སྟག་སྨུག        ང་ཚོའི་མི་སུ་ཡིན་ཡང་སྒེར་གཅོད་དང་བཙན་གཉོམ་ལ་ཡེ་ནས་དགའ་བོ་མེད་ཁུལ་བྱས་མོད།    རང་གི་དགའ་ཕྱོགས་དང་དད་མོས་ལ་མ་དགའ་ན་མི་དེ་ལ་ཧ་ལས་པའི་མནར་གཅོད་གཏོང་གིན་པ་དཔེར་ན།   དོན་དངོས་སྟེང་ནས་སྐད་ཆ་ཞིག་བཤད་ན།    མི་མང་བོ་ཞིག་གི་བཟའ་ཚང་ལ་སྒེར་ གཅོད་ཐལ་དྲགས་པ་ཡོད་པར་བསམ་ན།   འདི་ལྟ་སྟེ།   དགའ་མར་གྱི་ཁ་པར་ཞིབ་བཤེར།  གར་འགྲོ་གར་འདུག་ལ་གསང་མིག   ད་རུང་མི་གཅིག་ལ་ལུས་འབྲེལ་བྱས་ན།  འཛིང་བ།  རྡེག་པ།  གསོད་པ་སོགས་ཀྱི་སྦྱོར་ངན་བརྩམས་པ་མངོན་སུམ་རེད།       བཟའ་ཚང་ཞེས་པ་འཁོར་བ་མཉམ་སྐྱོང་དང་འཚོ་བ་མཉམ་རོལ་གྱི་སྐྱིད་སྡུག་མཉམ་ཁུར་ཞིག་ཡིན་པ་ལས།མི་དེའི་ཐོབ་ཐང་དང་འཇོན་ནུས་བརྩེ་དུང་དགའ་ཕྱོགས་ཡོད་ཚད་རྐང་འོག་ཏུ་མནན་རྒྱུ་ཞིག་ག་ལ་ཡིན་ཏེ།   རྩ་ནས་མིན་ཏེ།   རྒད་པོ་ཚོས་རང་གི་ནུས་པ་དང་དགའ་ཕྱོགས་ཅི་ཞིག་རོལ་ན་ཆོག་པ་དང་།   རྒན་མོ་ཚོས་འདི་ལྟར་བྱེད་མི་ཉན་པ་ནི་སྐྱེས་པ་ལངས་ཤོར་ཚོས་དགའ་ཕྱོགས་སྒེར་གཅོད་བྱེད་ནི་མིན་ན་ཅི་ཞིག་ཡིན་ཨང་།        ཞི་མོ་དེ་དག་གི་འགྲོ་མིའི་ཐོབ་ཐང་དང་འདྲ་མཉམ་རང་དབང་གྱི་རྩ་དོན་ཡེ་ནས་མི་ཤེས་ལ།   ཐ་ན་རང་གི་མི་ལུས་ཕྱེས་ཀ་ཞིག་ཡིན་པ་ཚོར་གྱི་མི་འདུག  ...

—— བྱ་མདོ་རིན་བཟང་། ༥༥ ལམ་ལུགས་འཕེལ་རྒྱས་ལ་ཞིབ་དཔྱོད་བྱེད་པའི་ཐབས་ལམ་གྱི་རྨང་གཞི་ནི་རྒྱུན་ལྡན་གྱི་བསམ་བློའི་ཕྱི་ནང་ཀུན་ཏུ་ཚང་དགོས་པ་ཞིག་རེད།རིག་གནས་ཞེས་པ་བསམ་བློའི་རིག་གནས་ཙམ་ལ་གོ་བ་དང་། དཔལ་ཡོན་ཞེས་པ་དེ་ཡང་ཕྱིའི་དངོས་པོའི་དཔལ་ཡོན་ཙམ་ལ་གཞི་རྐང་བཟུང་བ་དང་གོ་བ་ཡང་ཕྱོགས་ཙམ་ཞིག་རེད། ༥༦ ཞི་བདེ་མཉམ་གནས་དང་ཕན་ཚུན་ཚད་གཞི་མཐོ་བའི་ཡིད་ཆེས་ལྡན་དགོས་པ། མི་རིགས་དང་རིག་གཞུང་ལྟ་ཚུལ་ལ་ཡིད་ཆེས་དང་ཚད་ལྡན་གྱི་རྒྱབ་སྐྱོར་བྱེད་པ། རང་ཉིད་གང་དུ་གཏོགས་པའི་ལམ་ལུགས་ཀྱི་བྱེད་སྒོ་ཁག་ལ་ཐུན་མོང་གིས་ངོས་འཛིན་ཐུབ་པ་བཅས་ནི་ཚོགས་པ་དང་ཆབ་སྲིད་པའི་ལག་ཆ་གཙོ་བོའོ། ༥༧ ནུབ་ཕྱོགས་པའི་ཆབ་སྲིད་རིག་གཞུང་ནི་བདག་ཉིད་རིང་ལུགས་ཀྱི་ཁྲོམ་རའི་ལྟ་ཚུལ་དང་སྤྱི་ཡོངས་ཀྱི་ལྟ་ཚུལ་འཛིན་པའི་སྐྱིད་ཕྱོགས་ཀུན་མཐུན་བཅས་ཁེ་ཕན་གྱིས་ཀུན་ནས་བསླངས་ཏེ་བྱུང་བའི་འབྲས་བུ་ཞིག་གོ ། ཁྲིམས་ལུགས་ཀྱི་ཚོད་འཛིན་ཐེབས་ཀྱིན་པའི་བདག་དབང་ལ་ཚད་གཞི་ལྡན་པའི་ཆེས་མཐོའི་དབང་ཤུགས་དང་མངའ་འབངས་དབང་དུ་བསྒྱུར་བའི་ནུས་པ་རྟག་བརྟན་ཞིག་ལྡན། ༥༨ ཨུ་ཚུགས་ཀྱིས་བཞེངས་བསྐྲུན་བྱས་པ་དག་གནས་ལུགས་དང་བདེན་དོན་གྱི་རྒྱབ་སྐྱོར་མེད་ཚེ། མཐའ་མར་ཁྱོད་འཆི་ལམ་དུ་འདེད་བྱེདཡིན། ཚད་གཞི་མེད་པའི་ཀུན་སྤྱོད་དག་རྒྱུན་སྤྱོད་བྱས་ན་ནམ་ཞིག་ཁྱོད་འཆལ་སྤྱོད་པར་འགྱུར་སྲིད། ལྷག་བསམ་མིན་པའི་བྱ་འགུལ་དག་མཐའ་མཇུག་ཉོག་དྲའི་རུ་དཔུང་སྒྲིག་བྱེད་ཡིན། ༥༩ ཉོག་འཛང་ཅན་གྱི་བྱ་བར་བསམ་བློ་མང་དུ་གཏོང་རྒྱུ་ལས་བསྣབ་སེམས་མེད་པར་ལྷོད་ལ་བབས་ཏེ་འདུག་རྒྱུ་གལ་ཆེ། མི་མང་འཚོགས་སར་མི་སྒེར་གྱི་སེམས་ལ་ན་ཟུག་གཏེར་བྱེད་ཀྱི་ཚིག་ངན་མ་བཤད་ན་བཟང་། དེ་འདྲེའི་ཚིག་གིས་སྤྱི་ཚོགས་ཤིག་གིས་ཁྱེད་རང་དང་ལེན་བྱེད་མི་ཐུབ་པའི་རྒྱུ་རྐྱེན་བཟོ་སྲིད། ༦༠ རྒྱུན་དུ་འཆལ་གཏམ་འདྲ་བའི་སྐད་ཆ་མང་པོ་བཤད་མཁན་གྱི་མི་དེས་རང་གི་འཇོན་ཐང་དང་ནུས་པ་རྩ་ཆེན་དེ་གཏོར་སྐྱོན་གཏོང་ཉེན་ཡོད་པས་གཟབ་དགོས། རྒྱུན་དུ་རང་ཉིད་རྒྱལ་འདོད་ཀྱི་ཧམ་སེམས་དེས་རང་ཉིད་ཀྱི་བདེ་སྐྱིད་ཡོད་ཚད་རྩ་མེད་དུ་བཟོ་ཉེན་འདུག ལུས་སེམས་ཐམས་ཅད་རྒུད་འགྲོ་བའི་སྐབས་སུ་གསོ་བྱེད་ཀྱི་སྨན་ལྟ་བུ་ནི་བརྩེ་བ་རེད། ༦༡ དཀའ་སྡུག་ཐམས་ཅད་མི་རྟག་པ་ཡིན་པས་རྟག་པར་གནས་མི་སྲིད་བའི་གནས་ལུགས་ལ་བསམ་བློ་གཏོང་དགོས། འུ་ཅག་གིས་ཕན་ཚན་ལ་སློབ་གསོ་གཏོང་རྒྱུ་དེ་གཙོ་བོ་མ་རེད་ལ། བསམ་བློ་བརྗེ་རེས་དང་ཉམས་མྱོང་བསྡུར་རྒྱུ་དེ་གལ་ཆེན་པོ་རེད། སྐྱིད་སྐྱིད་དང་གུ་ཡངས་མོ་ནི་འཚོ་བའི་ཁྲོད་དུ་མེད་དུ་མི་རུང་བ་ཞིག་རེད། ༦༢ འདས་ཟིན་པའི་གྲོགས་པོའི་ནོར་འཁྲུལ་ལ་འཁང་ར་མི་བྱེད་པར་གནས་བབས་ལ་འགྱུར་བ་འགྲོ་ངེས་བའི་གཏན་ཚིག་ལ་ཡིད་ཆེས་དགོས། གཞན་གྱིས་ཁྱེད་ལ་ལྟ་ཚུལ་བཟང་ངན་ག་འདྲ་བཤན་ནའང་དེ་གནད་དོན་མ་རེད་ལ།...

—— བྱ་མདོ་རིན་བཟང་། ༡ ངས་རྒྱུན་དུ་གདུང་འབོད་དང་ངུ་སྐད་འདྲེས་པའི་ཟུངས་ཁྲག་དང་ཚེ་སྲོག་གི་གཏུག་བཤེར་གང་མང་བྱས་པ་ཐམས་ཅད་ཆོད་སེམས་དང་དཔའ་སྤོབས་རེ་བསྐྱེད་ནས་ཕུལ་བ་ཡིན། རང་ཉིད་ཀྱི་སེམས་ཀྱི་ཟབ་ས་དང་སྙིང་གི་འཕར་རྩ་རུ་ཞུགས་པའི་དད་ཞེན་དང་གདུང་སེམས་མཉམ་བསྐྱེད་འདི་དག་གཟུར་ཏུ་མེད་པའི་འགན་འཁྲི་ལྕི་མོ་དེ་ཡིན། ༢ སྤྱི་ཚོགས་ཀྱི་སྒྲིག་གཞི་ལེགས་པོའི་རྨང་གཞི་འདི་ཡང་རིག་གནས་དང་རིག་གནས་པའི་བློ་ཁོག་ཡངས་པོ་ཞིག་བསྐྱེད་ནས་གཞི་ཆགས་པ་རེད། ཁས་ལེན་དང་དམ་བཅའི་ཁག་ཐག་དམ་པོ་དེ་དག་ཡང་སྤྱི་དམངས་ཀྱི་བསམ་བློའི་ཐོན་ཁུངས་འཛོམས་པོ་རེ་དང་གླེང་བརྗོད་ཀྱི་ཁ་ཕྱོགས་དྲང་མོ་དག་བྱུང་སྐབས་བསྒྱུར་ཆོག་ཆོག་གི་ལམ་ཀ་དེ་འདེམས་ཆོག ༣ མི་རིགས་ཀྱི་ངོ་བོ་གཏོར་བཅོམ་གཏོང་བྱེད་ཀྱི་རོགས་སྐྱོར་དང་སློབ་གཉེར་དེ་དག་ནི།  ཟླ་བ་གཅིག་གི་རྗེས་སུ་རང་ཉིད་འཆི་ངེས་པའི་ཉིན་གཅིག་གི་ཟས་མགྲོན་ལྟ་བུ་རེད།   ནོར་འཁྲུལ་བཟོས་པ་དེ་ནོར་འཁྲུལ་ཆེན་པོ་མིན་ལ། ནོར་འཁྲུལ་སྦ་གསང་བྱས་པ་དེ་ཚབ་ཆེན་པོའི་ནོར་འཁྲུལ་དེ་རེད། ༤ སྲིད་གཞུང་ཞིག་ལ་ཕོག་ཐུག་གཏོང་ཐུབ་པའི་རྩོམ་ཡིག་དག་ནི་དུས་རབས་རེ་རེ་བརྒལ་དུས་བཀག་སྡོམ་བྱེད་མི་ཐུབ་པར་མ་ཟད།   བསམ་ཡུལ་ལས་འདས་པའི་རྒྱལ་ཁའང་ཐོབ་སྲིད།  མི་རང་ཉིད་ཀྱི་དྲང་བདེན་གྱི་སྐད་ཆ་ཁ་ནས་མ་ཐོན་གོང་ཁོག་ནས་བསད་ན་སྤྱི་ཚོགས་ཤིག་འཆི་ལམ་དུ་བཅུག་པ་དང་ཁྱད་མེད།  སྤྱིར་བཏང་གི་རྒྱུ་འབྲས་ཀྱི་ཚད་ཐིག་ལས་བརྒལ་མེད་པའི་སྐད་ཆ་དག་ཕུགས་འདུན་གྱི་མཐོ་ས་ནས་ལག་ལེན་གྱི་དམན་སར་ལྷུང་མི་སྲིད། ༥ ཚིག་ལྷད་བཅུག་པའི་སྐད་ཆ་དག་གིས་མི་རིགས་དང་མི་རིགས་ཀྱི་སེམས་ཁམས་ཉམས་རྒུད་དུ་བཏང་ཡོང་བ་འདི་བཟོད་མི་ཐུབ་པའི་ན་ཟུག་ཞིག་ཡིན།   ད་དུང་སེམས་ལྷད་ཀྱི་དྲི་མ་དང་བྲལ་བའི་ཡང་དག་པའི་གོམས་གཤིས་འདི་དག་ཡང་སྲུང་དགོས། ༦ ང་ཚོ་བོད་མི་ཞིག་ཡིན་པའི་བདེན་དཔང་འདི་བོད་སྐད་དང་གོམས་གཤིས་ལས་གཞན་པའི་འཇོག་ཨེ་ཐུབ། རྒྱུ་ནོར་དང་ཐོབ་གོ་སའི་དེ་བས་ཀྱང་འཇོག་མི་ཐུབ། འདི་ནི་མི་རེ་ཟུང་གི་གནད་དོན་མིན་པར་མི་རིགས་ཤིག་གི་དར་རྒུད་དང་འབྲེལ་བའི་གཡོལ་ཐབས་མེད་པའི་འགན་འཁྲི་དང་གནད་དོན་ཞིག་ཡིན། ༧ ལེགས་ཉེས་དཔྱོད་པའི་རྣམ་དཔྱོད་ལ་རང་ཚུགས་ཐུབ་པའི་གཞུང་ལུགས་ཀྱི་རྒྱབ་བརྟེན་དགོས།  དང་བ་འདྲེན་པའི་སྤྱོད་ལམ་ལ་ཕྱི་ཐག་རིང་བོའི་ངང་རྒྱུད་དང་གཤིས་ཀ་དགོས།གདམས་ངག་གླེང་མོའི་ཚུལ་དུ་བྱེད་བཞིན་པ་འདི་ཡང་ཡང་རྙེད་དཀའ་འོ། ། ༨ བླང་དོར་འབྱེད་བྱེད་ཀྱི་རིགས་པ་སྣ་རེ་གཞན་ལ་སློབ་སྟོན་གནང་ཐུབ་ཚེ་རང་ཉིད་ཤེས་ཡོན་པའི་གྲལ་དུ་ཚུད་པའི་ལག་རྗེས་བཞག་པ་རེད།...

ཨ དོན་ཉི། ཨ་རི།       ཉེ་བའི་ཆར་བོད་ཡིག་གི་བརྡ་སྤྲོད་རིག་པའི་ཆོས་ཉིད་དང་མི་མཐུན་པའི་བྱང་ཨ་རིའི་བོད་ཀྱི་བྱིས་པའི་གཟའ་མཇུག་སློབ་དེབ་གཅིག་དཔར་བསྐྲུན་འགྲེམ་སྤེལ་བྱས་པ་ལ་བརྟེན་ནས། རང་རེའི་དྲ་ལམ་སྤྱི་ཚོགས་སུ་སློབ་དེབ་དེའི་སྐོར་ལ་ཡིག་ལམ་ནས་དགག་རྩོམ་བྲིས་ཤིང་གླེང་བརྗོད་འཁྲུག་པོ་སྤེལ་མཁན་ཅུང་མང་བོ་བྱུང་།         དེ་ནི་ཅི་ཁག་སྟེ། བོད་ཀྱི་ཤེས་རིག་ལས་ཁུངས་གཙོ་བྱས་ནས་སློབ་དེབ་རྩོམ་སྒྲིག་པ་དེ་ཚོས་བོད་མི་རིགས་ཀྱི་ཡི་གེའི་རིན་ཐང་བཀོལ་སྤྱོད་ཀྱི་ཚེ་སྲོག་ལ་ཐད་ཀར་ཁྱད་གསོད་བྱས་བཞག་པ་དེ་མ་བཟོད་པས་རེད།       བོད་ཀྱི་ཡི་གེ་འདི་འབྲི་ཀློག་སྦྱོང་གསུམ་བྱེད་པའི་སློབ་གྲྭ་ཆེ་ཆུང་གང་འདྲ་ཞིག་ཡིན་ནའང་། སློབ་གྲྭ་དེའི་ཁྲིད་དེབ་དང་སྦྱོང་ཚན་ཡོངས་རྫོགས་བོད་ཡིག་གི་བརྡ་སྤྲོད་རིག་པའི་ཆོས་ཉིད་དང་ཡོངས་སུ་མཐུན་དགོས་པ་མ་ཟད། དགེ་རྒན་རྣམ་པ་སློབ་ཁྲིད་དངོས་ལ་ཞུགས་དུས་ཀྱང་ངེས་པར་དུ་བོད་ཀྱི་བརྡ་སྤྲོད་རིག་པའི་ཕྱི་མོའི་གཞུང་ལ་གསལ་ཆ་ཡོད་པའི་སྒོ་ནས་ཡིག་སྐད་བཤད་པར་གོམས་བྱང་དུ་འགྲོ་ཐབས་ལ་འབད་བརྩོན་བྱེད་དགོས།  དེ་འདྲ་བྱས་ན་བོད་སྤྱི་བའི་སྤྱི་སྐད་འགྲུབ་པ་ལ་ཡང་དངོས་ཤུགས་བརྒྱུད་གསུམ་ནས་ཕན་ཐོགས་བླ་མེད་ཅིག་འབྱུང་ངེས་རེད།      དེ་ལྟར་མིན་པར་སོ་སོ་གང་ནས་འཚར་བའི་ཡུལ་ལུང་གང་དེའི་ཁ་སྐད་གཞི་ལ་བཞག་ཅིང་ཚད་མར་བཟུང་ནས་བྱིས་པ་རྣམ་པར་སློབ་དེབ་སྒྲིག་པ་དང་སློབ་ཁྲིད་བྱས་པ་ཡིན་ན། བོད་མདོ་དབུས་ཁམས་གསུམ་གྱི་སྤྱི་ནོར་དུ་ཆགས་ཤིང་བོད་མི་ཐམས་ཅད་གོང་བུ་གཅིག་ལ་སྒྲིལ་བྱེད་ཀྱི་སྐད་ཡིག་རིན་པོ་ཆེ་འདི་ཁ་ཆག་སྣ་རལ་དུ་གྱུར་ནས་བདེ་ཐང་ངང་འཚར་ལོངས་འབྱུང་སའི་ལས་བསྐལ་མེད་པ་ལ་ང་ཚོས་རང་ས་ནས་སྟ་གོན་བྱས་ཚར་བ་རེད། འཆི་ངོགས་བསྟན་བཞག་པ་རེད།        མ་གཞི་བོད་ཀྱི་བྱིས་པ་རྣམ་པས་དཔེ་ཁུག་རྒྱབ་ལ་ཁུར་ཞིང་ཞ་སྨྱུག་གྲ་སྒྲིག་བརྒྱབ་ནས་སློབ་གྲྭའི་ཁོར་ཡུག་ལ་ཕེབས་དགོས་དོན་དེ་ཁ་སྐད་ཀྱི་སྟེང་ལ་ཁ་སྐད་སློབ་ཆེད་ཡིན་མི་སྲིད་ལ། བོད་ཡིག་གི་བརྡ་སྤྲོད་སྤྱི་འགྲོས་ཀྱི་འགྲོ་སྟངས་འཁྲུགས་ནས་སློབ་ཆེད་རྩ་ནས་མིན་པས། བྱང་ཨ་རིའི་གཟའ་མཇུག་སློབ་གྲྭ་གཙོས་ཕྱིར་སྡོད་བོད་མིའི་བོད་ཡིག་སྦྱོང་སའི་རུ་ཁག་གང་ཞིག་ཡིན་རུང་།  སློབ་གྲྭའི་མངའ་ཁོངས་ནས་དམིགས་བསལ་ཁ་སྐད་རྒྱག་སའི་ས་མིག་ཅིག་འཇོག་མི་དགོས་ལ། ལྷག་པར་དུ་བོད་ཡིག་བསླབ་ཅིང་བོད་སྐད་རྒྱག་པའི་སློབ་གྲྭ་ནས་ཆོལ་གསུམ་གྱི་ཡུལ་སྐད་གང་ལའང་དམིགས་བསལ་ཁ་སྐད་བཤད་སའི་བྱ་འགུལ་ཞིག་ལོགས་སུ་སྤེལ་དོན་མེད།        ཅི་ལ་ཞེ་ན། བྱིས་པ་ཚོས་ཁ་ནས་ཚིག་གཅིག་བཤད་པ་དེ་ཁ་སྐད་ཡིན་ངེས་ལ། རྩེད་འཇོར་རོལ་བའི་བོད་སྐད་ཀྱི་ཁ་བརྡ་ཐམས་ཅད་ཁ་སྐད་ཡིན་སྲིད།  བྱིས་པའི་སྔོན་འགྲོའི་འཛིན་གྲྭ་ནས་ཀྱང་དགེ་རྒན་རྣམ་པས་རི་མོའི་དེབ་སོགས་ལ་ལྟ་ཀློག་བྱེད་པའི་རོགས་འདེགས་ནུས་པ་བསྐྱེད་སྲིང་དང་མཚར་སྒྲུང་ཡིད་འགུག་ཅན་བཤད་པའི་སྨྲ་ལྕེ་དག་ཅིང་རྣམ་རིག་སད་དགོས་པ་ལས་ཆེད་དམིགས་ཁ་སྐད་རྒྱག་ས་ཞིག་བཀོད་སྒྲིག་གནང་དགོས་མེད། མ་གཞི་དགེ་རྒན་ཁྱེད་ཀྱི་སྐད་ཆའི་འགྲོས་དེ་ཁ་སྐད་ཡིན་པས་སོ།།         ས་གཞིའི་སྟེང་གི་མི་རིགས་དང་རྒྱལ་ཁོངས་གང་ཞིག་ཡིན་རུང་སོ་སོ་རང་གི་རྐང་མགོ་ནས་ཡར་ལེན་ཐུབ་སྤྱད་ཀྱི་སྲོག་གི་གཟུང་ཐག་ཉག་ཅིག་དེ།...

རྒྱ་གྲོལ། གངས་རིའི་བུ་མོའི་སྔོན་འགྲོ           “ཁྱེད་རང་ཤེས་རབ་ལྡན་ལ་ཀུན་སྤྱོད་ལེགས་ཤིང་སྤོབས་པ་ཆེ་ལ་ཤེས་ཡོན་ལྡན་པའི་གངས་རིའི་བུ་མོ་ཞིག་བྱེད་པའི་རེ་བ་ཡོད།” ཁ་པར་འཕྲིན་ཐུང་འདི་བསྐུར་མ་ཐག་ངས་གངས་རིའི་བུ་མོ་ལ་བསམ་གཞིག་བྱ་དགོས་བྱུང༌། བསམ་གྱིན་བསམ་གྱིན་ང་ལ་སྐྱོ་བ་ཞིག་སྐྱེ་འོང་ལ་དགའ་བ་ཞིག་ཀྱང་སྐྱེ་འོང༌། དགའ་སྐྱོ་དེ་དག་ནི་ངའི་མཐའ་འཁོར་དུ་བྱུང་བའི་གཏམ་རྒྱུད་དག་ཡིན།  མོ་ངའི་ཚ་མོ་ཡིན། གལ་ཏེ་ང་ཡོད་ས་ནས་མོ་སློབ་གྲྭར་མི་སྐྱེལ་ཟེར་ན་ངའི་ཨུ་ཚུགས་ཀྱི་རི་བོ་དེ་འཕར་ངེས་པས་ཡུས་གུང་སྟོང་ཕྲག་ཡོད་ཀྱང་ཅི་ཞིག་བྱ་ཨང༌། ཡིན་ནའང༌། མོས་མིག་ཆུ་ཁོང་དུ་མིད་ཀྱིན་གནས་ལ་བུད་སོང༌།  དེ་ནི་མོས་མཐོ་རྒྱུགས་ལ་སྐར་མ་གཅིག་ཆད་པའི་ཕམ་ཁ་རེད། ཡིན་ནའང༌། དེ་ཁོ་ནས་མོ་འགྱེལ་མི་སྲིད།  ཉིན་ཞིག་མོའི་ཨ་མ་ཡོང་ནས་ནོར་བྷོ་ཡུལ་ནས་འདུག་རྒྱུ་བྱས་ཡོད་ཟེར། “ཨ། མོ་འཐད་དམ” ངས་བྲེལ་འཚུབ་ཀྱིས་དེ་ལྟར་དྲིས།  མོས “ཨ་ཁུ་འཐད་ན་ང་འདུག་ཟེར” ང་ཅུང་མི་དགའ་བར་གྱུར་ནས “མོ་ངེས་པར་འཐད་དགོས” ཞེས་བཤད། ཡིན་ནའང༌། རྗེས་སུ་སྐད་ཆ་ལྡོམ་པོ་ཞིག་གིས “མོ་ཉིན་དུ་མར་ངུ་སྐད” པ་ངའི་རྣ་ལམ་བསྐྱལ། དེ་བས་ང་ཁོང་ཁྲོ་ལངས། མོའི་ཕ་བོས་ཏེ “མོ་མྱུར་ཏུ་སློབ་གྲྭར་སྐྱེལ་དགོས” ཞེས་བཤད་པར “ཧ་ཧ།  མོ་གནས་བྱིན་བཏང༌། མོ་ཡང་འཐད་ཀི”...

མང་རྒྱན།        ཕྱི་ནང་གི་རྒྱུ་རྐྱེན་དུ་མའི་དབང་གིས་མིག་སྔར་བོད་སྐད་བོད་ཡིག་མི་ཤེས་པའི་བོད་པ་ཡང་སྐོར་ཞིག་ཡོད་མོད། གང་ལྟར་འདས་ཟིན་པ་འདས་ཚར་བ་རེད།ལེ་བདའ་བྱས་ཀྱང་ཕན་པ་ཆུང་། གཙོ་བོ་མ་འོངས་པར་འབད་བརྩོན་བྱེད་དགོས་པ་རེད། ནང་སྒོས་སུ་ད་ནས་བཟུང་མཁར་གྲོང་ན་འཚོ་བའི་ཚོང་པ་དང་ལས་བྱེད་པ་ཚང་མས་བོད་པ་ནང་ཁུལ་དུ་ཕ་སྐད་སྤྱོད་ཅིང་རང་རང་གི་བྱིས་པར་བོད་ཀྱི་སྐད་ཡིག་གཉིས་ཁྲིད་ཅི་ཐུབ་བྱ་དགོས།        དོན་འདི་དཀའ་ཟེར་ན་དཀའ་སྟེ་གྲོང་ཁྱེར་ན་བོད་སྐད་ཀྱི་སློབ་གྲྭ་སོགས་མེད།  སླ་ཞེ་ན་སླ་སྟེ་ཕྱི་གླིང་བ་མགོ་སེར་རྒྱ་ནང་དུ་འཚོ་བ་རོལ་མཁན་དེ་ཚོའི་བྱིས་པའི་ནང་ན་ཁོ་ཚོའི་ཕ་སྐད་བརྗེད་ཚར་བ་གཅིག་ཀྱང་མེད།  དེ་བས་ངས་བསམས་ན་སྐད་ཡིག་གི་ཐད་དུ་ཁ་གཡར་ས་མང་པོ་མེད།      ད་ནི་ཨུ་ཚུགས་བྱེད་དགོས་པའི་དུས་ཤིག་ལ་སླེབས་འདུག དེ་ལྟར་མ་ནུས་ན་ཡུན་རིང་མ་འགོར་བར་མི་རིགས་འདི་འཇིག་ངེས་པ་ཁོ་ཐག་རེད། མདོར་ན་བློ་རིག་རྒྱུན་ལྡན་དུ་གནས་པའི་བོད་པ་ཞིག་ཡིན་ན།  རང་མི་ནང་ཁུལ་དུ་གཞན་སྐད་སྤྱོད་པ་ངོ་ཚར་བརྩི་འོས་ལ།  ཚོགས་འདུ་སོགས་སུ་བོད་སྐད་མི་ཤེས་པའི་རྒྱ་མི་དང་བོད་མི་རེ་འགའི་ཆེད་དུ་བརྒྱ་ཆའི་གོ་ལྔ་ཡི་བོད་པས་ཕ་སྐད་བསྐྱུར་ནས་གཞན་སྐད་སྨྲ་དགོས་པའི་སྲོལ་ངན་དེ་དག་ཀྱང་བསྒྱུར་རན་ལ་ཐོན་ཡོད།     བོད་མི་སྤྱི་བོ་གནམ་བསྟན་ཡོངས་ཀྱིས་བོད་སྐད་བཤད་ཐུབ་ས་ཐམས་ཅད་ནས་བོད་སྐད་ཤོད། བོད་ཡིག་འབྲི་ཐུབ་ས་ཐམས་ཅད་ལ་བོད་ཡིག་ཕྲིས། བསམ་བཞིན་དུ་ཤོད། ཨུ་ཚུགས་ཀྱིས་ཕྲིས། མི་ནུས་པ་དང་མི་སྲིད་པ་ཞིག་བསྒྲུབ་ཨེ་ཐུབ་ལ་ཚང་མས་སྙིང་རུས་བསྐྱེད་དགོས་པ་རེད། གལ་ཏེ་བོད་མིས་བོད་སྐད་བོད་ཡིག་མི་ཤེས་ན་སྦྱོང་དགོས་པ་རེད། ཁྱོད་ཚོས་རྒྱ་ཡིག་དང་དབྱིན་ཡིག་གལ་ཆེན་དུ་འཛིན་པ་དེ་ལྟར་སྦྱོངས། དུས་ཚོད་དང་འགྲོ་སོང་ངེས་ཅན་བཏང་ནས་སྦྱོང་བརྡར་འཛིན་གྲྭར་འཚང་ཁ་རྒྱག་གྱིན་པ་དེ་ལྟར་སྦྱོངས། ཐ་ན་བོད་སྐད་ད་མ་དིག་རེ་བཤད་དེ་ཡིག་ནོར་རེ་བྲིས་ཀྱང་མི་སྐྱོན། བསམ་པ་ཡོད་ན་ག་ལེར་ཡར་ཐོན་ཡོང་ངེས་རེད། གཙོ་བོ་རང་སྐད་ལ་བཟུང་བའི་རྣམ་འགྱུར་དེ་གལ་ཆེན་པོ་རེད་སྙམ། ༢༠༡༦/༦/༡༧ ངེད་དྲ་ཚིགས།...