འབྲོག་མྱི།       ཕྱི་ཟླ ༦ ཚེས ༡༡ ཉིན། རྒྱ་ནག་དབུས་ཆབ་སྲིད་རྒྱུན་ལས་ཟུར་བ་དང་། སྲིད་ཁྲིམས་ལྷན་ཁང་གི་དམར་ཤོག་དྲུང་ཆེ་ཟུར་བ་ཀྲུག་ཡོང་ཁང་ལ་ཚེ་བཙོན་གྱི་ཁྲིམས་ཐག་བཅད་ཚུལ་གསལ་བསྒྲགས་བྱས་པ་རེད། ཉེས་མིང་ཁྲོད་གནད་འགག་ཆེ་ཤོས་དེ་ལྐོག་རྔན་བླངས་པ་དེ་ཡིན་ཞིང་། ལྐོག་རྔན་ལེན་མཁན་ཡང་ཀྲུག་ཡོང་ཁང་གི་ནང་མི་ཡིན་པ་ལས་ཁོང་རང་ཉིད་མིན་མདོག་རེད། ངས་གནས་ཚུལ་དེ་དྲྭ་ཚུགས་སུ་མཐོང་དུས་དེ་དེ་བཞིན་ནོ་འདྲ་བའི་ཚོར་བ་ཞིག་ལས་ ཧང་སང་མེད། དེ་ནི་གཏོས་ཆེ་བའི་ཤོག་ཁག་ཅིག་གི་ཉེས་པ་སྒེར་པར་བསྒྱུར་བ་མ་ཟད། ཐུན་མོང་དང་སྐྱ་བཀར་ནས་སྒེར་གྱོད་ཞིག་དང་ནང་མིའི་ལྐོག་རྔན་བླངས་པའི་གནད་ དོན་གྱི་ངོ་བོར་བསྡུས་ཡོད།   ཁྲིམས་གཅོད་དེས་དོན་གྱིས་རྒྱ་ནག་དམར་ཤོག་ཚོགས་པའི་མཐོ་རིམ་ལ་སྲུང་སྐྱོབ་ཀྱི་ནུས་པ་ཐོན་ཡོད་ལ། དེ་ཡིས་ཞི་ཅིན་ཕེང་གི་ལྐོག་ཟ་རུལ་སུངས་ལ་རྡུང་རྡེག་གི་ལས་འགུལ་དེའི་སྣ་བྲག་ལ་ཐུག་པ་དང་། དམར་ཤོག་ཚོགས་པའི་དབུ་ཁྲིད་ལ་མངའ་བའི་ཚད་བཀག་མེད་པའི་དབང་ཆ་ལ་རེག་འགུལ་མི་ནུས་པའང་མཚོན་ཡོད། དེའི་མ་ཚད་དམར་ཚོགས་མཐོ་རིམ་དཔོན་རིགས་གཞན་དག་དང་ཐག་ཞོར་འབྲེང་དྲུད་མི་ཡོང་རྒྱུའི་དམིགས་ཡུལ་ཡང་འགྲུབ་ཡོད། རྩ་བའི་ཆ་ནས་ཀྲུག་ཡོང་ཁང་གི་ཁྲིམས་གཅོད་དེ་ནི་ཆབ་སྲིད་ཀྱི་ཐག་གཅོད་ཅིག་རེད། དེ་ནི་ཤོག་ཁག་ཅིག་གིས་རང་ཉིད་ལ་སྲུང་སྐྱོབ་ཀྱི་བྱ་སྤྱོད་ཅིག་རེད། ཁྲིམས་གཅོད་དེས་མི་མངོན་པའི་ཤུགས་རྐྱེན་ཇེ་ཆེར་མི་འགྲོ་རྒྱུ་དང་། དབང་བསྒྱུར་ཤོག་ཁག་ནང་ཁུལ་དུ་བློ་མི་བདེ་བའི་ཚོར་བ་བྱུང་རྒྱུར་གཡོལ་ཐབས་ ཤིག་ཀྱང་རེད། འདི་ལྟ་བུའི་སྒེར་གྱོད་ཀྱི་ངོ་བོར་བསྒྱུར་ནས་ཐག་གཅོད་བྱེད་སྟངས་དང་། ནང་མིའི་ལྐོག་རྔན་བླངས་བ་འབུར་འདོན་གྱིས་ཉེས་ཅན་གཏེ་བོ་གུ་ཡངས་གཏོང་སྲོལ་ གྱི་གྱོད་དོན་ཁྲིམས་གཅོད་བྱེད་སྟངས་ནི་དེང་གི་དབང་བསྒྱུར་ཤོག་ཁག་ཧྲིལ་བོ་ཉེས་པ་ལས་གཡོལ་རྒྱུར་དམིགས་པ་འབའ་ཞིག་ཡིན་པས། དེ་ལྟར་རིགས་འདེད་བྱས་པ་ལས་གསལ་བོར་མངོན་པ་ཞིག་ནི། ལྐོག་ཟ་རུལ་སུངས་ལ་རྡུང་རྡེག་གི་ལས་འགུལ་དེ་མཚམས་དེ་རུ་འཇོག་སྲིད་པ་དང་། མུ་མཐུད་ནས་གཏིང་ཇེ་ཟབ་དང་རྒྱ་ཇེ་ཆེར་སྤེལ་མི་ནུས་པ་དེ་རེད། ཀྲུག་ཡོང་ཁང་ལ་ཚེ་བཙོན་གྱི་ཁྲིམས་ཐག་ལས་གཅོད་མི་ནུས་པ་དེས་ཞི་ཅིན་ཕེང་གི་ལྐོག་ཟ་རུལ་སུངས་ཀྱི་ལས་འགུལ་དེ་མུ་མཐུད་ནས་མདུན་དུ་སྐྱོད་དཀའ་བ་དང་། ཀྲུག་ཡོང་ཁང་རིམ་པའི་གྱོད་དོན་ཡང་སྒེར་གྱོད་ཀྱི་ངོ་བོར་བསྒྱུར་ནས་ཐག་གིས་བཅད་ཡོད་པ་ལས་ཆབ་སྲིད་རང་བཞིན་ཅན་དང་། ལམ་ལུགས་རང་བཞིན་གྱི་གཞི་རྩ་ལ་ཐུག་ཐུབ་མེད་པ་ཚོན་ཡོད་ལ།...

__ སྨྱུག་མདའ།  རྨི་ལམ་ལ་གྲིབ་མ་ཁེན་ནས ངས་རང་གི་འཚོ་བ་ལ་རྣ་རྒྱན་བཏེགས ས་ཆེན་པོའི་གས་སྲུབས་ལས་བཞུར་བ འཆར་ཡན་གྱི་ཡིག་འབྲུ་དེ་གཉིས་རེད དེ་ནི་རྨི་ལམ་ལ་སྙེག་ཤེས་པ་ནས་བཞུར་གྱིན་ཡོད དེ་རིང་སུན་སྣང་ཡོད་ཚད་སྣོད་ཅིག་ཏུ་བླུག་སྟེ ཉི་མ་ཞིག་བོར་སོང་བ་གླེང་གིན་ཡོད བརྡ་སྤྲོད་ཀྱིན་མེད་པ་གླེང་གིན་ཡོད ངས་དེ་ལྟར་གླེང འོན་ཀྱང་ཤི་བོ་ཞིག་ཡིན་པ་ད་རུང་ཤེས་ཐབས་བྲལ དོ་དགོང་སྙན་ངག་ཅིག་བཀླག་ན་འདོད རིང་ནས་རིང་དུ་སོང་བའི་སྙན་ངག་ཅིག་བཀླག་ན་འདོད ཡིད་ཀྱི་ཟབ་ས་ནས་སྒོམ་པའི་ཟླ་ཚེས་དེ་བཀླག་ན་འདོད རྣམ་ཤེས་ཀྱི་རོལ་དབྱངས་དེ ཇི་ལྟར་མཉན་ན་དེ་ལྟར་དུ་ལྷུར་ལེན་དཀའ ངས་རང་ཉིད་ཀྱི་ཚོར་བ་འབྲད་ཐེངས་རེ་རེར རྣམ་རྟོག་གི་ཉག་མ་ཤོག་སྐྱ་ཐེད་པོ་ཞིག་ཏུ་བཀད་དེ ཚེ་སྲོག་ལ་སྒྲོ་སྤུའི་རང་རྣམ་ཞིག་སྐད་ཅིག་ལ་བྲིས་སྐབས སེམས་ཉིད་ཀྱི་ངོ་བོ་ཤང་ཤང་དུ་གྱུར མ་གཞི་ཚི་དྲག་གིས་ང་བཀབ་པ་ཡིན་ནམ བུད་མེད་ཅིག་ཚི་དྲག་ངོས་ལ་འབྱར་གྱིན་འདུག བུད་མེད་དེའང་ཚི་དྲག་གིས་ཟོས་འདུག 2015.5.15 ཕྱི་དྲོ། ངེད་དྲྭ་ཚིགས།...