མགར་བཟའ། དོ་ནུབ་ང་ཡང་བསྐྱར་མཚན་མོར་འཁྱུད། ཕྱི་རོལ་ན་ཆར་རླུང་གི་འུར་སྒྲ་བར་མེད་དུ་ལྡང་བཞིན་འདུག མཚན་སྨག་གི་མུན་པ་སྔར་བཞིན་སྡིགས་རྩུབ་ཀྱིས་འབབ་ཀྱིན་འདུག སྐབས་ཐོག་འདིར་ཁྱེད་རང་མར་མེ་རྐང་ཞིག་གི་ཟོལ་གྱིས ངའི་ཁུ་སིམ་སིམ་གྱི་ཁང་ཁྱིམ་འདིའི་བར་སྣང་ནས་འཕག ཚེ་སྲོག་ནི་འཇགས་སུ་མེད་པའི་དབྱངས་རྟ་ཞིག་གི་འཕག་འཚག་ཡིན་ཚེ། དེ་བསྐྱོམ་བྱེད་ཀྱི་རྒྱུ་བ་ཡོད་ཚད་ནི་སྙིང་གི་འཕར་ལྡང་ལ་འབྲེལ་ལམ། སྐབས་རེར་ཆུ་ཐིགས་ལྟར་སྙི་བའི་སེམས་པ་འོད་ཀྲིག་ཀྲིག་གིས་འཛུམ་ཞིང་། སྐབས་རེར་སྐྱོ་ངལ་དང་མཉམ་དུ་གང་ཞིག་ལ་འཐོར་འགྲོ ཞོགས་པ་རེ་རེ་རྨི་ལམ་གྱི་གཤོག་ཟུང་ལྟར་ག་ལེར་བརྐྱང་དུས། དྲན་གདུང་ཁོ་ན་བར་མེད་དུ་བཞུར་པའི་གཙང་བོ་ཞིག་དང་འདྲ་བར། དཀའ་ཚགས་ཀྱིས་བྲིས་ཤིང་གསུབ་ཀྱིན་པའི་འཚོ་བའི་ཤུལ་ལམ་ན་བཞུར། ཡིག་འབྲུ་རེ་རེའི་མིག་ཟུང་ལ་སྐོམ་གདུང་འཁྱིལ་དུས། འཆར་ཡན་ནི་སྐྱོ་གར་ཞིག་ཡིན་ནམ་ཡང་ན་སྙིང་སྟོབས་ཤིག་ཡིན། དྲོད་ལམ་ལམ་གྱི་སེམས་པ་རྣམ་ཤེས་ཀྱི་རྨུ་ཐག་ལ་འཇུས་ཏེ། ཁྱེད་དང་གཞན་དག་ཡོད་ཚད་སང་ཉིན་ལ་ཕུལ་དོན་ཅི། ༢༠༡༥  ༧  ༢༥མཚན་དཀྱིལ་དུ་བྲིས། ངེད་དྲ་ཚིགས།...

ཁེར་འགྲོ            ཚོད་རྩིས་བྱས་པ་ལྟར་ན། གོ་ལ་འདིའི་ཐོག་ཉིན་མ་རེར་ཆ་སྙོམས་མི་གྲངས་ ༡༧༦༠༠༠ ཚེ་ལས་འདས་ཀྱི་ཡོད། ཡིན་ཀྱང་། མི་བུ་འགའ་རེའི་ཚེ་སྲོག་ཕྲ་མོའི་ཕྲེང་ཐག་ཆད་སྐབས་ཐ་ན་རང་གི་ཡུལ་མི་ཁྱིམ་མཚེས་ཀྱིས་ཀྱང་སྐྱོ་བའི་སྨྲེ་ངག་མི་འདོན་ལ། སྐྱེས་བུ་རེ་གཉིས་ཀྱི་སྐུ་ཚེའི་འདུ་བྱེད་རྫོགས་དུས་འཛམ་གླིང་མི་དམངས་ཀྱི་སྙིང་ཁ་ཟུག་གིས་གཙེས་ཀྱི་ཡོད། དེ་ཡང་སྤྱི་ལོ་  ༢༠༡༣ ལོའི་ཟླ་ ༡༢པའི་ཚེས་ ༦ ཉིན། གསར་འཕྲིན་ཞིག་གིས་ས་ཆེན་འདིའི་ཁོག་པ་གྲང་ཅང་ཅང་དུ་བཏང་སོང་ལ། འཛམ་གླིང་མི་དམངས་ཀྱི་ཡིད་སེམས་སྟོང་ལྷང་ལྷང་དུ་བཟོས་སོང་། གསར་འཕྲིན་དེ་ནི་སེམས་པ་དཀར་པོ་དུང་དུ་གྱུར་ཞིང་དུང་མདོག་དཀར་པོ་དབུ་ལ་སྨིན་པའི་དྲང་སྲོང་ཞིག་གཟིམས་ཁྲི་མཐའ་ཅན་དུ་གྱུར་བའི་གནས་ཚུལ་རེད། དྲང་སོང་དེ་ནི་ལྷོ་ཧྥེའི་①རྒྱལ་ཡབ་ཏུ་འབོད་པའི་ནེལ་སོན·མན་ཊེ་ལ་②ཡིན། དེ་མ་ཉིད་དུ། ལྷོ་ཧྥེའི་སྲིད་འཛིན་ཛུ་མ་ཡིས། ཁོང་ད་ལྟ་གཟིམས་སོང་། ཞི་འཇམ་ངང་གཟིམས་སོང་། ང་ཚོའི་རྒྱལ་ཁབ་ཀྱི་རླབས་ཆེ་བའི་བུ་ཕྲུག་ཅིག་བོར་སོང་། ང་ཚོའི་མི་དམངས་ཀྱི་ཡབ་ཆེན་བོར་སོང་ཞེས་ཟེར། མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷན་ཁི་མོན་གྱིས། མན་ཊེ་ལས་གོ་ལ་ཧྲིལ་པོར་ཤུགས་རྐྱེན་བཏང་ཡོད་ལ། ཁོང་ནི་བདེན་དོན་གྱི་དེད་དཔོན་ཞིག་རེད་ཟེར། དབྱིན་ཇིའི་དབུ་བློན་ཁ་མེར་རོན་གྱིས། དཀར་གསལ་གྱི་སྒྲོན་མེ་ཞིག་གཟིམས་སོང་ཟེར། ཨ་རིའི་སྲིད་འཛིན་ཨོ་བྷ་མས། ཁོང་ནི་ད་ལྟ་ངེད་ཚོ་ལ་མི་དབང་བར། དུས་རབས་ཡོད་ཚད་ལ་དབང་སོང་ཟེར། ཀྲུང་གོའི་གཙོ་འཛིན་ཞིས་ཅིང་ཕིན་གྱིས།...

 ཐོན་མིའི་ཞལ་ལུང་། ཕབ་ལེན་གནོངས། རྩོམ་པ་པོ།  ཚེ་ཏན་ཞབས་དྲུང་། བརྗོད་བྱ། སུམ་རྟག སྤྱིའི་དེབ་ཨང་། 00116 དེབ་ཨང་། Rk0001 དྲྭ་དེབ།   PDF འཕྲུལ་དེབ་བཟོ་སྐྲུན་པ། སེར་སྨད་འཇམ་དབྱངས་བསོད་ནམས། ཕྱི་ལོ ༢༠༡༥ ཟླ ༠༧ ཚེས ༢༤ ཉིན་དྲྭ་ཐོག་ལ་བཀོད།...

སྨྱུག་མདའ། ནམ་མཁའ་རྒས་སོང བྱ་ཁྱུ་འུར་སོང རི་ཐང་ལྷག་སོང རེ་སྨོན་འཐུ་ཞོར་འཐུ་ཞོར ནུབ་ཁ་རུ་མིག་ཟུང་ཅེར མེ་ཁ་གསོས་སོང གཏམ་རྒྱུད་དམར་པོ་དམར་པོ ཚིག་གྲུབ་ཀྱི་སྣེ་ལ་གཡེང་སྟེ སུ་ཚང་གི་རི་མཐའ་རུ་རྐང་ལག་ག་ལེར་བརྐྱངས ནམ་རྒྱུན་རྨི་ལམ་ལ་དགའ་ཞིང” སྨོན་ལམ་བཅོལ་མཁན་དེ ང་འམ་ངེད་ཚང་གི་བར་དོ་པ་དེ་དག་ཡིན ཡ་མེས་ཀྱི་ཕ་མཁར་དེའང ངེད་ཚང་གི་སྨོན་ལམ་གྱིས་གྲུབ་པ་ཞིག་གམ སྨྲེ་སྔགས་རེ་རེར་བར་མེད་དུ་འཁོར་བ སྨོན་ལམ་དེར་འབྲེལ་བ་ཡོད་ཚོད་འདུག གསང་བ་དེའི་སྒོ་འགྲམ་དུ་ངུ་སྐད་རྙེད་པ ཁ་དོག་བན་བུན་ཞིག་ལས་མཐོང་མ་བྱུང དོ་དགོང་མཁའ་དབྱིངས་ལ་ལྟས་ན རྐང་ལམ་སྐྱ་བོའི་གཞུང་དུ མཐོ་སྒང་གི་ཤ་དྲོད་རུམ་པའི་སྙན་ངག་ཅིག” གྱེར་རྒྱུ་ལོས་ཡིན་སྙམ་ཡོད ༢༠༡༥.༧.༡༦ མཚན་མོར། ངེད་དྲ་ཚིགས།...

སྒེར་གཅོད། Ebook ཕབ་ལེན་གནོངས།    རྩོམ་པ་པོ།  འོད་དཀར། བརྗོད་བྱ།   སྣ་ཚོགས། སྤྱིའི་དེབ་ཨང་།  00115 དེབ་ཨང་།  Garchol འཕྲུལ་དེབ།  Ebook འཕྲུལ་དེབ་བཟོ་སྐྲུན་པ།  འོད་དཀར་དྲ་ཚིགས། ཕྱི་ལོ  ༢༠༡༥ ཟླ  ༠༧ ཚེས ༢༡ དྲ་ཐོག་དུ་བཀོད།...

གློག་ལྕེ།            ཉིན་འགའི་རྗེས་སུ་མཁས་མཆོག་དམ་པ་དུང་དཀར་ཚང་གི་དགོངས་པ་རྫོགས་ཏེ་བགྲང་བྱ་བཅོ་བརྒྱད་ལོན་པའི་༡༩༩༧/༧/༢༢/-༢༠༡༥/༧/༢༢/ཉིན་མོ་རེད། དེས་ན་བདག་གིས་གླེང་གིན་པ་དང་གླེང་འོས་པ་དེ་ཡང་ཁོང་ཚང་ཡིན་འདུག་གོ །         བདེན་པ་ཟེར་བ་ཡིན་ན་ཡང་ཆོག ཅི་ཞིག་ཡིན་ཡང་དེའི་ཚད་མ་ལྟ་བུ་ཡིན་པའི་སྐད་དང་ཡི་གེ་གང་རུང་ཞིག་བཤད་པ་དང་འབྲི་དུས་ཀྱང་གཡས་གཡོན་ལ་ཅུང་ཙམ་བསག་པ་དང་གཞན་གྱི་སྐྱོན་མ་སྔོག་པ་ནི་ཉུང་མཐའ་ཙམ་དུ་ཟད་དོ། །ཐ་ན་མདོ་རྒྱུད་གང་རུང་དང་དེ་འབྲེལ་གྱི་འགྲེལ་བ་ཚོ་ཅི་རིགས་ནའང་། ཆོས་གང་རུང་ཞིག་གདུལ་བྱའི་དབང་དུ་བྱས་ཏེ་གཡས་གཡོན་མེད་པ་ནི་འཚོལ་དཀའ་བའི་གནས་སུ་ཡོད་པ་ཀུན་གྱི་མཁྱེན་གསལ་ལྟར་རེད།         ཡིན་ཡང་། ངས་འདིར་ཡོངས་གྲགས་ཀྱི་མཁས་དབང་ཆེན་མོ་ཁོང་གླེང་འདོད་པའི་ལྟ་ཚུལ་དེ་ཡང་དམ་པ་གང་དེའི་རང་རིགས་སུ་ཕུལ་བའི་མཛའ་བརྩེ་དྲི་མ་མེད་པ་དེར་མོས་གུས་ཤིག་བྱེད་འདོད་པ་ལས། ༼དོན་གྲུབ་རྒྱལ་༽གྱི་སྒལ་ཚུགས་ཟེར་བ་ལྟ་བུའི་ངོ་གདོང་གཏུགས་ས་མེད་པའི་འཆལ་གཏམ་དེ་རིགས་བཤད་ཀྱང་མི་ཤེས་ལ་བཤད་རྒྱུའི་འདོད་པ་ཡང་གཞི་ནས་མེད་པ་དེ་ཡིན། དེ་དག་གླེང་བར་སྤྲོ་བ་ནི་དམར་པོའི་ལྟ་གྲུབ་སྟེ་ཕྱི་གླིང་བའི་ཕ་མ་རྒས་དུས་སྒོར་འདེད་པ་དང་དྲིན་གྱི་སྐྱོང་མཁན་གྱི་དམ་པ་དམར་གསོད་གཏོང་བ་སོགས་ཀྱི་སྤྱོད་ངན་དེ་དག་ལ་གུས་བརྩི་ལྡན་པའི་དེང་གི་སློབ་མ་རེ་འགའ་དང་གྲྭ་ལོག་རེ་འགའི་ངག་ཙམ་ལས་ཆེར་མི་སྣང་། ༼དོན་གྲུབ་རྒྱལ་༽གྱིས་རྩོམ་རིགས་ཤིག་འབྲི་སྲོལ་གཏོད་པ་ཙམ་གྱིས་ལྷ་རུ་བཀུར་བ་དེ་ཡང་དེ་འདྲའི་སྟབས་བདེ་ཞིག་མིན་པར་འདོད། བྱས་རྗེས་དེ་ངས་ཀྱང་ཁས་ལེན་གྱིན་ཡོད་མོད། དེ་འདྲའི་གུས་བརྩི་རླབས་ཆེན་མེད། གཞན་དུ་དེ་སྔོན་གྱི་བོད་པའི་མགུར་གཞས་སོགས་གྲོལ་བ་ཡིན་མིན་གྱི་ལྟ་ཚུལ་ཡོད་ཀྱང་དེ་ནི་སྐབས་དོན་གྱི་རེ་ཞིག་འཇོག་རྒྱུ་ཡིན།        ཡང་ཁ་ཅིག་ན་རེ། ༼དགེ་འདུན་ཆོས་འཕེལ་༽ནི་རླབས་ཆེན་ཞིག་རེད་ཅེས་ཁ་འདོན་འདོན་འདོན་བྱེད་ཀྱིན་ཡོད་ལ། དེ་ནི་ངོ་མ་དོན་དང་མཐུན་པའི་གཏམ་ཞིག་ཏུ་བདག་གིས་ཀྱང་མཐོང་མྱོང་ལ་དེ་བཞིན་གུས་འདུད་ཀྱང་ཡོད་པ་ཡིན། རེད་དེ། ༼དགེ་འདུན་ཆོས་འཕེལ་༽ལ་རིགས་ཞེན་དང་ལ་རྒྱ་ཡོད་པ་བདེན་ཡང་ཁོང་མི་གླེན་རྟགས་ཚ་བོ་ཡོད་མཁན་དང་རང་གཤིས་གྱོང་བོ་ཅན་ཞིག་ཡིན་པ་ནི་སྔ་གཞུག་གི་ཁོང་གི་གསུང་རྩོམ་དང་ལོ་རྒྱུས་ལས་ཤེས་ཐུབ། ཁོང་གིས་སྐྱོན་ཆ་དེ་དག་ཁ་སྐོང་བྱེད་མ་ཐུབ་པར་བདག་ཀྱང་འགྱོད་གདུང་ཡོད་མཁན་ཞིག་ཡིན། དེང་སྐབས་འགའ་ཞིག་ནས་༼དགེ་འདུན་ཆོས་འཕེལ་༽སྐོར་གྱི་དཔྱད་རྩོམ་ལྟ་བུའི་བསྒྲགས་རྩོམ་འབྲི་མཁན་འགའ་རེ་འབྱུང་གིན་འདུག དེ་ཚོའི་ནང་གི་རེ་འགས་༼དགེ་འདུན་ཆོས་འཕེལ་༽གྱི་སྐྱོན་དང་འཚང་བརྗོད་པ་དེ་བྲིས་ནས་བསྟོད་ར་འཐེན་པ་དང་ཁོའི་བྱ་སྤྱོད་ངན་སྤྱི་ཚོགས་སུ་ཁྱབ་བརྡལ་གཏོང་བ་ནི་ཤི་བོའི་རྣ་མི་བདེ་བྱེད་ལོས་ཡིན་སྙམ།           ཁ་ཅིག་གཞན་དག་ན་རེ། ཨ་ལགས་དུང་དཀར་ཚང་ནི་རིགས་ཞེན་མེད་མཁན་ཞིག་རེད་ཅེས་བཤད་མཁན་ཡང་འབྱུང་མྱོང་། ང་ཆེས་མི་དགའ་ས་ནི་དེའི་རིགས་དེ་རེད། དེ་ལྟར་ཟེར་མཁན་དག་ལ་ཡང་”ཅི་ཞིག་ལ་དང་བྱ་བ་གང་གི་སྟེང་ནས་དེ་ལྟར་མཐོང་སོང་”ཞེས་སོགས་ཀྱི་དྲི་བ་བཏང་ན། དུང་དཀར་ཚང་རྒྱ་ནག་གི་ལས་བྱེད་པ་རེད་ཅེས་ཟེར་བ་ལྟ་བུ་དང་ཡང་ན་ཁོང་གུང་ཁྲན་ཏང་ལ་བསྟོད་བསྔགས་བྱས་འདུག་ཟེར།...