May ༣༠, ༢༠༡༥

དེ་རིང་ང་ལྷ་ས་ན་ཡོད།

འོད་དཀར། ལྕགས་པོ་རིའི་སྲ་བརྟན་དང་། པོ་ཏ་ལའི་བརྗིད་ཉམས་ལས་མངོན་པའི་བདག་གི་ལྷ་ས། སུ་ཞིག་གིས་ལྐོག་གྱུར་གྱི་གྲོང་ཁྱེར་ལ་བསྒྱུར་དུས། ངས་ཁྱེད་ཀྱི་མཚན་མོའི་མུན་ཁྲོད་ལ་གསང་ལྟ་བྱེད་དགོས་བྱུང་། སུམ་གཉིས་ས་ཡི་དཀྱིལ་འཁོར་དབང་དུ་བསྒྱུར་མྱོང་པའི་བདག་གི་ཡབ་མེས་ཀྱི་ལོ་རྒྱུས། གནས་འདི་ནས་པོ་ཏ་ལའི་རྡོ་སྐས་ལྟར་རྔམ་བརྗིད་ཀྱིས་བདག་གི་མིག་མདུན་དུ་མངོན་དུས། འཇིགས་སྣང་གི་གནས་འདི་ནས་ཀྱང་ང་ལ་རེ་ཞིག་ཞི་བདེ་བག་ཕེབས་ཀྱི་སྤྲོ་སྣང་ཐོབ།   བདག་གི་ལྷ་ས། དེ་རིང་ངས་པོ་ཏ་ལའི་ཐོག་བརྩེགས་ནས། ལྷ་སའི་གྲོང་ཁྱེར་ལ་གསང་ལྟ་བྱེད་དུས། གློག་འོད་ཁྲོད་འཚེར་བའི་འོད་སྣང་རེ་རེ། དུ་སྨུག་མོག་མོག་གིས་བཏུམས་པ་མཐོང་། དུས་དེར་ངའི་སེམས་ནས། སུ་ཞིག་ལ་འཁང་ར་བྱེད་དགོས་པ་ཡང་ཤེས་མ་སོང་། བཙན་པོ་ལགས། གདོང་དམར་པའི་དཔའ་མཛངས་དང་སྙིང་སྟོབས། སུ་ཞིག་གི་བྲན་གཡོག་ཏུ་གྱུར་དུས། ཁྱེད་ཀྱི་མཁའ་དབྱིངས་ནས། ངུ་ངག་དང་སྐྱོ་གདུང་འཁོར་མྱོང་ངམ། ཡང་ན་སྔོན་གྱི་མཛད་རྗེས་ལ་འཁང་ར་དང་འགྱོད་བཤགས་ཕུལ་འདོད་དམ། སྡུག་གི་མུན་ནག་ཁྲོད་ནས་རྫོགས་ལྡན་གསར་བར་རེ་སྒུག་བྱེད་པའི་གདོང་དམར་པའི་ཕུ་ནུ་ཚོའི་མཐོང་ཆོས་རེ་རེ་སེམས་སུ་དྲན་དུས། ངས་མྱི་ཡུལ་ནས་ཁྱེད་ཅག་ལ་འཁང་ར་བྱེད་དགོས་བྱུང་། བཟོད་པར་གསོལ་དང་བདག་གི་ཡབ་མེས་དག དེ་རིང་གི་ལྷ་ས་ན། ཞི་བདེ་བག་ཕབས་ཀྱི་འཛུམ་མདངས་མེད་ལ། ཡིད་ཆེས་དང་དད་འདུན་གྱི་དགོད་སྒྲ་མེད། མེ་མདའི་སྐད་སྒྲ་དང་ལྕགས་སྒྲོག་ཀྱི་སིལ་སྒྲས། ལྷ་སའི་མ་ཎི་འཁོར་ལོ་ཁྲག་གིས་བརྫིས། འཇིགས་རུང་གཤིན་རྗེ་ཡིན་ཡང་སྙིང་རྗེ་སྐྱེས་པའི་བདག་གི་རྒྱལ་ས་འདི། ད་ནི་དགྲ་བོ་འབུམ་ཕྲག་གི་སྨད་ཚོང་ཁང་དང་མཚན་ཚོགས་ཁང་དུ་གྱུར་པའི་གྲོང་ཁྱེར་འདི་  ལྷ་ས་ཡིན་ནམ། གངས་ཅན་པའི་སེམས་ནང་གི་ལྷ་ས།...
དེ་ལས་མང་པ།

ཚངས་མགུར་གསར་འགྲེལ། གཉིས་པ། (རྒྱ་གྲོལ།)

རྒྱ་གྲོལ། 4、འགྲོ་ཞོར་ལམ་བུའི་སྙིང་ཐུབ། ། ལུས་དྲི་ཞིམ་པའི་བུ་མོ། ། གཡུ་ཆུང་དྲུག་དཀར་རྙེད་ནས། ། བསྐྱུར་བ་དེ་དང་འདྲ་བྱུང༌། །       མྱོང་འགྲེལ། འགྲོ་ཞོར་དུ་ཁྱོད་ནི་འཇའ་ཚོན་གྱོན་པའི་མེ་ཏོག་བཞིན་ངའི་མིག་ལམ་དུ་ཤར་བྱུང༌། བསུང་ཞིམ་འཐུལ་བའི་མིག་མདངས་རེ་རེས་ལྕགས་ཀྱུ་བཞིན་ངའི་སེམས་པ་ཁྲིད་ནས་གང་ཞིག་ལ་བུད་སོང༌། འཚོལ་བཞིན་པའི་སེམས་པ་ཕྲ་མོ་ཕངས་སེམས་ཀྱིས་ཁྱབ་ཅིང༌། ངའི་མདུན་དུ་འགྲོ་བཞིན་པའི་ལུས་འདི་ཅི་ཞིག་བོར་བ་དང་འདྲ། ངའི་ན་ནིང་རྙེད་པའི་གཡུ་དྲུག་དཀར་དེ་བོར་བ་ཡིན་ནམ།  ངས་ལྷན་སྐྱེས་སུ་བྱུང་བའི་རང་སེམས་ཕྲ་མོ་དེ་བོར་བ་ཡིན་ནམ། སྙན་ངག་གི་ཁྱད་ཆོས། སྙན་ངག་འདིས་ལུས་དྲི་ཞིམ་པ་ཞེས་པས་ཆགས་ཉམས་ཤས་ཆེ་ལ། གཡུ་ཆུང་དྲུག་དཀར་ཞེས་པ་དང་འབྲེལ་བས་རིན་ཐང་ཆེ་བར་དགོངས་ཤིང་དེ་ལས་ཉམས་འགྱུར་དབང་མེད་དུ་ཐོན་འོང༌། ལམ་དུ་འཕྲད་པའི་བུ་མོ་དེ་དང་གྱེས་པའི་དྲན་གདུང་དེ་གཞན་ལས་ཤུགས་དྲག་པོ་ཞིག་ཡོད་པ་སྟེ།  དེ་ནི་ཆགས་པ་འདྲེས་པའི་དྲན་གདུང་ཞིག་སྟེ། ལུས་དྲི་ཞིམ་པའི་ཚོར་བ་དེ་དྲན་པ་སྔར་ལས་ལྷག་པར་ཟབ་ཅིང་འབྱམས་པར་གྱུར། 5、མི་ཆེན་དཔོན་པོའི་སྲས་མོ། ། ཁམ་འབྲས་མཚར་ལུགས་བལྟས་ན། ། ཁམ་སྡོང་མཐོན་པོའི་རྩེ་ནས། ། འབྲས་བུ་སྨིན་དང་འདྲ་བྱུང༌། །      མྱོང་འགྲེལ། ངའི་ཡིད་ལ་མེ་ཏོག་བསུ་བའི་ཁྱོད།...
དེ་ལས་མང་པ།