ཐེ་ཝན་ལོ་རྒྱུས་སྟེང་གི་བུད་མེད་སྲིད་འཛིན་ཐོག་མ་ལྕམ་ཚེ་ཡིན་ཝེན། འབྲོག་མྱི།         སྤྱི་ལོ ༢༠༡༦ ཟླ ༡ ཚེས ༡༦ རེས་གཟའ་སྤེན་པའི་ཉིན། ཐེ་ཝན་གྱིས་སྐབས་བཞི་བའི་སྲིད་འཛིན་འོས་བསྡུ་ཆེན་མོ་སྤེལ་ཡོད་པ་དང་། ལྕམ་ཚེ་ཡིན་ཝེན་ལགས་མི་རྣམས་པའི་ཚོད་དཔག་བྱས་པ་ཇི་བཞིན་འོས་ཤོག་ས་ཡ་དྲུག་ལྷག་ཐོབ་ཏེ་སླ་བོའི་ངང་ཐེ་ཝན་གྱི་སྐབས་བཞི་བའི་སྲིད་འཛིན་འོས་བསྡུའི་ཁྲོད་ རྒྱལ་ཁ་ཐོབ་ནས། ཐེ་ཝན་ལོ་རྒྱུས་སྟེང་གི་བུད་མེད་སྲིད་འཛིན་ཐོག་མ་དང་། ཐེ་ཝན་དམངས་གཙོ་ཡར་ཐོན་ཚོགས་པའི་སྲིད་འཛིན་གཉིས་པར་གྱུར་ཞིང་། ཐེ་ཝན་གྱི་སྐབས་གསུམ་པའི་སྲིད་ཚོགས་རེས་མོས་ཀྱི་འཕེལ་རིམ་དེ་བདེ་ལེགས་ངང་འགྲུབ་པ་དང་ཆབས་ཅིག ཐེ་ཝན་གྱི་སྲིད་འཛིན་ཐད་ཀར་འདེམས་པའི་སྲོལ་ཚུགས་པ་ནས་བཟུང་བའི་སྲིད་འཛིན་ཨང་བཞི་པ་དེ་ཆགས་པ་རེད། 
ལྕམ་ཚེ་ཡིན་ཝེན་ལགས་སྤྱི་ལོ ༡༩༥༦ ཟླ ༨ ཚེས ༣༡ ཉིན། ཐེ་པེ་གྲོང་ཁྱེར་ཀྲུང་ཧྲན་ཁུལ་དུ་སྐྱེས་ཤིང་། ཚེ་ཡིན་ཝེན་གྱི་སྤོ་བོ་ནི་ཧྥང་ཧྲན་ཞང་ཧྥིན་ཀང་གི་བྱེས་པ་ཝང་རིགས་ཀྱི་ཡིན་ཞིང་། རྨོ་མོ་ནི་ཧྲི་ཙི་ཞང་ཕེ་ཝན་རིགས་ཀྱི་ཡིན་པས། ལྕམ་ཚེ་ཡིན་ཝེན་གྱི་ལུས་སྟེང་ན་བྱེས་པ་དང་གདོད་མིའི་མི་རིགས་གཉིས་ཀའི་ཁྲག་རྒྱུད་ཡོད་པ་རེད།
ལྕམ་ཚེ་ཡིན་ཝེན་གྱི་ཨ་ཕ་ཚེ་ཅི་ཧྲིན་ལོ ༡༨ གྱི་སྔོན་དུ་རྒྱ་ནག་སྐམ་ས་ཆེན་མོའི་ཏུང་པེ་འཕྲུལ་འཁོར་སློབ་གྲྭ་ཞིག་ཏུ་གནམ་གྲུ་བཟོ་སྐྲུན་སྐོར་སློབ་སྦྱོང་བྱས་ཡོད་པ་དང་། འཁྲུག་ཆེན་གཉིས་པའི་རྗེས་སུ་ཐེ་ཝན་ལ་ཡོང་ནས། རླངས་འཁོར་བཟོ་བཅོས་དང་། ས་ཁང་བདག་ཁོངས། བཟོ་བཀོད་ལས་རིགས།...

རྒྱལ་རོང་ཁྲོ་སྐྱབས་བསྐལ་བཟང་གཡུང་དྲུང་གིས་འཚམས་སྦྱོར་བྱས།          ཡོངས་གྲགས་སུ་གངས་ལྗོངས་སྟག་ཤར་ཕུར་པ་སྐྱབས་ནི་ཕྱི་ལོ་ ༡༩༨༥ ལོའི་ཟླ་ ༧ ཚེས་ ༨ ཉིན་མདོ་སྨད་རྒྱལ་རོང་ཆུ་ཆེན་རྫོང་ཁྲོ་སྐྱབས་བར་མའི་སྡེ་བ་འོ་བཟེ་ཡུལ་ཚོའི་ཞིང་ལས་དུད་ཚང་དཀྱུས་མ་ཞིག་གི་ཕ་དབང་ཕྱུག་དང་མ་དཔལ་སྐྱིད་གཉིས་ཀྱི་བུ་རུ་སྐྱེས།  ལོ་ན་དྲུག་ནས་བཟུང་སྤྲོ་སྡེ་ཡུལ་ཚོའི་སློབ་ཆུང་འགྲིམས་པའི་འགོ་བརྩམས་ཏེ་འཛིན་གྲྭ་གསུམ་གྱི་བར་དུ་སྤྲོ་སྡེའི་སློབ་ཆུང་འགྲིམས། འཛིན་གྲྭ་བཞི་པ་ནས་དྲུག་པའི་བར་དུ་འོ་བཟེ་ཤང་ལྟེ་བའི་སློབ་ཆུང་དུ་བསྐྱོད་དེ་འབྲས་བུ་གཡུར་དུ་སྨིན་ནས་རྒྱ་ཡིག་སློབ་ཆུང་མཐར་ཕྱིན་པ་མ་ཟད་གསུམ་བཟང་སློབ་མའི་མཚན་བཟང་ཡང་ཐེངས་མང་པོར་ཐོབ་མྱོང་།   ད་དུང་དྲུག་གཅིག་བྱིས་པའི་དུས་ཆེན་སྐབས་སུའང་ཞབས་བྲོ་དང་རྒྱུགས་རྩེད་གླུ་གར་སོགས་འཛིན་གྲྭ་སོ་སོའི་འགྲན་བསྡུར་ཁྲོད་སློབ་མ་རྩེ་ཕུད་ཀྱི་གྲས་ཡིན།          ཕུར་པ་སྐྱབས་ཀྱིས་བཤད་རྒྱུར་”ཆུང་དུས་ཨ་ཕས་ཕུ་བོ་སྐལ་བཟང་བཀྲ་ཤིས་ངེད་གཉིས་ལ་ལྷམ གསར་བ་རེ་རེ་ཉོས་དུས་ང་ནི་རྩལ་རྒོད་ཅིང་བྲ་ཚག་ཞིག་ཡིན་པས་ལྷམ་གཡས་པའི་སྣེ་མོ་རལ་རྒྱུ་ཧ་ཅང་མགྱོགས་ལ་དྲུག་གཅིག་བྱིས་པའི་དུས་ཆེན་དང་ཆ་མེད་ཀྱི་མི་སྣ་སོགས་ལ་ཐུག་འཕྲད་བྱུང་བ་དང་རང་ཁྱིམ་དུ་མགྲོན་པོ་གཞན་རེ་འབྱོར་ཚེ་ངོ་ཚ་སྟེ་མདུན་དུ་འགྲོ་རྒྱུ་ལ་འཚེར་སྣང་ཡོད་ལ་སྟབས་བདེ་མིན་པའི་རྐྱེན་གྱིས་མདུན་དུ་གོམ་ཁ་སྤོ་དུས་རྐང་པ་གཡོན་པས་ལྷམ་མགོ་གཡས་པ་གབ་ཅིང་མི་མཐོང་པར་བྱས་སྟེ་སྦས་པའི་ཚུལ་དུ་རྐང་པ་གཡོན་པས་ཁོ་ན་མདུན་ཕྱོགས་སུ་གོམ་ཆུང་རེ་རེ་སྤོ་ཞིང་འགྲོ་གྱིན་ཡོད་ལ་ཕུ་བོ་ནི་ཆུང་དུས་ནས་ཅ་དངོས་གང་ཡིན་ཡང་བདག་གཉེར་བྱེད་ཐབས་ལ་མཁས་པོ་ཡོད་ལ། ཨ་ཕས་ངེད་གཉིས་ལ་མཉམ་དུ་ཉོས་ཡོང་བའི་ལྷམ་དེ་ཡང་ཕུ་བོ་ལ་ག་དུས་ཡིན་ཡང་གསར་བ་གསར་རྐྱང་གི་ཚུལ་དུ་ཡོད་པས་ཉིན་རེར་ངས་ཕུ་བོ་ལ་ལྷམ་གཡར་རོགས་ཅེས་རེ་བ་རྒྱབ་ཀྱང་ཕུ་བོས་སྐབས་རེ་མ་གཏོགས་གཡར་གྱི་མེད་པར་བརྟེན་ཕུ་བོ་མེད་པའི་གོ་སྐབས་དང་བསྟུན་ཏེ་ལྷམ་རྐུན་མ་རྒྱབ་སྟེ་གྱོན་གྱི་ཡོད་ལ།  རྗེས་མར་ཕུ་བོས་ཤེས་དུས་ང་ལ་ཁྱོད་ཀྱི་རྐང་བ་ཆེ་དྲག་པས་ངའི་ལྷ་མགོའི་བཟོ་ལྟ་འཕྲོ་བརླག་བཏང་འདུག་ཅེས་གཤེ་གཤེ་ཡང་ཐེངས་མང་བཏང་མྱོང་།  འོན་ཀྱང་ངས་ཁྱོན་ནས་དངོས་ལེན་བྱེད་མེད་ལ་བདུན་ཕྲག་གཉིས་གསུམ་གྱི་རིང་ལ་ངས་ཕུ་བོ་ལ་འཁོན་འཛིན་བྱས་ཏེ་སྐད་ཆ་ཚིག་གཅིག་ཀྱང་བཤད་འདོད་མེད་ལ་ཐ་ན་མིག་གིས་ཟུར་ཙམ་ཡང་མི་ལྟ་ཁུལ་བྱས་ཏེ་རྒྱ་ལམ་གཡས་གཡོན་དུ་ཤིང་སྡོང་རྩེ་ལ་བྱེའུ་འཕུར་ལྡིང་རེ་མཐོང་ཚེ་རྡེའུ་འཕེན་ཞོར་དང་རྩེད་མོ་རྩེད་ཞོར་དུ་ཕུ་བོ་དང་ལྷན་དུ་རྒྱལ་མོ་རྔུལ་ཆུའི་བཞུར་རྒྱུན་རྒྱུད་དེ་སློབ་གྲྭ་རུ་བསྐྱོད་ཀྱིན་ཡོད།           འོན་ཀྱང་ཕུ་བོ་དང་ཇི་ལྟར་འཁྲུགས་འཛིངས་བྱས་ཀྱང་སློབ་ཕྲུག་གཞན་དང་ཡང་ན་གྲོང་སྡེ་གཞན་པའི་བྱིས་དམག་དང་ཐུག་སྟེ་འཁྲུགས་པ་ཤོར་ཚེ་ངེད་གཉིས་རྡོག་རྩ་གཅིག་ཏུ་སྒྲིལ་ ཞིང་སྟོབས་ཤུགས་ཆེ་རུ་བཏང་པས་སློབ་ཕྲུག་གཞན་གྱིས་གཉའ་གནོན་དང་ཐུབ་ཚོད་འོག་གཏན་ནས་འདུག་མ་མྱོང་།  སྤྱིར་ངའི་ཨ་ཕ་ལ་འཛམ་གླིང་སྐོར་བའི་ཤེས་རིག་མེད་ནའང་འཐབ་འཛིང་གི་སྐོར་ལ་གདམས་ངག་ཁྱད་པར་བ་རེ་བསྟན་རྒྱུ་ཡོད་ལ། ད་དུང་ངའི་གྲོང་གསེབ་ཏུ་ཤ་ཕག་ཁྲོ་བོ་འབུམ་གྱི་འཐབ་འཛིང་ལྟ་བུ་བྱ་དགོས་ཅེས་ངེད་སྤུན་ཟླ་གཉིས་ཀྱི་ཤ་ཕག་ཁྲོ་བོ་འབུམ་ལ་དཔེར་བླངས་ཏེ་སེམས་ཤུགས་གོང་མཐོ་ འམ་ཆེ་རུ་བཏང་ཏེ་འཐབ་སྲོལ་ཡོད།  ( ཤ་ཕག་ནི་དུད་ཚང་ཞིག་གི་མིང་ཡིན་ལ་ཁྲོ་བོ་འབུམ་ནི་རིག་གནས་གསར་བརྗེའི་ཡར་སྔོན་ཁྲོ་སྐྱབས་རྒྱལ་པོའི་མངའ་འོག་ཏུ་ཁྲོ་སྐྱབས་སྟོད་སྡེའི་དམག་སྤྱི་སྐད་གྲགས་ཅན་ཞིག་སྟེ་རྟ་ཐོག་ནས་གཡུག་པའི་གྲི་རྩལ་དང་རྒྱང་དུ་འཕེན་པའི་མདའ་རྩལ་མདུན་དུ་འཐབ་ཚེ་སྟག་རྒོད་ལྟར་མཆོང་བའི་དཔའ་བོ་ཞིག་སྟེ་ས་ཆ་དེར་ས་གྲགས་གནམ་གྲགས་ཅན་གྱི་མི་སྣ་ཞིག་གོ)  འཁྲབ་ཁྲིད་པ་དང་འཁྲབ་སྟོན་པ་གཉིས་ཆ་ང་རང་གིས་བྱས་པའི་གློག་བརྙན་(ཡིད་ཆེས་འགྲུལ་སྐྱོད།）（信之旅）ནང་དུ་ཨ་ཁུ་གཡུང་དྲུང་གི་སློབ་མ་བདེ་བསམ་གྱི་ལྷམ་མགོ་རལ་བ་ཞིག་གྱོན་ཡོད་པ་དེ་ནི་ང་རང་ཆུང་དུས་དང་འབྲེལ་བའི་འཚོ་བ་རོལ་ཚུལ་ལ་དྲན་གསོའི་ཚུལ་དུ་བཞག་པ་ཡིན་ཟེར། （信之旅） (ཡིད་ཆེས་འགྲུལ་སྐྱོད།) ངས་འཁྲབ་ཁྲིད་བྱས་པའི་ཡིད་ཆེས་འགྲུལ་སྐྱོད་ཀྱི་གློག་བརྙན་མ་རྩའི་སྒྲོམ་གཞི་ནི་ཨ་ཕ་ཧྲང་ཧེ་སྨན་ཁང་དུ་ཡོད་དུས་ང་ལ་བཤད་མྱོང་བའི་དངོས་བྱུང་སྒྲུང་གཏམ་ཞིག་ཡིན་ལ། སྨན་ཁང་ནང་ངས་ཨ་ཕ་ལ་ཁ་ལག་བཟོ་ཞོར་ཨ་ཕའི་སྒྲུང་གཏམ་ལ་ཉན་གྱིན་ཡོད། འོན་ཀྱང་སྟབས་མ་ལེགས་པ་ཞིག་ལ་ཨ་ཕ་འཇིག་རྟེན་འདི་དང་ཁ་བྲལ་དུས་ངེད་ཕ་བུ་གཉིས་དངོས་སུ་ཐུག་མེད་པས་རྒྱུན་དུ་ངས་མིག་ཆུ་འཐོར་བཞིན་སྨན་ཁང་ནང་གི་ཨ་ཕས་བཤད་མྱོང་བའི་སྒྲུང་གཏམ་དྲན་གྱིན་དྲན་གྱིན་དེར་གཞི་བཅོལ་ཏེ་གློག་བརྙན་དེ་ འཁྲབ་པ་ཡིན།...

                 ཤེས་རབ་བསྟན་དར། སྨྱུག་མིང་རྒྱ་གྲོལ།         ༡༩༦༨ལོར་མདོ་སྨད་མང་རར་སྐྱེས། ཀླུ་ཚང་དགོན་པའི་ཆོས་སྒོར་ཞུགསཏེ་གཞུང་བཀའ་པོད་ལྔ་དང་སྔགས་རྒྱུད་སྡེ་བཞི་ལ་སྦྱངས། ༡༩༩༧ཕར་ཕྱིན་རབ་འབྱམས་པའི་དམ་བཅའ་བཞག ཀླུ་ཚང་དགོན་པ་དང་དབུས་གཞུང་ཐར་ཤུལ་དགོན་པ། གངས་ལྗོངས་ཤེས་རིག་ནོར་བུའི་གླིང་སོགས་སུ་བསྡུས་ཚན་དབུ་ཕར་དང་ཐ་སྙད་རིག་གནས་སོགས་ཀྱི་འཆད་ཉན་སྤེལ་ཅིང་། སློབ་གྲྭ་ཆེ་འབྲིང་ཆུང་གསུམ་གྱི་དགེ་སློབ་དང་། བསླབ་རམས་པ་དང་འབུམ་རམས་པ། གཞུང་སྒེར་གྱིས་བསྒྲུབས་པའི་འཛིན་གྲྭ་བཅས་སུ་བོད་ཀྱི་རིག་གནས་ཀྱི་སློབ་ཁྲིད་བྱས། ད་ལྟའི་བར་དུ་སྙན་ངག་དང་ལྷུག་རྩོམ། བསྒྱུར་རྩོམ་སོགས་བརྒྱ་ལྷག༼སྦྲང་ཆར༽སོགས་ཞིང་ཆེན་ཕྱི་ནང་གི་དུས་དེབ་མང་བོར་སྤེལ། སྐབས་གསུམ་པའི་སྦྲང་ཆར་རྩོམ་རིག་བྱ་དགའ་སོགས་ཐོབ། སྔ་རྗེས་སུ༼སྒྲུང་ལྡེའུ་བོན་གསུམ་གྱིས་བོད་ཀྱི་ཆབ་སྲིད་བསྐྱངས་མིན་ལ་གསར་དུ་དཔྱད་པ༽དེབ་དང་བོ་ནས་བཞི་བའི་བར་དང་། ༼ཀྲུང་གོའི་བོད་རིག་པ༽སོགས་སུ་སྤེལ། ད་ལྟའི་བར་གཞན་དང་མཉམ་འབྲེལ་གྱིས༼ར་མ་ཎའི་རྟོགས་བརྗོད༽དེབ་དང་བོ་ནས་བཞི་བའི་བར་དང་། ༼སྟོན་པའི་རྣམ་ཐར༽༼མི་ཚེ་སླར་གསོ༽༼སངས་རྒྱས་ཀྱི་གཟི་འོད་ནུབ་ལ་འཕྲོས་པ༽བསྒྱུར། ༼ནང་ བསྟན་སློབ་དེབ་སྐལ་བཟང་འཇུག་ངོགས་༽༼སྐྱབས་འགྲོ་བྲན་གཡོག་གི་འདུ་ཤེས་ཡིན་ ནམ།༽༼ནང་བསྟན་དཔལ་འབྱོར་རིག་པ།སྟོད་ཆ།༽༼བོད་རིག་པའི་དཔྱད་རྩོམ་ཕྱོགས་ བསྒྲིགས།༽༼གངས་སེང་འཚོལ་བ།༽༼ལྷ་འདྲེའི་སྲེད་པས་བདག་གིར་བྱས་པའི་ལྷ་ས།༽༼བོད་ ཀྱི་ལོ་རྒྱུས་ཀྱི་མཐའ་དཔྱོད།༽༼དགེ་ལུགས་པའི་ཚད་མའི་ལོ་རྒྱུས།༽༼བོད་ཀྱི་ དགོན་སྡེའི་སློབ་གསོ།༽༼ཚངས་མགུར་ཞིབ་འཇུག༽གཞན་ད་དུང་༼ལྰ་མོའི་ཡོངས་འཛིན་ རིན་པོ་ཆེའི་རྣམ་ཐར།༽དང་༼ཐར་ཤུལ་རིན་པོ་ཆེའི་རྣམ་ཐར།༽སོགས་དཔེ་དེབ་བཅུ་ལྷག་ བྲིས་ཤིང་ཀན་སུའུ་མི་རིགས་དཔེ་སྐྲུན་ཁང་ནས་བསྐྲུན། དེབ་མང་ཤོས་དཔར་ཁང་ནས་སྒོར་བུད་པའི་ཉིན་དེ་མ་ཁད་དུ་ཡང་དེབ་གྲངས་སྟོང་ཕྲག་གསུམ་བཞི་རེ་བཙོངས་ཚར་འགྲོ། ད་དུང་ཁོང་གིས་གཙོ་སྒྲིག་གནང་བའི༼བསམ་བློའི་ཤེས་རིག༽ཀྱང་བོད་ཁུལ་ཆེས་དགའ་བསུ་ཐོབ་པའི་རིག་གཞུང་དུས་དེབ་ཅིག་ཏུ་གྱུར་ཡོད། སྔ་རྗེས་སུ་བོད་ཡིག་ནང་བསྟན་གྱི་དྲ་བ་ཐོག་མ་བོད་གསང་སྔགས་རིག་གནས་དྲ་བ་བཟོས་ཤིང་། ནང་བསྟན་གྱི་དཔེ་དེབ་རིན་མེད་གཟིགས་འབུལ་བྱེད་པའི་ཤེས་རབ་གསུང་རབ་དངོས་འབུལ་ཁང་བཙུགས། ༢༠༡༠ ལོར་ སྤུན་མཆེད་ཚོ་དང་མཉམ་དུ་རང་རང་གིས་ལོ་མང་བོའི་རིང་ལ་ཉར་ཚགས་བྱས་པའི་དཔེ་ཆ་ དག་གཞིར་བྱས་ནས་ཆོས་ལུགས་དང་བོད་རིག་པ་སྐོར་གྱི་དཔེ་མཛོད་ཁང་བསྐྲུན། ད་ལྟ་སྔར་བཞིན་ཕྱོགས་སོ་སོར་སློབ་ཁྲིད་བྱེད་ཀྱིན་སློབ་དཔོན་ཐོན་མི་སམ་བྷོ་ཊ་དང་། བོད་ཀྱི་ལོ་རྒྱུས་རིག་པ། བོད་ཀྱི་མི་ཆོས་རིག་པ། ནང་བསྟན་མཚན་ཉིད་རིག་པ། ནང་བསྟན་དང་སྤྱི་ཚོགས་བར་གྱི་འབྲེལ་བ་བཅས་ལ་ཞིབ་འཇུག་བྱེད་བཞིན་ཡོད། ༢༠༡༠ལོ་ནས་གངས་ལྗོངས་ཤེས་རིག་ནོར་བུའི་སློབ་གླིང་གི་གདན་ཞུ་དང་ལེན་གནང་སྟེ་ད་ལྟའི་བར་འཆད་ཁྲིད་ཀྱི་འགན་བཞེས་ཡོད་ལ། སློབ་གླིང་གི་དགེ་རྒན་གྱི་སྡེ་ལ་ཕར་ཕྱིན་དང་དབུ་མ་སོགས་གཞུང་ཆེན་མོ་དག་ཁྲིད་བཞིན་ཡོད། དུས་ མཚུངས་སུ་རྒྱ་འགྱུར་བཀའ་བསྟན་ལས་བོད་ཀྱི་བཀའ་བསྟན་གསབ་སྒྱུར་ཚོགས་པ་ཞེས་པར་ ཞུགས་ཏེ་བསྟན་པ་ཡང་དར་གྱི་ལོ་ཙྰ་བའི་འགན་བཞེས༼བདེ་བ་ཅན་དུ་སྐྱེ་བའི་སྒོམ་ རིམ༽མདོ་སོགས་མདོ་ཚན་བཅུ་ལྷག་བོད་ཡིག་ཏུ་བསྒྱུར་ཅིང་། ད་ལྟའང་ད་དུང་སྒྱུར་བཞིན་ཡོད་དོ།  ། མདོར་ན་ཁོང་ནི་དོན་ཉུང་བྱ་ཉུང་དང་། འདོད་ཆུང་ཆོག་ཤེས་བསྟེན་ཏེ་བཀའ་གདམས་ཀྱི་སྐྱེ་བུ་གོང་མ་དག་གི་རྣམ་ཐར་ཉམས་བཞེས་མཛད་མཁན་ཞིག་ཡིན་པས། དགེ་སློབ་སུ་ཡིན་ཡང་བརྩི་མཐོང་ཧ་ཅང་ཆེ། ༼ནང་ བསྟན་དཔལ་འབྱོར་རིག་པ།༽དང༼ལྷ་འདྲེའི་སྲེད་པས་བདག་གིར་བྱས་པའི་ལྷ་ས༽༼ནང་བསྟན་སློབ་དེབ་སྐལ་བཟང་འཇུག་ངོགས།༽སོགས་རྒྱལ་ཁབ་ཕྱི་ནང་ཀུན་ཏུ་ཁྱབ་རྒྱ་ཤིན་ ཏུ་ཆེ་བར་མ་ཟད། གདེང་འཇོག་ཚད་མཐོན་པོ་ཐོབ་པའི་ཉེ་རབས་ཀྱི་དེབ་ཆེས་ལེགས་ཤོས་སུ་གྱུར་ཡོད། ཡོངས་ཁུངས་མཚོ་སྔོན་དྲ་བ།...

འཇིགས་མེད་སྙིང་སྟོངས་དཔུང་ཤུགས་བཙན་པོ་ཡིས།། ཤེས་རིག་ནོར་བུའི་སློབ་གླིང་རྒྱལ་མཚན་ཆེར་བསྒྲེང་ནས།།  གངས་ལྗོངས་ཞིང་ལ་དགེ་བའི་སློབ་གླིང་ཞིག། སྐྲུན་མཛད་རིག་པའི་དཔའ་བོ་གཙུག་གིས་བསྟེན།། 　　ཅེས་ཤིས་པར་བརྗོད་པའི་མདུན་བསུས་ཏེ། གླེང་བར་བྱ་བ་ནི་སྙིང་སྟོབས་དང་ལ་རྒྱའི་ཐུགས་རྒྱུད་རབ་ཏུ་ཕྱུག་པའི་ལྷག་བསམ་ཆེན་པོ་སློབ་དཔོན་འཇིགས་མེད་རྒྱལ་མཚན་མཆོག་གི་མཛད་རྣམ་ཉུང་བསྡུས། ཁོང་གི་འཁྲུངས་ཡུལ་ནི་བོད་སྲིད་པ་ཆགས་པའི་ལྷ་འགུའི་ཡ་གྱལ་དང་། རྗེ་ཡི་མགུར་ལྷ་བཅུ་གསུམ་གྱི་ནང་ཚན། བོད་ཁ་བ་ཅན་གྱི་བླ་རི། བན་བོན་གཉིས་ཀྱི་སྲུང་མ། འཛམ་གླིང་གེ་སར་རྒྱལ་བོའི་བཀའ་སྲུང་། རིན་ཆེན་མཛོད་ཀྱི་གཏེར་སྲུང་། གྲུབ་མཐའ་རིས་མེད་ཀྱི་དགྲ་ལྷ་ཆེན་པོ་རྨ་ཆེན་གངས་ཀྱི་རི་བོ་མཛེས་ཤིང་བརྗིད་ཆགས་པ་ངོ་མཚར་དཔལ་གྱིས་ཕྱུག་པའི་ཡུལ་གྲུ། རྨ་ཀླུང་དལ་འབབ་རིང་མོའི་སྟོད་རྒྱུད་ཀྱི་མགོ་ལོག་ཁུལ་རྨ་ཆེན་རྫོང་རྟ་བོར་ཡུལ་ཚོའི་ཡབ་ཧྭ་སྐོར་བསོད་ནམས་རྒྱལ་དང་ཡུམ་ཆུ་བ་ཚེ་རིང་འཚོ་གཉིས་ཀྱི་སྲས་སུ་རབ་རྒྱལ་ཆུ་ཡོས་ ༡༩༦༣ ལོར་འཁྲུངས་ཤིང་། དགུང་ལོ་བཅུ་གཅིག་སྟེང་མགོ་ལོག་ཁུལ་མི་རིགས་དགེ་ཐོན་སློབ་གྲྭའི་སློབ་ཆུང་འཛིན་གྲྭར་ཞུགས་ཏེ་ཤེས་རིག་གི་བདུད་རྩི་བཏུང་འགོ་བརྩམས། སྐྱེས་སྟོབས་ཀྱི་ཤེས་རབ་མྱུར་བས་བོད་རྒྱ་གཉིས་ཀྱི་སྐད་ཡིག་དང་རྩིས་རིག་སོགས་ལ་སྦྱངས་འབྲས་ཆེས་བཟང་བས་མཚོ་སྔོན་མི་རིགས་སློབ་གྲྭ་ཆེན་མོའི་གྲ་སྒྲིག་འཛིན་གྲྭར་རྒྱུགས་འཕྲོད། སྔར་བཞིན་གཤིས་འཇམ་སྤྱོད་བཟང་སྒོས་བརྩོན་པ་ལྷོད་མེད་གནང་བས་དགེ་སློབ་ཡོངས་ཀྱིས་བསྔགས་བརྗོད་ཀྱི་མེ་ཏོག་འཐོར་སའི་གཞི་གཅིག་པུར་གྱུར་བར་མ་ཟད། དོན་གྱིས་ཤེས་རིག་གི་ཐུགས་རྒྱུད་རབ་ཏུ་ཕྱུག་ཏེ་མཚོ་སྔོན་མི་རིགས་སློབ་གྲྭ་ཆེན་མོར་རྒྱུགས་སྤྲོད་པར་བྲེལ་བའི་སྐབས། སྔོན་གོམས་བག་ཆགས་བཟང་བོ་ཡོངས་སུ་སད་དེ་ཁོང་གསང་སྟབས་ཀྱིས་སྐུ་འབུམ་དགོན་པར་ཕེབས་ཏེ་སྐུ་ཕྱོགས་སྐེ་ཀྱཱ་རིན་པོ་ཆེའི་མདུན་ནས་རབ་ཏུ་བྱུང་། དེ་ནས་བླ་བྲང་བཀྲ་ཤིས་འཁྱིལ་དུ་ཕེབས་ནས་བགྲང་བྱ་གསུམ་གྱི་རིང་ངེས་དོན་རིགས་པའི་དབང་ཕྱུག་ཡོངས་ཀྱི་དགེ་བའི་བཤེས་གཉེན་ཆེན་མོ་༧ རྗེ་དགེ་འདུན་རྒྱ་མཚོ་སོགས་མཁས་དབང་དུ་མའི་ཞལ་གྱི་བུམ་བཟང་ལས་ལེགས་བཤད་སྦྲང་རྩི་མངར་མོ་ངོམས་མེད་དུ་བཞེས། དྲིན་ལྡན་ཕ་མ་གཉིས་དང་ཞང་བོ་སོགས་ཀྱི་རེ་བ་བཞིན། དགུང་གྲངས་ཉེར་གསུམ་པ་ཤིང་གླང་ ༡༩༨༥ རྭ་རྒྱ་དགོན་དགའ་ལྡན་བཀྲ་ཤིས་འབྱུང་གནས་གླིང་གི་ཚོགས་གྲལ་དུ་ཞུགས་ཏེ། དགེ་བའི་བཤེས་གཉེན་ཆེན་མོ་མཁན་འོད་ཟེར་བཟང་བོ་དང་། མཁན་བཟོད་པ་རྒྱ་མཚོ། བློ་གྲོས་བཟང་བོ་སོགས་ཀྱི་ཞབས་པད་གཙུག་གིས་བསྟེན་ཏེ་བསྡུས་གྲྭ་ནས་བཟུང་དཔེ་ཁྲིད་དང་ཆོས་གྲྭར་ཆག་མེད་མཛད་ནས་རྟོག་གེ་རིག་པའི་གསང་ཚིག་ལ་ཞིབ་ཏུ་སྦྱངས། ཕྱི་ལོ་  ༡༩༨༦ ལོའི་ཟླ་ ༩ པར་མཚོ་སྔོན་ནང་བསྟན་སློབ་གླིང་དུ་རྒྱུགས་འཕྲོད་དེ། དགེ་བའི་བཤེས་གཉེན་ཆེན་མོ༧ ལྡི་ཚ་ཡེ་ཤེས་རྒྱ་མཚོ་ཚང་དང་།...

        གངས་ལྗོངས་ཤེས་རིག་ནོར་བུའི་སློབ་གླིང་གི་རྒྱུན་ལས་སློབ་གཙོ་བཞོན་པ་དང་ནུབ་བྱང་མི་རིགས་སློབ་གྲྭ་ཆེན་མོའི་གདན་ཞུས་སློབ་དཔོན་ཆེན་མོ།    བཛྲ་ཚུལ་ཁྲིམས་མཆོག་ནི་མདོ་སྨད་བསྟན་པའི་འབྱུང་གནས་དཔལ་ལྡན་བཀྲ་ཤིས་གཡས་སུ་འཁྱིལ་བའི་ཆོས་སྡེ་ཆེན་པོའི་ཤར་ཕྱོགས། ས་ལ་དགེ་བཅུ་ཚང་བའི་ཡུལ་ཕྱོགས་མཛོད་དགེ་རུ་སྟོད་མ་ཞེས་པའི་སར་སྤྱི་ལོ་ ༡༩༦༥ ལོའི་དབོ་ཟླ་བའི་དམར་ཕྱོགས་རྒྱལ་བ་གཉིས་པའི་ཉིན་སྐུ་འཁྲུངས། གཞོན་ནུ་ཉིད་ནས་ཐོས་པ་འཚོལ་བའི་འདུན་པ་འགོག་མེད་ཅིག་མངའ་བས་སློབ་གྲྭ་ཆུང་འབྲིང་རིམ་པར་བརྒྱུད། སྐབས་དེར་ཁོང་ཕེབས་སའི་སློབ་གྲྭ་དེ་དག་ཏུ་སྦྱང་བྱ་ཡོད་ཚད་རྒྱ་ཡིག་ཡིན་གཤིས། ཁོང་ལྟ་བུའི་འབྲོག་ཕྲུག་རྣལ་མ་ཞིག་ལ་མཚོན་ན་དཀའ་ངལ་མི་ཉུང་བ་དང་འཕྲད་མྱོང་བ་ནི་སྨོས་མ་དགོས་མོད། འོན་ཀྱང་ཟླ་མེད་ཀྱི་རྣམ་དཔྱོད་དང་ལྷོད་མེད་ཀྱི་བརྩོན་པ་ཟུང་དུ་སྦྲེལ་བས་དཀའ་ཁག་ཀུན་ལས་རྒྱལ་ཞིང་དགེ་སློབ་ཡོངས་ཀྱི་བསྔགས་ཡུལ་དུ་གྱུར། སྤྱི་ལོ་༡༩༨༠ལོར་དལ་འབྱོར་ལ་སྙིང་བོ་འཚོལ་ཕྱིར་བཤད་སྒྲུབ་བསྟན་པའི་འབྱུང་གནས་བླ་བྲང་བཀྲ་ཤིས་འཁྱིལ་དུ། འདུལ་བ་འཛིན་པའི་ཁྱུ་མཆོག་འཕགས་པ་ཉེ་བར་འཁོར་གཉིས་པ་རྗེ་དགེ་འདུན་རྒྱ་མཚོའི་སྤྱན་སྔར་རབ་ཏུ་བྱུང་སྟེ་རྨད་བྱུང་ཐོས་བསམ་གླིང་དུ་ཞུགས།  ཡོངས་ཀྱི་དགེ་བའི་བཤེས་གཉེན་ཆེན་པོ་རྗེ་དགེ་འདུན་རྒྱ་མཚོ། གནས་ལྔ་རིག་པའི་པཎ་ཆེན་རྗེ་དམུ་དགེ་བསམ་གཏན་ཚང་། སྨད་སོག་བཛྲ་ཚང་། བཤེས་གཉེན་ཆེན་པོ་རྗེ་འཇམ་དབྱངས་རྒྱ་མཚོ། ཁྲི་ཆེན་གུང་ཐང་སྐུ་འཕྲེང་བདུན་པའི་ཡོངས་འཛིན་རྗེ་འཇིགས་མེད་དཔལ་ལྡན་ཚང་སོགས། ས་ཆེན་པོས་ཀྱང་འདེགས་མི་བཟོད་པ་ལྟ་བུའི་སར་གནས་དམ་པ་མང་བོ་བསམ་སྦྱོར་རྣམ་པར་དག་པས་ཚུལ་བཞིན་བསྟེན་ནས་མདོ་སྔགས་རིག་གནས་དང་བཅས་པ་ལེགས་པར་སྦྱངས། སྤྱི་ལོ་༡༩༨༥ལོར་ཀན་སུའུ་ནང་བསྟན་སློབ་གླིང་དུ་ཞུགས་ཤིང་ལོ་ལྔའི་རིང་ལ་ཕར་ཕྱིན་དང་དབུ་ཚད་འདུལ་མཛོད་ཀྱིས་མཚོན་པའི་མཚན་ཉིད་སྐོར་དང་། གཞན་ཡང་ཐ་སྙད་རིག་གནས་དང་། ལོ་རྒྱུས། ཆབ་སྲིད། རྒྱ་ཡིག་སོགས་ལ་ལེགས་པར་སྦྱངས་ནས་མཐར་ཕྱིན་ཆེད་རྩོམ་ལ་༼རྟོགས་བརྗོད་འདུན་ལེགས་མའི་འགྲེལ་བ་དད་པའི་དྲི་གསུང་འཐུལ་བའི་རྫིང་བུ་༽བྲིས་པར་དགེ་བའི་བཤེས་གཉེན་རྣམས་ཀྱིས་བསྟོད་བསྔགས་ཆེས་ཆེར་གནང་ཞིང་སློབ་གྲྭ་ཆེན་མོའི་མཐར་ཕྱིན་དཔང་རྟགས་བཞེས། དེ་ནས་སླར་ཡང་ཆོས་གྲྭར་འགྲིམས་ཤིང་མཁས་མང་ལི་ཁྲིའི་ཆུ་གཏེར་མཁའ་ལ་འཕྱོ་བའི་དབུས་སུ་ཕར་ཕྱིན་དམ་བཅའ་བཞག སྤྱི་ལོ་༡༩༩༢ལོར་སླར་ཡང་ཀྲུང་གོའི་བོད་བརྒྱུད་ནང་བསྟན་སློབ་གླིང་དུ་ཞུགས་ཤིང་ལོ་གསུམ་གྱི་རིང་ལ་རིག་གནས་སྤྱི་དང་ཁྱད་པར་དུ་སྒྲ་ཀཱ་ཙན་དབྱངས་གསུམ་ལ་སྦྱངས་པས་ནང་བསྟན་སྒྲ་རིག་ཆེད་སྦྱོང་གི་འཛིན་ཡིག་ཐོབ། ཆེད་རྩོམ་ལ་༼སྒྲ་རིག་དར་སྤེལ་དང་བརྒྱུད་འཛིན་བྱེད་པར་བསྐུལ་བའི་ཅོང་སྒྲ༽ཞེས་པ་བྲིས། དེ་ནས་གྲོང་ཁྱེར་གྱི་འཚོ་བ་སོགས་ལ་ཐུགས་མ་ཞེན་པར་མདོ་སྔགས་ཀྱི་གཞུང་ལ་སྔར་བས་ཐོས་བསམ་གཏིང་ཟབ་མོ་ཞིག་བགྱི་འདུན་གྱིས་སླར་ཡང་བཀྲ་ཤིས་འཁྱིལ་དུ་ཕེབས། ཡིན་ནའང་མདོ་སྨད་བསྟན་པའི་མངའ་བདག ༧ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་དང་རིགས་བརྒྱའི་ཁྱབ་བདག་རྡོ་རྗེ་འཆང་ཆེན་པོ་ཁྲི་ཆེན་གུང་ཐང་བསྟན་པའི་དབང་ཕྱུག་རྣམ་གཉིས་ཀྱིས་བཀའ་ནན་སྤྱི་བོར་བསྩལ་བའི་ངོ་མ་བཟློག་པར་རང་ཁོ་ནའི་ཐོས་བསམ་གྱི་བྱ་བ་ཅམ་གྱིས་བཞག་སྟེ་སྤྱི་ལོ་༡༩༩༥ནས་བཟུང་། ད་ལྟའི་བར་མི་ལོ་བཅུ་ཕྲག་གཉིས་ལ་ཉེ་བའི་རིང་དུ།...

     གཞོན་སྐྱེས་རྩོམ་པ་པོ་སྒྲོལ་མ་སྐྱབས་ལགས་ནི། ཕྱི་ལོ་ ༡༩༧༦ལོར་བོད་མདོ་སྨད་ཨ་རིག་གི་ཡུལ་ཏེ།  རྒྱ་གཞུང་གིས་བོད་ས་བཅད་བགོས་བྱས་པའི་ད་ལྟའི་ས་ཁོངས་ལྟར་བྱས་ན། མཚོ་སྔོན་ཞིང་ཆེན་མཚོ་ནུབ་བོད་རིགས་རང་སྐྱོང་ཁུལ་མདོ་ལ་རྫོང་འབྲོང་ལུང་སྡེ་བར།  ཕ་མཁས་བཙུན་དང་མ་སྒྲོལ་མ་གཉིས་བུ་རུ་སྐྱེས།གཅེན་གཅུང་ལྔ་ཡོད་པའི་ཁྲོད་ནས་བཞི་དེ་ཡིན།  ཆུང་དུས་ནས་བཟུང་ཨ་རིག་སྡེ་བའི་སློབ་ཆུང་དང་རྫོང་སློབ་འབྲིང་དུ་རིམ་པར་འགྲིམས་ཏེ།  ༡༩༩༥ལོར་མཚོ་སྔོན་དགེ་ཐོན་སློབ་ཆེན་དུ་སློབ་ཞུགས་ཀྱིས་སློབ་མཐར་ཕྱིན་རྗེས།  མདོ་ལ་རྫོང་གི་སློབ་འབྲིང་ཞིག་ཏུ་དགེ་རྒན་གྱི་ཕྱག་ལས་གཉེར།  རྗེས་སུ་པེ་ཅིན་སློབ་ཆེན་དུ་ཞུགས་ཏེ་ཞིབ་འཇུག་སློབ་མའི་སྡེ་ཁག་ཏུ་མུ་མཐུད་སློབ་གཉེར་གནང་ཡོད་པ་རེད། ༢༠༠༣ ལོར་ཁོང་རྒྱ་གར་ཏུ་བཙོན་བྱོལ་ལ་ཕེབས་ཏེ་སོག་སྒར་སློབ་གྲྭར་དབྱིན་ཡིག་སློབ་སྦྱོང་གི་ཞོར་དུ་ <<ལྷིང་འཇགས་མེད་པའི་ཧི་མ་ལ་ཡ>> ཞེས་པའི་དེབ་དེ་རྒྱ་ཡིག་ཐོག་རྩོམ་བྲིས་གནང་ཡོད་ལ།  ༢༠༠༤  ཕྱི་ཟླ་ ༥ ནང་ཕྱིར་བོད་ནང་དུ་ལོག་སྟེ་ལྷ་ས་གྲོང་ཁྱེར་གྱི་སློབ་འབྲིང་ཞིག་ནང་དགེ་རྒན་གྱི་ཕྱག་ལས་གནང་། ལས་ཞོར་དུ་བོད་ཀྱི་ས་ཁམས་ལོ་རྒྱུས་ཀྱི་དེབ་ཅིག་ཀྱང་རྩོམ་འབྲི་བྱེད་མགོ་བརྩམས་ཡོད་ཀྱང་། ༢༠༠༥ ལོའི་ཕྱི་ཟླ་ ༣ ཚེས་ ༩ ཉིན་རྒྱ་གཞུང་ཉེན་རྟོག་པས་ཁོང་འཇུ་བཟུང་བྱས་ཐོག  ལོ་དེའི་ཕྱི་ཟླ་ ༡༡ ཚེས་ ༣༠ ཉིན་ལྷ་ས་གྲོང་ཁྱེར་འབྲིང་རིམ་མི་དམངས་ཁྲིམས་ཁང་གིས་གསང་སྟབས་ཀྱི་སྒོ་ནས། ཁོང་ལ་ “ངན་སྐུལ་བ་དང་རྒྱལ་ཁབ་མགོ་རྟིང་སློག་པ” ཞེས་པའི་ཉེས་མིང་འོག  ལོ་ ༡༠ དང་ཟླ་ ༦ གི་བཙོན་འཇུག་ཁྲིམས་ཐག་བཅད་དེ་ལྷ་ས་ཆུ་ཤུར་བཙོན་ཁང་དུ་བཙོན་འཇུག་བྱས། ༢༠༠༧ ལོའི་ཕྱི་ཟླ་ ༧...