རང་ཉིད་སྐད་ཅིག་གིས་དཔལ་རྡོ་རྗེ་འཇིགས་བྱེད་ཞལ་གཅིག་ཕྱག་གཉིས་ཀྱིས་གྲི་གུག་དང་ཐོད་པ་འཛིན་པ་ཡུམ་དང་བཅས་པའི་སྐུར་བཞེངས་པར་གྱུར། ཅེས་རང་ཉིད་ཡི་དམ་དུ་བསྐྱེད། ནང་མཆོད་བྱིན་རླབས་བྱེད། ཨོཾ་ཧྲཱིཿཥྚྲཱིཿཝི་ཀྲི་ཏཱ་ན་ན་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷཱཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་ཨ་ལས་བྱུང་བའི་ཐོད་པ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུཾ་ཧཱུཾ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་མཆོག །ཞལ་ཟས། རོལ་མོ་རྣམས་རང་བཞིན་སྟོང་པ། རྣམ་པ་མཆོད་རྫས། བྱེད་ལས་དབང་པོ་དྲུག་གི་སྤྱོད་ཡུལ་དུ་ཟག་པ་མེད་པའི་བདེ་བ་ཁྱད་པར་ཅན་སྟེར་བར་གྱུར། ༀ་ཨརྒྷཾ་ཨཱཿཧཱུཾ། ༀ་པཱ་དྱཾ་ཨཱཿཧཱུཾ། ༀ་པུཥྤེ་ཨཱཿཧཱུཾ། ༀ་དྷཱུ་པེ་ཨཱཿཧཱུཾ། ༀ་ཨཱ་ལོ་ཀེ་ཨཱཿཧཱུཾ། ༀ་གནྡྷེ་ཨཱཿཧཱུཾ། ༀ་ནཻ་ཝི་དྱ་ཨཱཿཧཱུཾ། ༀ་ཤཔྟ་ཨཱཿཧཱུཾ། ཞེས་ཆུ་གཉིས་ཉེར་སྤྱོད་རོལ་མོ་རྣམས་བྱིན་གྱིས་བརླབ་ཅིང་། སྤྱན་གཟིགས་ཀྱི་མཆོད་པ་གཞན་ཡོད་ན། ཧྲཱིཿཥྚྲཱིཿས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་མཆོད་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཡོངས་སུ་གྱུར་པ་ལས་འདོད་པའི་ཡོན་ཏན་ལྔ་དང་ལྡན་པའི་དམ་རྫས་སྤྱན་གཟིགས་མཆོད་པའི་བྱེ་བྲག་བསམ་གྱིས་མི་ཁྱབ་པ་ས་དང་བར་སྣང་གི་ཁྱོན་ཐམས་ཅད་ཡོངས་སུ་གང་བར་གྱུར། ཨོཾ་སརྦ་བིད་པཱུ་ར་པཱུ་ར་སུ་ར་སུ་ར་ཨ་ཝརྟ་ཡ་ཨ་ཝརྟ་ཡ་ཧོ། བཛྲ་སྥ་ར་ཎ་ཁཾ། ལན་གསུམ་བརྗོད། ཨོཾ་སྭ་བྷཱ་ཝ་བི་ཤུདྡྷེ་དྷརྨཱ་ཏེ་བཛྲ་སིདྡྷི་ཧཱུཾ།...

        ༄༅།།ཁྱབ་བདག་འཁོར་ལོའི་མགོན་པོ་སྐྱབས་རྗེ་ཤིང་བཟའ་རྡོ་རྗེ་འཆང་བློ་བཟང་བསྟན་པའི་དབང་ཕྱུག་ཚུལ་ཁྲིམས་ཕུན་ཚོགས་དཔལ་བཟང་བོ་མཆོག་ནི།  རབ་བྱུང་བཅུ་བཞི་བའི་ཤིང་བྱ༼  ཕྱི་ལོ༡༨༢༥  ༽ལོར་ཤར་རྨ་རྒྱལ་སྦོམ་ར་དང་ཁད་ཉེ་བའི་གདན་ས་ཆེན་པོ་ཨ་རིག་རྭ་རྒྱ་བཀྲ་ཤིས་འབྱུང་གནས་ཀྱི་ལྷོ་ཕྱོགས།  གེ་ཐོ་དམར་ཡག་ཏུ་གྲགས་པའི་ཉེ་འདབས།  ཕ་བོང་དུང་དཀར་འདྲ་བའི་ཉེ་འཁྲིས་སུ་ཡབ་ཇ་སག་མགོན་པོ་རྡོ་རྗེ་དང་།  ཡུམ་རིན་ཆེན་སྒྲོལ་མ་གཉིས་ཀྱི་སྲས་སུ་སྐུ་བལྟམས།  སེར་བྱེས་ཕྱག་ཤུལ་དགེ་བཤེས་དགེ་འདུན་རྣམ་རྒྱལ་ཚང་གིས་དགེ་འདུན་ཕུན་ཚོགས་ཞེས་པའི་མཚན་གསོལ།          དགུང་ལོ་གསུམ་པ་མེ་ཕག༼  ཕྱི་ལོ༡༨༢༧  ༽ལོར་སྨན་ཤུལ་བློ་བཟང་ཕུན་ཚོགས་ཨུ་རྒེར་ཕེབས་པའི་དྲུང་ནས་གྲུབ་རྒྱལ་ཚེ་དབང་དང་འཇིགས་བྱེད་དཔའ་གཅིག་གི་དབང་ཐོབ།  སྐབས་འདིར་རྗེ་འདི་ཉིད་ཤིང་བཟའ་རིན་པོ་ཆེའི་སྤྲུལ་སྐུར་གྲགས་ཆེ་བ་བྱུང་ཞིང་།  སྒྲུབ་ བརྒྱུད་བསྟན་པའི་མངའ་བདག་ཡབ་རྗེ་གསེར་ཁང་བ་བློ་བཟང་བསྟན་འཛིན་རྒྱ་མཚོའི་ ཤིང་བཟའ་པཎྜི་ཏ་བློ་བཟང་དར་རྒྱས་རྒྱ་མཚོའི་ཡང་སྤྲུལ་དུ་ངོས་འཛིན་གནང་ཞིང་།  སྣང་བ་མཐའ་ཡས་པཎ་ཆེན་སྐུ་ཕྲེང་བདུན་པ་བློ་བཟང་དཔལ་ལྡན་བསྟན་པའི་ཉི་མས་ཡང་བསྐྱར་སྤྲུལ་སྐུ་འཁྲུལ་མེད་ཀྱི་ངོ་ཤར་བས།  གཙང་སྦྲ་གལ་ཆེ་ཚུལ་གྱི་བཀའ་ཤོག་བསྩལ།         དགུང་ལོ་ལྔ་བ་ས་གླང༼  ཕྱི་ལོ༡༨༢༩  ༽ལོར་སྒོམ་ཐར་དགེ་སློང་ཚུལ་ཁྲིམས་ཆོས་འཕེལ་ལས་ཡིག་གཟུགས་དང་སྐྱབས་འགྲོ།  སྨོན་ལམ་སྣ་ལྔ་སོགས་ཐུགས་འཛིན་མཛད།  དགུང་ལོ་བདུན་པ་ལྕགས་ཡོས༼  ཕྱི་ལོ༡༨༣༡  ༽ ལོར་འདུལ་འཛིན་ཆེན་པོ་ཨ་རིག་ཁྲི་རིན་པོ་ཆེ་བྱམས་པ་འཕྲིན་ལས་རབ་རྒྱས་དཔལ་ བཟང་བོའི་དྲུང་ནས་དགེ་བསྙེན་དང་རབ་བྱུང་དགེ་ཚུལ་དཀྱུས་གཅིག་ཏུ་བསྒྲུབས་ཏེ་ མཚན་ལ་བློ་བཟང་བསྟན་པའི་དབང་ཕྱུག་ཚུལ་ཁྲིམས་ཕུན་ཚོགས་ཞེས་གསོལ།  དགེ་བཤེས་ཆོས་དཔལ་རྒྱ་མཚོའི་དྲུང་དུ་བཅར་བཞུགས་མཛད་དེ་རྒྱན་འཇུག་སོགས་ཐུགས་འཛིན་གནང་།         དགུང་ལོ་བརྒྱད་པ་ཆུ་འབྲུག༼  ཕྱི་ལོ༡༨༣༢...

   ༄༅། ། འདིར་ཆ་གསུམ་གཏོང་བར་འདོད་པས་གཏོར་མ་ཉེར་སྤྱོད་དང་བཅས་པ་ཕྱག་ལེན་བཞིན་བཤམ་ལ། མཆོད་པ་བྱིན་གྱིས་བརླབ་པ་ནི། ཨོཾ་བཛྲ་ཡཀྵ་ཧཱུཾ། ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷཿསརྦ་དྷ་རྨཱཿསྭབྷཱ་ཝ་ཤུདྡྷོཉ་ཧཾ། སྟོང་བ་ཉིད་དུ་གྱུར། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོད། ཞབས་བསིལ། མེ་ཏོག། བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་དྭངས་ཞིང་ཐོགས་པ་མེད་པ་ནམ་མཁའ་དང་མཉམ་པར་གྱུར། ཨོཾ་ཨརྒྷཾ་ཨཱཿཧཱུཾ། ཨོཾ་པཱ་དྱཾ་ཨཱཿཧཱུཾ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་དྷུ་པེ་ཨཱཿཧཱུཾ། ཨོཾ་བཛྲ་ཨ་ལོ་ཀེ་ཨཱཿཧཱུཾ། ཨོཾ་བཛྲ་གནྡྷེ་ཨཱཿཧཱུཾ། ཨོཾ་བཛྲ་ནཻ་ཝི་དྱེཨཱཿཧཱུཾ། ཨོཾ་བཛྲ་ཤཔྟ་ཨཱཿཧཱུཾ། དེ་ནས་གཏོར་མ་བྱིན་གྱིས་བརླབ་པ་ནི། ཨོཾ་སྭབྷཱ་ཝ་བི་ཤུདྡྷེ་དྷརྨཱཿཏེ་བཛྲསིདྡྷི་ཧཱུཾ། ན་མཿསརྦ་ཏ་ཐ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཏངྑཾཨུདྒ་ཏེ་སྤ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། ཨོཾ་ཨ་མྲྀ་ཏེ་ཧཱུཾ་ཕཊ། ཨོཾ་ཨ་ཀཱ་རོ་མུ་ཁཾ་སརྦ་ངྷརྨཿཎི་ཨ་དྱ་ནུཏྤནྣཏྭཱཏྟ། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུཾ། ཨོཾ་རུ་རུ་སྤུ་རུ་ཛྭ་ལཱ་ཏིཥྠ་སིདྡྷ་ལོ་ཙ་ནི་སརྦ་ཨརྠ་སཱ་ངྷ་ནི་སྭཱ་ཧཱ། བདག་གི་བསམ་པའི་སྟོབས་དང་ནི།། དེ་བཞིན་གཤེགས་པའི་སྦྱིན་སྟོབས་དང།།...

དགེ་བཤེས་དཔལ་ལྡན་གྲགས་པ།         དེ་ཡང་ཐབས་མཁས་ལ་ཐུགས་རྗེ་ཆེན་པོ་དང་ལྡན་པའི་སྟོན་པ་མཆོག་དེ་ཉིད་ཀྱིས། བདག་ཅག་ཆོས་ལས་གཡེལ་ཞིང་ལེ་ལོ་ཅན་རྣམས་བླང་དོར་ལ་སྦྱོར་བ་གཉིས་ལྡན་གྱི་སྒོ་ནས་འཇུག་ཅིང་བརྩོན་པར་བྱ་བའི་ཕྱིར། སྲིད་པ་འཁོར་བའི་ཉེས་དམིགས་དང་། ཞི་བ་མྱང་འདས་ཀྱི་ཕན་ཡོན་གསལ་བར་མཚོན་བྱེད་དཔེ་བྲིས་འདི་འདྲའི་ཐབས་ལམ་ནས་ཀྱང་ཆོས་ལ་བསྐུལ་བར་མཛད་པ་ཡིན་པར་སྣང་བས། འདིའི་མཚོན་དོན་རྣམས་རང་གིས་ཇི་བཞིན་ཤེས་པ་དང་། ལེགས་པར་དྲན་ཞིང་བསམ་པ་དང་། ཚུལ་བཞིན་དུ་བསྒོམ་པ། དེ་བཞིན་དོན་གཉེར་ཅན་གཞན་དག་ལའང་ཀུན་སློང་བཟང་པོས་ཅི་ནུས་ལེགས་པར་བཤད་ཐུབ་ན་རང་གཞན་ཀུན་ལ་ཕན་པ་རྒྱ་ཆེར་འབྱུང་བར་ངེས་པས་དེའི་ཕྱིར་དམ་པ་རྣམས་ཀྱི་གསུང་ལས་བཏུས་ཏེ་གནད་བསྡུས་ཙམ་བྲི་བར་བྱའོ། ། དེ་ལ་སྲིད་པ་འཁོར་ལོ་ཞེས་པ་འདིའི་ཆ་ལག་དང་བཅས་པས་ཅི་དང་གང་མཚོན་པ་ཡིན་སྙམ་ན། འདིས་ནི་འཁོར་འདས་གཉིས་ཀྱི་རྣམ་གཞག་གམ། ཆོས་ཕུང་བརྒྱད་ཁྲི་བཞི་སྟོང་བརྗོད་བྱའི་གཙོ་བོ་སྟོན་པ་མཆོག་གིས་ཆོས་ཀྱི་འཁོར་ལོ་ཐོག་མར་བསྐོར་བའི་ཚེ་གསུངས་པ་འཕགས་པའི་བདེན་པ་བཞིའི་འཇུག་ལྡོག་སྤང་བླང་གི་རྣམ་གཞག་ཆ་ཚང་བ་ཞིག་མཚོན་པར་གསལ་ལ།         འདི་ལ་གཞུང་འགའ་ཞིག་ཏུ་འཁོར་བའི་འཁོར་ལོ་དང་། ཡོངས་གྲགས་ལ་སྲིད་པ་འཁོར་ལོ་ཞེས་བརྗོད། དེ་ནི་ཇི་སྲིད་དུ་ལས་ཉོན་གྱི་དབང་དུ་སོང་བ་དེ་སྲིད་དུ་རང་དབང་མེད་པར་སྐྱེ་འཆི་བརྒྱུད་མར་འཁོར་བའམ། རྟག་བརྟན་མེད་པར་སྐྱེ་བའི་བར་དོ་སོགས་བཟང་ངན་སྣ་ཚོགས་སུ་འགྱུར་བའི་གནས་སྐབས་འདྲ་མིན་སྲིད་པའི་ཚུལ་མཚོན་བྱེད་འཁོར་ལོའི་རི་མོ་ཡིན་པས་མིང་དེ་དང་དེ་བཞིན་བརྗོད་པར་སེམས།      འདི་ཇི་ལྟར་བྱུང་ཚུལ་ནི། སྟོན་པ་ཐུགས་རྗེ་ཅན་ཞལ་བཞུགས་སྐབས་ཡུལ་དབུས་ཀྱི་རྒྱལ་བོ་གཟུགས་ཅན་སྙིང་པོ་ལ། མཐའ་འཁོབ་སྒྲ་སྒྲོགས་ཀྱི་རྒྱལ་པོ་ཨུ་ཏྲ་ཡ་ནས་རིན་པོ་ཆེའི་ཁྲབ་རིན་ཐང་བྲལ་བ་ཞིག་སྐྱེས་སུ་བསྐུར་བ་ན།  རྒྱལ་པོ་གཟུགས་ཅན་སྙིང་པོས་དེའི་སྐྱེས་ལན་འགངས་ཆེ་བ་བསྐུར་རྒྱུ་མ་རྙེད་པས་བཅོམ་ལྡན་འདས་ལ་ཐབས་ཞུས་པ་བཞིན། སྟོན་པ་རང་ཉིད་ཀྱིས་འཁོར་འདས་སམ་བདེན་བཞིའི་རྣམ་གཞག་མཚོན་བྱེད་སྲིད་པ་འཁོར་ལོ་ཆ་ལག་དང་བཅས་པ་ཞལ་བཀོད་གནང་བ་ལྟར་ལེགས་པར་བཞེངས་ཏེ་བསྐུར་བ་ན། རྒྱལ་པོ་ཨུ་ཏྲ་ཡ་ན་སོགས་འདིའི་གདུལ་བྱ་སྐལ་ལྡན་གྱི་སྐྱེ་བོ་གྲངས་ལས་འདས་པས་འདི་མཇལ་བ་ལ་བརྟེན་ནས། བདེ་སྡུག་གི་རྒྱུ་འབྲས་དེ་བཞིན་ཁོང་དུ་ཆུད་ཅིང་བླང་དོར་འབྱེད་པའི་བློ་གྲོས་ཀྱི་མིག་དྲི་མ་མེད་པ་ལེགས་པར་ཐོབ་པ་བྱུང་ཚུལ་མཁས་པ་འགས་གསུངས། འདུལ་བ་ལུང་རྣམ་འབྱེད་(བཀའ་འགྱུར་ཞོལ་དཔར། ཇ༽༡༦༨)དུ།  ཡང་ཡང་ཟ་བའི་ལྟུང་བྱེད་ཀྱི་སྐབས་སུ། སྡོམ་ལྡན་བསླབ་ཁྲིམས་ལས་གཡེལ་རིགས་གང་དག་ཤཱ་རིའི་བུ་དང་མོའུ་འགལ་གྱི་བུ་གཉིས་ཀྱིས་འདུལ་སྐལ་ཅན་རྣམས་ལ། སྟོན་པས་ཆོག་ཟུང་ལ་རིགས་དྲུག་སོ་སོར་བསྐོར་བའི་གཟིགས་ཚུལ་རྣམས་བཤད་དེ་འདུལ་དུ་གནང་བའི་སྐབས་ཤིག་ལ། སྟོན་པས་ཀུན་དགའ་བོ་ལ་དུས་རྟག་ཏུ་མཆོག་ཟུང་གཉིས་ལྟ་བུ་མི་འབྱུང་བས་དེའི་ཚབ་ཏུ་ཐབས་གཞན་སྒོ་ཁང་དུ་ཆ་ལྔ་པའི་འཁོར་ལོ་བྲི་དགོས་པ་དང་། དེ་ཇི་ལྟར་བྲི་ཚུལ།...

རྗེ་ཙོང་ཁ་པ།   ན་མཿ ཤྲཱི་བཛྲ་བྷཻ་ར་ཝཱ་ཡ། བརྐྱང་བསྐུམ་ཞབས་ནི་ཅུང་ཟད་བརྡབས་པ་ཙམ་གྱིས་དཀྱིལ་འཁོར་བཞིར་བཅས་རི་དབང་ཤིག་ཤིག་པོར་འགྱུར་ཞིང་།། གཏུམ་དྲག་མ་ཧེའི་ཞལ་ནི་རབ་ཏུ་གདངས་པས་བསྒྲགས་པའི་གད་རྒྱངས་ཆེན་པོས་ས་གསུམ་ཀུན་འགེངས་པ།། རྒྱལ་བའི་ཡབ་གཅིག་འཇམ་པའི་དབྱངས་གང་མ་རུངས་འདུལ་ཕྱིར་དྲག་པོའི་སྐུར་བསྟན་བཅོམ་ལྡན་གཤིན་རྗེའི་གཤེད།། གང་དེར་གུས་པས་བཏུད་ནས་གཤིན་རྗེའི་རྒྱལ་པོ་བསྟོད་ཀྱི་ད་ནི་བགེགས་རྣམས་བག་ཡོད་དུས་ལ་བབ།། རི་བོ་རལ་ཞིང་ཆུ་གཏེར་འཁྲུགས་པ་ལྟ་བུར་འུར་འུར་ཞེས་པའི་སྒྲ་ཆེན་རྒྱུད་མར་རབ་སྒྲོག་པ།། དྲག་པོའི་མེ་ལྕེ་གནག་པའི་དུ་བས་འཁྱུད་པའི་ཚོགས་རྣམས་འབུམ་ཕྲག་གློག་ཕྲེང་ཆར་སྤྲིན་ནང་འགྱུག་བཞིན།། ཤིན་ཏུ་བཟོད་དཀའི་རེག་བྱ་ཚ་བའི་ངར་ལྡན་ཁ་དོག་ལྔ་ཡི་ཕྲེང་བས་ཟླུམ་པོར་བསྐུར་བའི་དབུས།། མུན་པ་བྱེ་བས་བྱུགས་ལྟར་གནག་པའི་ཆོས་འབྱུང་ཆལ་ཆིལ་གཡོ་བའི་ཁྲག་ཞག་རྒྱ་མཚོས་གང་བའི་སྟེང་།། རྟ་བདུན་བདག་པོའི་གདན་ལ་གནོད་བྱེད་ནག་པོ་གན་རྐྱལ་བསྒྱེལ་བའི་སྟེང་ན་གཤིན་རྗེའི་རྒྱལ་པོ་ནི།། མིག་སྨན་ལྟར་གནག་ཐུང་ལ་སྦོམ་པའི་ལུས་ཅན་གཡས་བརྐྱང་གཡོན་བསྐུམ་ས་ཆེན་གཡོ་བའི་གོམ་སྟབས་ཅན།། སེར་སྐྱའི་རལ་པ་གྱེན་དུ་འཛིངས་པའི་དབུ་ལ་ཐོད་སྐམ་ལྔས་བརྒྱན་དྲག་པོའི་རྡོ་རྗེ་སྤྱི་བོར་འཛིན།། ཁྲག་གིས་སྦགས་པའི་མགོ་རློན་འཕྲེང་བ་མགྲིན་པར་འཕྱང་ཞིང་སྤྱན་གསུམ་བགྲད་པའི་སྡང་མིག་གཡོ་བ་ཅན།། མཆེ་བ་རྣོན་པོ་གཙིགས་པའི་བགྲད་པའི་ཞལ་ནས་དབུགས་ཕྲེང་གཡོ་བ་གདུག་པའི་སྦྲུལ་གྱི་ཁ་རླངས་བཞིན།། གཡས་པས་འབར་བའི་གྲི་གུག་བདུད་དཔུང་ཀླད་ལ་འཕྱར་ཞིང་ཁྲག་ལྡན་ཐོད་པ་གཡོན་གྱིས་བཟུང་ལ་རོལ།། སྟག་ལྤགས་སྨད་གཡོག་བགོས་པའི་གཏུམ་ཆེན་ཁྱོད་ཀྱིས་གཤིན་རྗེའི་གཤེད་ལ་ཇི་ལྟར་ཞལ་བཞེས་དེ་བཞིན་དུ།། མ་གཡེལ་མ་གཡེལ་མྱུར་དུ་དྲན་པར་མཛོད་ལ་རྣལ་འབྱོར་བདག་གིས་གང་ཞིག་བསྒོ་བ་ཐམས་ཅད་སྒྲུབས།། གཞན་ཡང་ཁྱོད་ཀྱི་ཕྱོགས་བཞིར་རྭ་དང་རྨིག་པ་རབ་ཏུ་རྣོ་བའི་མ་ཧེ་དྲག་པོའི་གདན་སྟེང་ན།། དཀར་དང་སེར་དང་དམར་དང་གནག་པའི་གཤིན་རྗེ་ཆེན་པོ་དྲག་ཏུ་ཁྲོས་པའི་མ་ཧེའི་གདོང་པ་ཅན།། བརྐྱང་བསྐུམ་སྟབས་ཀྱིས་རབ་ཏུ་འགྱིང་ཞིང་དུར་ཁྲོད་ཆས་ཀྱིས་ལེགས་བརྒྱན་ཞལ་གདངས་མིག་རྩ་ཀུན་ཏུ་དམར།། བགེགས་དཔུང་འཇོམས་ལ་རྡོ་རྗེའི་ཐོག་ལྟར་བསྔགས་པ་དེ་དག་གིས་ཀྱང་ཞི་རྒྱས་དབང་དྲག་ལས་ཀུན་སྒྲུབས།། མདོར་ན་རྒྱལ་བ་ཀུན་གྱིས་ཡང་དང་ཡང་བསྔགས་འཇམ་པའི་དབྱངས་ཞེས་ས་སྟེང་ཀུན་ཏུ་གྲགས་པ་དེའི།། ཕུན་ཚོགས་གོ་འཕང་མཆོག་དེ་མཁའ་མཉམ་ལུས་ཅན་ཀུན་གྱི་དོན་དུ་ཇི་སྲིད་བདག་གིས་མ་མནན་པ།། སྲིད་གཤིན་རྗེའི་གཤེད་ཀྱི་བཀའ་ནི་གུས་པས་ལྷུར་ལེན་ཆོས་རྒྱལ་གཤིན་རྗེ་འཁོར་དང་བཅས་པ་ཡིས།། ཡང་དག་ལམ་གྱི་ནོར་མཆོག་འཕྲོག་ལ་བརྩོན་པའི་ནག་པོའི་རྩ་ལག་སྡེ་དང་བཅས་པ་གཞོམ་པར་མཛོད།།        ཅེས་གཤིན་རྗེ་ཆོས་ཀྱི་རྒྱལ་པོ་ལ་ནང་སྒྲུབ་ཀྱི་ཚུལ་དུ་བསྟོད་པ་བདུད་དཔུང་རྣམ་པར་འཐག་པ་ཞེས་བྱ་བ་འདི་ནི་སྡོམ་བརྩོན་སྡེ་སྣོད་འཛིན་པ་འཇམ་དཔལ་རྒྱ་མཚོ་ཞས་པའི་རང་གི་སློབ་མས་གསོལ་བ་བཏབ་པའི་དོན་དུ་གཤིན་རྗེ་གཤེད་ཀྱི་རྣལ་འབྱོར་པ་མང་དུ་ཐོས་པའི་རྒྱལ་ཁམས་པ་བློ་བཟང་གྲགས་པའི་དཔལ་གྱིས་སྦྱར་བའོ།། ངེད་དྲ་ཚིགས།...

རྭ་རྒྱ་དགོན་པའི་བོད་ལོའི་དགུ་གཏོར་ཆེན་མོ་ངོ་སྤྲོད་མདོར་བསྡུས་དང་དེའི་ཕན་ཡོན་ཅུང་ཙམ་བཤད་པ། དགེ་འདུན་སྦྱིན་པ།
          དེ་ཡང་གནམ་ལོ་གསར་བའི་ནང་དུ་སྤྱིར་སངས་རྒྱས་ཀྱི་བསྟན་པ་རིན་པོ་ཆེ་དར་ཞིང་རྒྱས་པ་དང་། རིས་སུ་མ་ཆད་པའི་བསྟན་འཛིན་གྱི་སྐྱེས་ཆེན་དམ་པ་རྣམས་ཀྱི་སྐུ་ཚེ་བརྟན་ཅིང་མཛད་འཕྲིན་རྒྱས་པ། རིས་མེད་ཀྱི་དགེ་འདུན་གྱི་སྡེ་ཆེ་ཆུང་དུ་མའི་བཤད་སྒྲུབ་འཁོར་ལོ་གསུམ་གྱི་བྱ་བ་རྣམས་མི་ཉམས་གོང་དུ་འཕེལ་བ། ནམ་མཁའ་དང་མཉམ་པའི་སེམས་ཅན་སྤྱི་དང་དམིགས་བསལ་བསྟན་པ་རིན་པོ་ཆེ་ལ་གུས་འདུད་ལྷུར་ལེན་བགྱིད་པའི་བསྟན་པའི་སྦྱིན་བདག་རྣམས་ཀྱི་རྐྱེན་ངན་བར་ཆད་ཐམས་ཅད་ཉེ་བར་ཞི་ཞིང་མཐུན་རྐྱེན་ཆོས་དང་འབྱོར་བ་ཕུན་སུམ་ཚོགས་པ་ལ་ལོངས་སུ་སྤྱོད་པ་སོགས་ཀྱི་ཆེད་དུ་དམིགས་ཏེ་རྭ་རྒྱ་དགོན་དགའ་ལྡན་བཀྲ་ཤིས་འབྱུང་གནས་ཀྱིས་ལོ་རེ་བཞིན་འཆར་ཅན་གྱི་བོད་ལོའི་དགུ་གཏོར་ཆེན་མོ་ཚུགས་བཞིན་ཡོད་པ་སྟེ། དཔལ་ལྡན་རྒྱུད་པ་གྲྭ་ཚང་ནས་འཇམ་མགོན་ཆོས་ཀྱི་རྒྱལ་བོ་ཙོང་ཁ་བ་ཆེན་མོའི་མན་ངག་རྣམ་གསུམ་དུ་གྲགས་པའི་ནང་ཚན་འཕྲུལ་འཁོར་ལ་བརྟེན་པའི་ཟློག་ཆེན་སྟེ། འཇིག་བྱེད་ལྷ་བཅུ་གསུམ་མའི་སྒོ་ནས་ལྕགས་མཁར་ཟུར་བཅུ་དྲུག་པའི་སྦྱོར་དངོས་མཇུག་གསུམ་ཡོངས་སུ་ཚང་བའི་གཏོར་ཆེན་དང་། ཡང་ཡི་དམ་དེ་ཡི་སྒོ་ནས་དྲག་པོའི་སྦྱིན་སྲེག་རྒྱས་པ་གཏོང་།            དཔལ་དུས་ཀྱི་འཁོར་ལོའི་གྲྭ་ཚང་ནས་ཡི་དམ་རྡོ་རྗེ་འཇིགས་བྱེད་ལྷ་བཅུ་གསུམ་མའི་སྒོ་ནས་མགོན་ཆོས་ལྔའི་བསྐང་གསོལ་རྒྱས་པ་དང་སྦྲགས་པའི་བཅོམ་ལྡན་འདས་མ་གདུགས་དཀར་བོ་ཅན་གྱི་ཟློག་ཆེན་རྒྱས་པ་འཕེན། སྨན་པ་གྲྭ་ཚང་ནས་ཡི་དམ་རྡོ་རྗེ་འཇིགས་བྱེད་བཅུ་གསུམ་མ་ལ་བརྟེན་པའི་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་གཏོར་ཆེན་རྒྱས་པ་གཏོང་། ཞབས་བརྟན་གྲྭ་ཚང་ནས་བཅོམ་ལྡན་འདས་པདྨ་དབང་ཆེན་ཡང་གསང་ཁྲོས་པའི་ལྷ་ཚོགས་ལ་བརྟེན་པའི་ཟློག་ཆེན་དང་། ཚོགས་ཟློག ཆོས་སྐྱོང་དྲེག་པ་ལྕམ་སྲིང་གི་གཏོར་ཟློག་སོགས་དང་འབྲེལ་མནན་སྲེག་འཕངས་གསུམ་ཆ་ལག་དང་བཅས་པ་ཡོངས་སུ་རྫོགས་པ་བྱེད། རྨ་གཉན་ཧེད་པོ་ཁྱུང་མགོན་ཡར་སེང་བྱ་རོག་གདོང་གི་གསོལ་མཆོད་ཁང་ནས་ཁ་འབར་མའི་མདོས་ཆེན་འཕེན། འདི་དག་གི་སྐབས་སུ་ཚོགས་ཆེན་ཐོས་བསམ་གླིང་བ་ནས་གཏོར་ཆེན་སོ་སོའི་རྒྱབ་ཆོས་སུ་ཤེས་རབ་སྙིང་བོའི་མདོ་འབུམ་ཐེར་སྒྲོགས་འདོན་བྱེད། གཏོར་ཆེན་གྱི་འཚོགས་ཡུན་ཉིན་བདུན་སོགས་སྦྱིན་བདག་སོ་སོའི་ཉིན་སྐྱོང་གི་གྲངས་ལྟར་ལ། ཉིན་རེའི་འཚོགས་ཡུན་ནི། སྔ་མོའི་ཆུ་ཚོད་བཞི་ཡས་མས་ནས་དགུང་མོའི་ཆུ་ཚོད་བདུན་ཡས་མས་ཀྱི་བར་རྒྱུན་ཆགས་སུ་འཚོགས་པ་རེད། ཚེས་ཉེར་དགུ་ཉིན་བླ་མ་དང་སློབ་དཔོན་གྱིས་གཏོར་ལམ་སོགས་ལ་གསལ་བོར་བལྟ་ཞིང་ཞབས་བརྟན་གྲྭ་ཚང་གིས་ལམ་སེལ་གྱི་རིམ་པ་སྔོན་ཏུ་གཏོང་། ཁྱད་པར་སྒྲ་གཅན་འཁོར་ལོའི་སྟེང་ནས་གཏོར་མ་འཕེན་པའི་ཕྱོགས་དང་དུས་ཚོད་གཏན་འཁེལ་བ་ལྟར་བླ་མ་རྒྱུད་པ་བས་ལིང་ག་བཞུ་ཞིང་ཚོགས་སོ་སོ་གཏོར་རྒྱག་ལ་ལྷན་དུ་ཕེབས་ནས་གཏོར་མ་བརྡེག་པ་དང་དེ་རྗེས་བསྲུང་བའི་འཁོར་ལོའི་གུར་ཁང་སྒོམ་ཞིང་མངའ་གསོལ་སོགས་ཀྱིས་མཐའ་བརྒྱན་པར་བྱེད། ཚེས་ཉེར་དགུའི་དགུང་མོ་ཡི་དམ་ཁང་ནས་བག་ཙེ་གཏོར་རྒྱག་བྱེད། ཚེས་སུམ་ཅུ་ཉིན་རྒྱུད་པ་གྲྭ་ཚང་དང་ཞབས་བརྟན་གྲྭ་ཚང་གིས་དྲག་པོའི་སྦྱིན་སྲེག་བྱེད་པ་རེད། དེ་ལྟར་ན་གྲྭ་ཚང་ཆེན་པོ་མང་བོ་ལྷན་རྒྱས་ཀྱིས་དུས་གཅིག་ཏུ་ཞབས་བརྟན་སྐུ་རིམ་སྟོབས་ལྡན་འདི་འདྲ་སྒྲུབ་པ་དེང་དུས་ཧ་ཅང་ཉུང་བའི་ཚོད་དུ་འདུག དེས་ན་རྨ་ཉིན་སྲིབ་ཀྱི་དད་ལྡན་ཡོངས་ཀྱིས་རང་གི་མེ་ཏོག་ཕོག་པའི་ལྷ་སྐལ་དུ་གྱུར་བའི་ཆོས་སྡེ་ཆེན་པོ་འདི་ཉིད་ཀྱིས་ཁྱེད་རང་སོ་སོའི་ཚེ་འདི་ཕྱི་ཀུན་ཏུ་དགེ་བའི་ཆོས་ཟབ་མོ་འདི་འདྲ་བསྒྲུབས་དང་སྒྲུབ་པ་ལ་བཀའ་དྲིན་བསམ་ཤེས་དང་ཡིད་ཆེས་དད་མོས་ཀྱིས་རང་རང་གི་ཆ་རྐྱེན་དང་བསྟུན་པའི་འབྲེལ་ཆེ་ཆུང་འཇོག་པ་དང་། གཏོར་ཆེན་སྐབས་ཕྱག་སྐོར་དང་གཏོར་རྒྱག་སྐབས་གཏོར་འོག་ལ་འཛུད་པ་སོགས་བྱས་ན། རྐྱེན་ངན་བར་ཆད་སྣ་ཚོགས་ཕྱིར་ཟློག་པ་ལ་ཐེ་ཚོམ་མེད་དོ། །           སྤྱིར་མི་མང་ཆེ་བར་སྐྱེ་བ་སྔ་མ་མང་བོའི་རིང་ལ་བསགས་པའི་ལས་ངན་སྡིག་སྒྲིབ་དམ་ཚིག་ཉམས་ཆགས་གྲངས་ཀྱིས་མི་ཟིན་པ་ཞིག་མཆིས་ལ།...