སུན་སྣང་གི་ཆིག་ལབ།

འོད་དཀར།

སྨག་ནག་པའི་མཚན་མོ་རེ་རེ།
སུན་སྣང་དང་སྐྱོ་གདུང་གིས་ཕར་ལ་བསྐྱལ།

ད་ནི་སང་ཉིན་ཏེ།
བོད་སྐད་མི་གོ་ཞིང་།
བོད་པ་མི་མཐོང་བའི་སང་ཉིན་ཏེ།
སྐྱོ་སྡུག་གི་ཉི་མ་རིང་པོ་ཅི་ལྟར་བསྐྱལ་དགོས།

ཁེར་རྐྱང་གི་ཆིག་ལབ་རེ་རེ།
རླུང་བུར་གཤིབ་ནས་དལ་གྱིས་ཆས་སོང་།

ཕ་ཡུལ་གྱི་རི་ཆུ་ལུང་གསུམ་དྲན་པའི་གདུང་བ་རེ་རེ།
གཙང་ཆེན་ཞིག་གི་བཞུར་འགྲོས་ལ་བཅོལ་ཡོད།

ས་མཐའ་ས་མཐའ་སྟེ།
ཡུལ་མཐའ་ལུང་མཐའ་འདི་ནས།
ཅི་ཞིག་ལ་རེ་ཞིང་སྒུག་ཡོད།

ཆ་མི་སྙོམས་པའི་སྐྱོ་སྣང་གི་དྲི་བ་རེ་རེ།
སུ་ལ་འདྲི་འོས།

དོ་མི་མཉམ་པའི་ལས་དབང་གི་འཁང་ར་རེ་རེ།
སུ་ལ་བྱ་འོས།

མེས་པོ་ཚོའི་དཀའ་སྤྱད་ལས་གྲུབ་པའི་ལོ་རྒྱུས་ཀྱི་གླེགས་བམ་དེ་དག
ང་ཚོ་དང་རྒྱང་རིང་ལ་ཆས་སོང་།

ནང་ཁུལ་ཁོ་ནར་ངར་བཞིན་པའི་མི་རིགས་འདི།
གདོང་དམར་པའི་བུ་རབས་ཚ་རྒྱུད་ཡིན་ནམ།

སྐབས་རེ་རང་ཉིད་ཀྱི་དོན་ལྔ་སྣོད་དྲུག་ལ་ཡང་ཡིད་ཆེས་དཀའ་བའི་དེ་རིང་།
ཤི་བ་ནི་འཇིགས་སྐྲག་ཅིག་མིན་པར་སྤྲོ་སྣང་དུ་ཚོར།

༢༠༡༥།༡༠། ༢༠

ངེད་དྲ་ཚིགས།

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s