འབྲོག་མྱི། བོད་ཀྱི་རྒྱལ་དར་གྱི་དཔེ་རིས་ཅན་གྱི་ཚ་དབུགས་ལྒང་བུ་དབྱིན་ཇི་ནས་དགུང་ལ་སྤུར། རྒྱ་གཞུང་གི་ངན་སེམས་དེ་ངལ་བ་འབྲས་མེད་དུ་གྱུར། དེ་ཡང་དབྱིན་ཇིའི ༼སྲུང་སྐྱོབ༽གསར་ཤོག་གི་གནས་ཚུལ་ལྟར་ན། དབྱིན་ཇིའི་བྷི་རི་སི་ཊོལ (Bristol City ) གྲོང་ཁྱེར་གྱིས་སྤེལ་བའི་རྒྱལ་སྤྱིའི་ཚ་དབུགས་ལྒང་བུ་དུས་སྟོན་སྟེང་། ལྒང་བུ་ཧྲིལ་བོར་བོད་ཀྱི་རྒྱལ་དར་གངས་སེང་ཁ་སྤྲོད་མ་བྲིས་པའི་ཚ་དབུགས་ལྒང་ བུ་དེ་ལྒང་བུ་སྟོང་ཕྲག་མང་པོའི་ཁྲོད་མཚར་སྡུག་གིས་ཨ་སྔོན་དགུང་དུ་སྤུར། རྒྱ་ནག་གཞུང་ཚབ་ཁང་གི་དེ་སྔ“རྒྱལ་ཁབ་གཉིས་ཀྱི་འབྲེལ་ལམ་ལ་སྲུང་སྐྱོང” ཟེར་བ་ཁ་གཡར་ནས་ཞི་དྲག་གཉིས་ཀའི་ལམ་ནས་འགོག་ཐབས་བྱས་ཀྱང་། ཚ་དབུགས་ལྒང་བུ་བོད་ཀྱི་རྒྱལ་དར་མ་དགུང་ལ་དལ་བ་དལ་བུས་འཕུར་བ་དང་མཉམ་དུ་ རྒྱ་གཞུང་གི་ངན་སེམས་དེ་ངལ་ལ་འབྲས་མེད་དུ་གྱུར། གནས་ཚུལ་ལྟར་ན། བོད་ཀྱི་རྒྱལ་དར་བྲིས་པའི་ཚ་དབུགས་ལྒང་བུ་དེའི་མིང་ལ་བཀྲ་ཤིས་ཟེར་ཞིང་། སི་པན་དང་། ཧྥ་རན་སི། དབྱིན་ཇི་སོགས་ཀྱི་ལས་འགུལ་རྩ་འཛུགས་པ་རྣམས་ཀྱིས་འགྲེལ་བརྗོད་བྱས་པར་གཞིགས་ ན། རྒྱ་ནག་གཞུང་གིས་རྒྱལ་ཁབ་དེ་དག་ཚང་མ་རུ་བོད་ཀྱི་རྒྱལ་དར་བྲིས་པའི་ཚ་དབུགས་ ལྒང་བུ་དེ་འགོག་ཐབས་བྱས་ཡོད་འདུག
བོད་ཀྱི་རྒྱལ་དར་བྲིས་པའི་ཚ་དབུགས་ལྒང་བུ་དེ་ཐེངས་འདིའི་རྒྱལ་སྤྱིའི་ཚ་ དབུགས་ལྒང་བུ་དུས་སྟོན་ནང་ཞུགས་རྒྱུར་རྒྱབ་སྐྱོར་བྱེད་མཁན་ཚོས “ང་ཚོའི་དམིགས་ཡུལ་ནི་བོད་མིའི་རང་སྐྱོང་གི་ཐོབ་ཐང་དང་དབང་ཆ་འབུར་དུ་ཐོན་ རྒྱུ་ལས་བོད་དེ་རྒྱལ་ནག་ལས་རང་བཙན་བྱ་རྒྱུ་དེ་མིན” ཞེས་བརྗོད་ཡོད་པ་རེད། ཚ་དབུགས་ལྒང་བུ་གངས་སེང་མ་གཏོང་མཁན་གཉིས་ནི། དབྱིན་ཇིའི་གྷི་ལའོ་སི་ཊིར་ཤིར（Gloucestershire ） ས་ཁུལ་གྱི་གཟའ་ཟླ་གཉིས་ཏེ་ལོ་ན ༤༥ཡིན་པའི་སྐུ་ཞབས་ཕོལ ཌོབ་སན་དང་ལོ་ན ༤༤...

ཝེ། ཁྱེད་ཀྱི་ངང་གཤིས། སྨྱུག་མདའ། ཆོས་སྐད་མཐོ་བའི་ཡུལ་དངོས་ནས།། སྙིང་ལ་མེ་ཏོག་མ་བཙུགས་གོང་།། ང་ཡིས་ངལ་བ་ལན་རེར་བྲིས།། དགོད་སྒྲ་བཞུར་བའི་མགུར་ཞིག་སྐུར།། བགྲང་བྱ་དཔག་ཚད་ཕར་ལ་ཕྱིན།། དབྱངས་ཀྱི་ཁྲོད་དུ་ཡི་གེ་བཞག། རྨི་ལམ་འབྲི་བཞིན་མཚན་མོ་རུམ།། ཐག་རིང་རི་བོའི་འཕགས་མ་ལགས།། དྲན་པས་ནམ་མཁའ་ཡར་ཡར་བལྟས།། འཁོར་བའི་སྒྲ་དབྱངས་རྣ་བུར་སིམས།། སེམས་ཀྱི་གསེར་ཐག་ག་ལེར་མདུད།། ཡིད་ཀྱི་ཤེལ་སྒོ་སྟོན་ལགས་སམ།། གཤིས་འཇམ་རིག་པ་བློ་ལ་འཐད།། མི་འཕྲད་ལས་ཀྱི་ཡིག་ཆུང་མ།། སྲིད་པ་ངག་ཏུ་བརླབས་པ་འདི།། དྲོད་ཤ་སེན་མོས་རེག་པར་གྱིས།། དེ་རིང་སྐོམ་ལ་སྙན་ངག་བཞེངས།། ཁྱོད་ཉིད་མཚོ་བྱུང་ལྷ་མོར་འཁྲུལ།། སྐྲ་ལོ་ནུ་མའི་གཞུང་དུ་ཤམ།། ཞལ་རས་འོད་ཀྱི་མཐའ་ན་འཛུམ།། ཡི་གེ་བར་ནས་ཕན་ཚུན་ཤར།། ཚོར་བ་འཁྱུད་པའི་ལྷོད་ཅིག་རྙེད།། ཡངས་ཤིང་འཚོ་བའི་ཞོགས་པ་ལ།། སྣང་བའི་རི་མོར་ཡི་གེར་བླངས།། ༢༠༡༥/༨/༡༣ མཚན་མོར། སྒྱུ་མའི་ཞལ་ཐང་། བརླན་པའི་རི་མོ་ལྡག་བྱས་ན།། དྲན་པའི་ངོས་ལ་མེ་ཏོག་གད།། དར་གྱི་གཤོག་པ་རྒྱང་ལ་བརྐྱངས།། རྨི་ལམ་ལས་བྱར་མདངས་མཛེས་མ།།...

༄༅། །ཕྱི་ལོ་ ༡༩༧༠ ཟླ་ ༡༠ ཚེས་ ༡༤ ཉིན་བཞུགས་སྒར་དྷ་སར་བོད་ཀྱི་གཞོན་ནུ་ལྷན་ཚོགས་ཐེངས་དང་པོའི་སྐབས་སྩལ་བའི་བཀའ་སློབ། ཀ༽ ཤེས་འཇོན་ལྷག་གསུམ་དང་། འགྱུར་མེད་ཀྱི་སྙིང་སྟོབས།           དེ་རིང་ཁ་སང་གི་དྲི་བའི་མཇུག་བསྐྱལ་ན་བསམ་པ་བྱུང་ཡང་། དུས་ཚོད་མི་འདུག་པས་མི་དགོས་པ་བྱ་རྒྱུ་ཡིན། ཉིན་ཤས་ཀྱི་རིང་ལ་ཁྱེད་རང་ཚོ་ཚང་མས་དོ་སྣང་ཆེན་པོའི་ཐོག་ནས་བསམ་བློ་བཏང་། གོ་བསྡུར་བྱས། སྐད་ཆ་བཤད། རྩོད་པ་བརྒྱབ། རྒྱུ་མཚན་བཀོད། ཚང་མས་དམིགས་ཡུལ་ངེས་ཅན་ཞིག་བཟུང་བ་དེ་བསྒྲུབ་པའི་ཆེད་དུ་གང་དགའ་ཅི་ལེགས་དང་། རང་ཉིད་ཀྱི་སེམས་ལ་འཆར་སྒོ་གང་ཡོད་ཤོད་རེས་བྱས་ནས་དེ་རིང་ཚོགས་འདུ་ཟིན་ཏེ་བཀྲ་ཤིས་ལོ་ལེགས་བྱུང་བར། ངས་ཁྱེད་རང་ཚོ་ཚང་མར་བཀྲ་ཤིས་བདེ་ལེགས་ཞུ་རྒྱུ་ཡིན། གཞན་དག་ངོས་ལ་ཞུ་རྒྱུ་མི་འདུག
ཁྱེད་རང་ཚོ་འདིར་རྩ་བའི་ཚོགས་འདུའི་སྒྲིག་འཛུགས་བྱེད་མཁན་ཚོ་ཡིན་ཡང་རུང་། ཕྱོགས་མཐའ་ནས་ཡོང་མཁན་ཚོ་ཡིན་ཡང་རུང་། ཚང་མས་སེམས་ཤུགས་ཆེན་པོ་འཁྱེར་ཏེ་འདིར་འཛོམས་ཤིང་། ཉིན་ཤས་དེའི་རིང་མཐུན་རྐྱེན་མ་འཛོམས་པ་དང་། གང་ཅིའི་དཀའ་ངལ་ལ་མ་ལྟོས་པར་སེམས་ཤུགས་ཀྱི་ཐོག་ནས་ཚོགས་འདུ་འཚོགས་པ་དེ་ཡག་པོ་རེད། སེམས་ཤུགས་དང་ལྷག་བསམ་དེ་དག་གལ་གནད་ཆེན་པོ་རེད། ཤེས་བྱ་ཡོན་ཏན་ཟེར་བ་དེ་ལག་ཆ་ལྟ་བུ་ཞིག་ཡིན། ལག་ཆ་དེ་བེད་སྤྱོད་ཇི་ཙམ་ཡོད་པ་དེ་ཙམ་གྱིས་ཕུན་སུམ་ཚོགས་པ་ཞིག་ཡོང་གི་རེད། ལྷག་བསམ་མེད་ན་ཤེས་བྱ་ཡོན་ཏན་ཕྱུག་པོ་ཡོད་ཀྱང་དེ་ཙམ་གྱིས་ནུས་པ་འཇོག་མི་ཐུབ།
ད་ལྟ་ཁྱེད་རང་ཚོ་ཚང་མར་སེམས་ཤུགས་ཡོད་པ་དེ་ཡག་པོ་རེད། ད་དུང་ཡང་སེམས་ཤུགས་མ་ཆགས་པ་བྱས་ཏེ་གོང་མཐོར་སྤེལ་རྒྱུ་གལ་ཆེན་པོ་རེད། མ་གཞི་མིའི་བསམ་པ་ཟེར་བ་དེ་འགྱུར་སླ་པོ་དང་། བརྟན་པོ་མེད་པ།...