ཨེ་ཙིའི་ནད་དུག་འཆར་འགོད་ཧྲུའུ་ཡིས་༢༠༡༤ལོར་སྤེལ་བའི་སྙན་ཞུ་ལྟར་ན། ༢༠༡༣ལོའི་ལོ་མཇུག་བར་གོ་ལ་ཧྲིལ་པོར་ཨེ་ཙིའི་ནད་དུ་འགོད་ཁྱབ་བྱུང་བའི་མི་གྲངས་ཁྲི་༣༥༠༠ལྷག་ཡོད་པ་དང་། འགོད་ཁྱབ་འགྲོ་ཚད་ཉིན་རེ་བཞིན་མི་གྲངས་༦༠༠༠ལ་འཕར་སྣོན་ཡོང་གི་ཡོད་པའི་ཆོད་བསྡོམས་གནང་འདུག དེ་ལས་སྐྱེ་པའི་མཚན་ཐུན་གཉེན་སྒྲིག་སྤྱོད་ལམ་དེས་འགོད་ཁྱབ་བྱེད་པའི་སྡུར་ཚད་ཅུང་ཆེ་བར་ཟིན་ཚུལ་གསུང་གནང་འདུག །ད་ལྟ་ཀྲུང་གོའི་ཨེ་ཙིའི་ནད་དུག་འགོད་ཁྱབ་བྱུང་བའི་མི་གྲངས་ནི་གོ་ལ་ཧྲིལ་པོའི་ཨང་༡༢ཙམ་ལ་བསླེབས་ཀྱི་ཡོད་ཅིང་། དེ་སྔོན་དང་སྡུར་ན་རྐྱེན་ལམ་དུ་ཤོར་ཚད་རྒྱ་ཆ་༦༣ཙམ་ཉུང་དུ་ཕྱིན་པར་ཆོད་བསྡོམས་གནང་གི་འདུག ། ཡིན་ནའང་འདི་ལོ་གསར་དུ་འཕུལ་བའི་སྙན་ཞུ་ལྟར་ན། ཉེ་བའི་ལོ་ཤས་ནང་བོད་ཁུལ་དུ་ཨེ་དུག་འགོད་ཁྱབ་བྱུང་བའི་མི་གྲངས་ལོ་རེ་བཞིན་ཇེ་མང་དུ་འགྲོ་བཞིན་ཡོད་པའི་ངོས་འཛིན་གནང་བཞིན་ཡོད་ལ། འདི་ལོའི་ཟླ་༡པོའི་ཚེས་༡༡ཉིན་སྤེལ་བའི་སྙན་ཞུ་ལྟར་ན། བོད་ཡོངས་ལ་ཨེ་ཙིའི་ནད་དུག་གསར་དུ་འགོད་ཁྱབ་བྱུང་བའི་མི་གྲངས་༧༥ཙམ་ཡོད་ཅིང་། འདི་ལས་ད་དུང་ནད་རྟགས་མི་མངོན་པ་དང་ནད་པས་ནད་ངོ་མི་ཆོད་པར་རང་གར་སྣང་མེད་དུ་བཏང་ནས་ལུས་པ། དེ་བཞིན་གསང་བ་བྱས་ནས་ལུས་པའི་ནད་པའི་གྲངས་ག་ཚོད་ཡོད་མེད་ནི་ཤིན་ཏུ་ནས་ཚོད་དཔག་དཀའ་བའི་གནས་སུ་འགྱུར་ཡོད་འདུག སྙན་ཞུའི་སྐབས་ཕུར་བུ་སྒྲོལ་མས་བོད་ཀྱི་ཨེ་ཙིའི་ནད་དུག་འགོད་ཁྱབ་སྐོར་གི་གནས་ཚུལ་ཕྱི་ཕྱོགས་ལ་གསལ་བསྒྲགས་བྱེད་ཅིང་། བོད་རང་སྐྱོང་ལྗོངས་རིམ་ནད་སྔོན་འགོག་ས་ཚིགས་ཀྱི་ཀྲུའུ་རན་གཞོན་པ་ཝང་ཝན་ཅིང་གིས་ངོ་སྤྲོད་གནང་བ་ལྟར་ན། བོད་ཀྱི་ཨེ་ཙིའི་ནད་དུག་འགོད་ཁྱབ་ལམ་བུ་གཙོ་བོ་ལུས་འབྲེལ་བྱེད་པའི་རྐྱེན་ལས་བྱུང་བར་གསུང་ཞིང་། འདི་ལོའི་སྙན་ཞུ་ལྟར་ན་བོད་ཁུལ་དུ་ཨེ་ཙིའི་ནད་དུག་འགོད་ཁྱབ་བྱུང་བའི་ཁྲོད་བརྒྱ་ཆ་༩༡.༨༩ཙམ་ལུས་འབྲེལ་བྱས་པ་ལས་འགོད་ཡོད་པ་དང་། དེ་ལས་སྐྱེ་པའི་མཚན་ཐུན་གཉེན་སྒྲིག་གིས་བརྒྱ་ཆ་༦.༧༦ཙམ་ཟིན་ཡོད་འདུག འདི་ལོའི་སྙན་ཞུ་ལྟར་ན། ཨེ་ཙིའི་ནད་དུག་འགོད་ཁྱབ་བྱུང་བའི་ཁྲོད་ཕོ་མོའི་གཉེན་སྒྲིག་སྡུར་ཚད་ནི་༢:༡ཡིན་པ་དང་། དེ་ལས་ལོ་གྲངས་༢༡ནས་༥༠བར་གྱིས་གཞོན་ནུས་ཁྱོན་ཡོངས་ཀྱི་བརྒྱ་ཆ་༨༡.༠༨ཟིན་འདུག ། ད་སྐབས་རིམ་པ་གོང་མའི་སྲི་གཞུང་གིས་བྱ་ཐབས་རབ་དང་རིམ་པ་སྤེལ་ནས་ཨེ་ཙིའི་ནད་དུག་སྔོན་འགོག་གི་ས་ཚིགས་ལོ་རེ་བཞིན་ཇེ་མང་དུ་གཏོང་བཞིན་ཡོད་འདུག་ལ། ད་བར་ས་ཁུལ་དྲུག་དུ་ཆེས་ཉེན་ཁ་ཆེ་བའི་གཞོན་ནུ་ལོ་ཆུང་དང་སྦྲུམ་མ། དེ་བཞིན་སྐྱེ་པའི་མཚན་ཐུན་གཉེན་སྒྲིག་སོགས་ལ་དམིགས་ནས་ད་བར་རྒྱལ་ཁབ་རིམ་པའི་ཨ་ཙིའི་ནད་དུག་བརྟག་དཔྱད་ས་ཚིགས་༡༣ཙམ་བཙུགས་ཡོད་ཅིང་། འཆར་གཞི་ལྟར་ན་རྗེས་སུ་མུ་ཐུད་ནས་ས་གནས་ཁག་དང་རྫོང་ཁག་༧༤ཙམ་ལ་རྟགས་དཔྱད་ས་ཚིགས་འཛུགས་རྩིས་འདུག་པས་སྤུན་ཟླ་ཚོས་ཡ་ཡུག་བྱས་ནས་མ་ཞུགས་པར་དུས་ཐོག་དུ་བརྟག་དཔྱད་དང་ནད་ངོ་ཟིན་པ་བྱས་ནས་གཞན་ལ་འགོད་ཁྱབ་མི་ཡོང་བ་དང་རང་གི་ཚེ་སྲོག་རིང་དུ་བསྲིངས་ཐུབ་པར་འབད་པ་བྱེད་དགོས་གལ་ཆེ་བར་འདུག...

དྲང་ངེད་ལེགས་བཤད་སྙིང་པོ། ཕབ་ལེན་གནོངས། རྩོམ་པ་པོ།  རྗེ་ཙོང་ཁ་པ་བློ་བཟང་གྲགས་པ། བརྗོད་བྱ།  དྲང་པ་དང་ངེས་པའི་དོན། སྤྱིའི་དེབ་ཨང་།  00070 དེབ་ཨང་། G-tang001 དྲྭ་དེབ།   PDF འཕྲུལ་དེབ་བཟོ་སྐྲུན་པ། སེར་སྨད་དམར་འཇམ་དབྱངས་བསོད་ནམས། ཕྱི་ལོ ༢༠༡༥ ཟླ ༠༤ ཚེས ༢༣ ཉིན་དྲྭ་ཐོག་ལ་བཀོད།...

ལེགས་བཤད་གསེར་ཕྲེང་། དེབ་དང་པོ་ཕབ་ལེན་གནོངས། དེབ་གཉིས་པ་ཕབ་ལེན་གནོངས། དེབ་གསུམ་པ་ཕབ་ལེན་གནོངས། དེབ་བཞི་བ་ཕབ་ལེན་གནོངས། རྩོམ་པ་པོ།  རྗེ་ཙོང་ཁ་པ་བློ་བཟང་གྲགས་པ། བརྗོད་བྱ།  ཤེས་རབ་ཀྱི་ཕ་རོལ་ཏུ་ཕྱིན་པ། སྤྱིའི་དེབ་ཨང་།  00066 /00067 /00068 /00068 དེབ་ཨང་། G-p002 /G-p003 /G-p004 /G-p005 དྲྭ་དེབ།   PDF འཕྲུལ་དེབ་བཟོ་སྐྲུན་པ། སེར་སྨད་དམར་འཇམ་དབྱངས་བསོད་ནམས། ཕྱི་ལོ ༢༠༡༥ ཟླ ༠༤ ཚེས ༢༣ ཉིན་དྲྭ་ཐོག་ལ་བཀོད།...