ཚེ་འབུམ། ༡༽ གནའ་རྒྱའི་ཚེ་ལོ།            གནའ་རྒྱའི་ཚེ་ལོ་ནི་ཨ་མདོ་ནས་སྐྱེས་པའི་ཕྱུག་པོ་མིང་གྲགས་ཅན་ཞིག་ཡིན། ཁོ་རང་ཚེ་སྟོད་ལ་རྒྱུ་ནོར་ལོངས་སྤྱོད་ནམ་མཁའི་སྐར་ཚོགས་ལྟར་འདུས་ཀྱང་། འཆི་ཁར་མི་རྟག་པའི་རྒྱུ་ནོར་རྣམས་དབྱར་ཟླ་གསུམ་གྱི་མེ་ཏོག་ལྟར་ཡལ་ཞིང་། བུ་དང་མནའ་མ་སོག་ཀྱིས་སྙོར་སྐྱོང་ལེགས་པོ་མ་བྱས་པས་ཁོ་རང་འཇིག་རྟེན་འཁོར་བ་ལ་ཡིད་སྐྱོ་ཞིང་། རྒྱུ་མི་རྟག་རྩྭ་མགོའི་ཟིལ་བ་ཞེས་པར་ངེས་ཤེས་རྙེད་པས་ཕྱི་རབས་པ་ལ་སྨན་ཕྱིར་འཇིག་རྟེན་གྱི་བསླབ་བྱ་མང་བོ་གནང་བ་རེད།         བསླབ་བྱ་ཡི་བརྗོད་བྱ་གཙོ་ནི་འཇིག་རྟེན་པ་རྣམས་རྒྱུ་ལ་རྔམས་ཤིང་ཆོས་ལ་ཞན་པས་རྒྱུ་ནོར་གྱི་སླད་དུ་མི་དང་མིའི་བར་དུ་རྩོད་གླེང་ཞི་ཐབས་མེད་པ་བྱུང་དང་འབྱུང་མུས་སུ་ཡོད་པ་དང་། རྒྱུའི་ཆེད་དུ་མིའི་རང་བཞིན་བཟང་བོ་དང་མི་ཆོས་ལེགས་པོ་རྣམས་བརླགས་འགྲོ་བས་ན། མིའི་རིན་ཐང་ནི་རྒྱུ་ནོར་ལོངས་སྤྱོད་ཀྱི་ངོ་ན་མེད་པར་སྤྱིར་མིའི་རིགས་ཀྱི་ཡ་རབས་སྲོལ་བཟང་དང་། གཤིས་རྒྱུད། འཇིག་རྟེན་མི་ཆོས་ཤེས་ཤིང་དེ་དོན་དུ་འཁྱོལ་ཐུབ་མིན་གྱི་སྟེང་ན་ཡོད་པ་བསྟན། འཇིག་རྟེན་བསླབ་བྱ་འདི་དང་ཐོག་ནས་ངག་བརྒྱུད་བྱུང་བའི་ཚིག་སྒྲོས་འདྲ་མིན་མང་པོ་བྱུང་བ་དང་། ཨ་མདོ་རུ་དར་ཁྱབ་ཆེ་བས་ཨ་མདོའི་ཁ་སྐད་ཀྱི་སླད་མང་དུ་ཞུགས་ཡོད། འདི་འཇིག་རྟེན་ཁྱིམ་ཚང་གི་དོན་དག་བརྗོད་བྱར་བཟུང་ནས་བརྩམས་པས་བརྗོད་བྱའི་གོ་རིམ་གསལ་ཞིང་། ཁ་སྐད་གཙོ་ཆེ་བར་བཟུང་ནས་བརྩམས་ཡོད་པས་བློ་མཆོག་དམན་ཀུན་གྱིས་གོ་བདེ་བའི་ཁྱད་ཆོས་ཐོན་འདུག  འདི་ལ་བརྗོད་བྱའི་དོན་གྱི་ཁྱབ་རྒྱའི་སྟེང་ནས་རིགས་མི་འདྲ་བ་མང་བོ་ཡོད་པ་གདོན་མི་ཟ་མོད། དམངས་ཁྲོད་དུ་ཅུང་རྒྱུགས་ཆེ་བ་འགའ་སྡུར་ཏེ་དཔྱད་ན་རྨད་དུ་བྱུང་བའི་བརྗོད་བྱ་འདི་དག་འདུས་ཏེ། དང་པོ་མཁས་པ་རྣམས་ལ་གདམས་པའི་ཚུལ་གྱིས་དལ་འབྱོར་གྱི་མི་ལུས་རིན་ཆེན་འདི་རྙེད་དཀའ་བ་བསྟན་པ། གཉིས་པ། བྱིས་པ་ལ་གདམས་པའི་ཚུལ་གྱིས་དཔེ་སྣ་ཚོགས་ཀྱི་སྒོ་ནས་དལ་འབྱོར་འཇིག་སླ་བ་བསྟན་པ། གསུམ་པ། ཕོ་གསར་རྣམས་ལ་འཇིག་རྟེན་མི་ཆོས་བསྟན་པ། བཞི་བ། ལོ་གཞོན་རྣམས་ལ་འཇིག་རྟེན་མི་ཆོས་བསྟན་པ།་ལྔ་བ། བུ་མོ་རྣམས་ལ་འཇིག་རྟེན་མི་ཆོས་བསྟན་པ། དྲུག་པ། བདག་མོ་རྣམས་ལ་འཇིག་རྟེན་མི་ཆོས་བསྟན་པ། བདུན་པ།  མནའ་མ་རྣམས་ལ་འཇིག་རྟེན་མི་ཆོས་བསྟན་པ། བརྒྱད་པ།...

དབུས་ཡོ་རོབ་གཙུག་ལག་སློབ་གྲྭ་ཆེན་མོ་རུ་སློབ་སྦྱོང་བྱེད་དགོས་པའི་རྒྱུ་མཚན་བཅུ། གཅན་སྣང་བ་ཚེ་རིང་བཀྲ་ཤིས།    དབུས་ཡོ་རོབ་གཙུག་ལག་སློབ་གྲྭ་ཆེན་མོ། ༼སློབ་མ་མང་པོ་ཞིག་གིས་སློབ་གྲྭ་འདིའི་སྐོར་མང་པོ་འདྲི་གི་འདུག་པས།  འདིར་རོབ་ཙམ་ཞིག་བྲིས་ཡོད།༽          ཡོ་རོབ་གཙུག་ལག་སློབ་གྲྭ་ཆེན་མོ་ནི་སུའུ་ལེན་མནའ་མཐུན་རྒྱལ་ཁབ་ཁ་འཐོར་བའི་རྗེས་སུ་ཤར་ཡོ་རོབ་གླིང་དུ་དམངས་གཙོ་ལམ་སྲོལ་གསར་འཛུགས་བྱེད་པའི་སྐབས་ཀྱི་དཀའ་ངལ་དག་ལ་གདོང་ལེན་བྱེད་པར་དམིགས་ནས་ ༡༩༩༡ ་ལོར་གསར་དུ་བཙུགས་པའི་སློབ་གྲྭ་ཆེན་མོ་ཞིག་ཡིན་ལ། སློབ་གྲྭ་འདིའི་དམིགས་ཡུལ་གཙོ་བོ་ནི་འཛམ་གླིང་ནང་དམངས་གཙོ་ལམ་སྲོལ་ཁྱབ་སྤེལ་དང་སྲ་བརྟན་ཡོང་བ་བྱེད་རྒྱུ་དེ་ཡིན་པས་སློབ་ཆེན་འདིར་འབྱུང་རིག་སྡེ་ཆེན་དང་འབྲེལ་བའི་སློབ་ཚན་མ་གཏོགས་རྩིས་དངོས་རྫས་ལ་སོགས་པའི་སློབ་ཚན་རིགས་མེད།  ཡིན་ཡང་ཚོང་ལས་སྡེ་ཚན་གཅིག་ཡོད།          ༡༽ སློབ་ཆེན་འདི་ནི་འཛམ་གླིང་ཁྱོན་ཡོངས་སུ་མ་ཟད་ཡོ་རོབ་ཁུལ་གྱི་སློབ་ཆེན་ཆེས་གསར་ཤོས་ཤིག་ཡིན་པས། མི་མང་པོ་ཞིག་གིས་སློབ་ཆེན་འདིའི་སྐོར་ལ་གང་ཡང་ཤེས་ཀྱི་མེད།  འདས་པའི་ལོ་ངོ་ ༢༥ ལྷག་གི་རིང་དུ་སློབ་ཆེན་འདིས་འཛམ་གླིང་ནང་དམངས་གཙོ་དར་སྤེལ་དང་ལྷག་པར་དམངས་གཙོའི་སྐོར་གྱི་གཞུང་ལུགས་དང་ལག་ལེན་སྐོར་འཛམ་གླིང་ནང་རྩོད་རྙོག་ཆེ་སའི་ས་ཁུལ་གྱི་གཞོན་སྐྱེས་ཁག་ལ་འཆད་ཁྲིད་བྱས་ནས་ཤེས་འཇོན་ཅན་གྱི་ན་གཞོན་ཤེས་ཡོན་པ་མང་པོ་བསྐྱེད་བསྲིང་བྱས་ཡོད་ལ།  ད་ཆ་སློབ་ཆེན་འདིའི་སྡེ་ཚན་ཁག་སྤྱི་དང་ལྷག་པར་་ཆབ་སྲིད་ཚན་རིག་སྡེ་ཚན་དེ་འཛམ་གླིང་ཁྱོན་ཡོངས་ཀྱི་ཡང་རྩེ་་ཨང་༢༩་པར་སོན་ཡོད།  རྒྱས་པ་འདི་ལ་གཟིགས།   http://www.topuniversities.com/university-rankings/university-subject-rankings/2015/politics#sorting=rank+region=+country=+faculty=+stars=false+search=         ༢༽  དབུས་ཡོ་རོབ་གཙུག་ལག་སློབ་ཆེན་ནི་ཡོ་རོབ་ཀྱི་རྒྱལ་ཁབ་ཧང་གེ་རེ་རྒྱལ་ས་བྷོ་ངྷ་ཕེ་སིའི་གྲོང་ཁྱེར་གྱི་ལྟེ་བར་ཆགས་ཡོད་ལ།  གྲོང་ཁྱེར་འདི་ནི་ཡོ་རོབ་ནང་གི་གྲོང་ཁྱེར་ཆེས་མཛེས་ཤོས་དེ་ཡིན་ཞེས་བཤད་ནའང་མ་འགྲིག་པ་མེད།  བྷོ་ངྷ་ཕེ་སི་གྲོང་ཁྱེར་ནང་ཕབ་པའི་འཛམ་གླིང་ནང་སྐད་གྲགས་ཆེ་བའི་གླུ་གཞས་བརྙན་ཐུང་ཞིག་འདིར་སྦྱར་ཡོད་ལ།  བརྙན་ཐུང་འདི་ལས་གྲོང་ཁྱེར་གྱི་སྣང་བརྙན་རོབ་ཙམ་མཐོང་ཐུབ།  https://www.youtube.com/watch?v=UfcvO2t8Ntg        ༣༽  རྒྱལ་ས་བྷོ་ངྷ་ཕེ་སིའི་གྲོང་ཁྱེར་འདི་ཡོ་རོབ་ཁྱོན་ཡོངས་ནས་དཔལ་འབྱོར་འགྲོ་གྲོན་ཆུང་ཤོས་ཀྱི་གྲོང་ཁྱེར་ཞིག་ཀྱང་ཡིན་པས།  སློབ་མ་ཞིག་ལ་ཆ་མཚོན་ན།   འདི་ལས་ལྷག་པའི་གདམ་ག་ཡག་པོ་ཞིག་གང་ན་ཡོད།       ༤༽...

རྡོ་རྗེ་རིན་ཆེན།
             གངས་ཏི་སེའམ་གངས་རིན་པོ་ཆེ་ནི། བོད་རང་སྐྱོང་ལྗོངས་སྤུ་ཧྲེང་རྫོང་གི་བྱང་རྒྱུད་དུ་ལྷུན་ཆགས་སུ་ཡོད་ཅིང་། རྒྱ་མཚོའི་ངོས་ལས་ལས་སྨིས་དྲུག་སྟོང་དྲུག་བརྒྱ་ང་དྲུག་གིས་མཐོ་བ་རེད། གནས་འདིར་ལོ་ངོ་སྟོང་ཕྲག་མང་བོའི་སྔོན་ནས་ནང་བ་སངས་རྒྱས་པ་དང་། ཕྱི་རོལ་རིག་བྱེད་པ་སོགས་ཀྱི་ངོས་འཛིན་ཚུལ་མི་འདྲ་བར་བྱུང་ཡོད། དེ་ཡང་གནས་འདི་ཉིད་ཏི་སེར་ངོས་འཛིན་ཚུལ་ནི། <<མདོ་སྡེ་ཕལ་བོ་ཆེ>> དང་ <<དྲན་པ་ཉེ་བར་བཞག་པའི་མདོ>> སོགས་ནས་ཏི་སེིའི་རི་བོ་རྡོ་རྗེ་རྩེ་ལྔ་བའི་དབྱིབས་ཅན་ནམ་འཕང་དཔག་ཚད་ལྔ་བརྒྱ་ཡོད་པ་སོགས་གསུངས་པ་དང་། དེ་ལྟ་བུའི་གངས་རི་གང་ན་ཡོད་སྙམ་ན། << ཆོས་མངོན་པ་མཛོད>> ལས། འཛམ་བུ་གླིང་འདི་ཉིད་ན་རི་ནག་པོ་དགུ་འདུས་པའི་ཕ་རོལ་ན་གངས་རི་ཡོད་དོ། གངས་རི་དེའི་ཕ་རོལ་ན་རི་སྤོས་ངད་ལྡན་གྱི་ཚུ་རོལ་ན་མཚོ་མ་དྲོས་པ་ཞེས་བྱ་བ་ལས་ཆུ་བོ་ཆེན་པོ་བཞི་སྟེ་གངྒཱ་དང་། སི་ངྷུ་དང་། སི་ཏཱ་དང་། པཀྵུ་བཅས་འབབ་པ་ཡོད་དོ། ཞེས་དང་། <<པད་མའི་ལུང་སྟོན་བཀའ་བརྒྱ་མ>> ལས་གངས་རི་སེ་ཤེལ་གྱི་མཆོད་རྟེན་འདྲ་བའི་ཤར་ཕྱོགས་སུ་ཤངས་ཀྱི་ཟ་ལུང་ཡོད་པར་གསུངས་པ་དང་། <<བློན་པོའི་བཀའ་ཐང>> ལས། རྡོ་རྗེ་གདན་ནས་བྱང་ཕྱོགས་བཅལ་བ་ན།། རི་ནག་དགུ་འདས་ཕ་རོལ་གངས་ཏི་སེ། ། ཞེས་འབྱུང་བ་དང་།  དཔལ་ལྡན་ཨ་ཏི་ཤ་མངའ་རིས་ཀྱི་རྒྱལ་པོ་ལྷ་བཙུན་བྱང་ཆུབ་འོད་ཀྱིས་གུ་གེར་གདན་དྲངས་སྐབས། ཇོ་བོ་རྗེའི་ཞལ་ནས། ཏི་སེིའི་གངས་ནས་གནས་བརྟན་རྣམས་གདུགས་ཚོད་ཀྱི་གཎྜ་རྡུང་བྱུང་། རང་རེ་ཡང་གུང་གི་དྲོ་གྱིས་ཤིག་ཅེས་གསུངས་པ་སོགས་རྒྱ་བོད་པཎ་གྲུབ་སུས་ཀྱང་ཏི་སེ་ཞེས་པ་ནི་བོད་ཀྱི་རི་འདི་ལ་ངོས་འཛིན་པ་ཡིན།...

ཕག་མོ་དོན་གྲུབ།        རིགས་རུས་ཆོ་འབྲང་མི་རབས་སམ། །ཕ་ཚན་མ་ཚན་གཉེན་འབྲེལ་སྐོར། །ས་ཁུལ་ཡུལ་ལུང་མི་གཅིག་པར། །རང་སྲོལ་འབོད་ཚུལ་མི་འདྲ་ཞིང་། །མཁས་པ་སོ་སོའི་འགྲེལ་ཚུལ་ཡང་། །དེ་བཞིན་མི་མཐུན་མང་ནའང་། །ཅུང་ཟད་སྤྱི་ལ་ཁྱབ་པ་ཡི། །འབོད་མིང་མདོ་ཙམ་འགོད་པར་བྱ།། ཕ་ཚན་སྐོར་གྱི་མིང་།།           རང་ནས་གོང་དུ་རིམ་པ་བཞིན། །རང་ནས་ཡར་དེད་མི་རབས་གསུམ། །ཕ་དང་ཨ་མྱེས་ཡང་མྱེས་ཟེར། །ཕ་ཡི་ཕུ་ནུ་ཨ་ཁུ་ཡིན། །ཕ་ཡི་སྲིང་མོར་ཨ་ནེ་དང་། །དེ་ཡི་ཁྱོ་བོར་ཨ་བང་ (བང་པོ) ཟེར། །ཨ་ཁུའི་རིགས་ཀྱི་བྱིས་པ་དང་། །རང་གཉིས་བར་ལ་ཕ་སྤུན་ཟེར། །ཕ་ཡི་ཕ་ལ་ཨ་མྱེས (མེས་པོ) དང་། །ཕ་ཡི་མ་ལ་ཨ་ཕྱི (མེས་མོ) ཟེར། །མེས་པོའི་ཕ་ནི་ཡང་མེས་དང་། །མེས་པོའི་མ་ནི་ཡང་ཕྱི་ཡིན།  །དེ་རྣམས་རང་གི་ཕ་ཚན་ཡིན།། མ་ཚན་སྐོར་གྱི་མིང་།         མ་ཡི་ཕ་ལ་སྤོ་བོ་དང་།...

ཉི་ཧོང་བ།           ད་རེས་གོ་སྐབས་བྱུང་ནས་ལྷ་སར་ཡང་བསྐྱར་སླེབས་སོང་། ལྷ་སར་སྔོན་མ་ལས་ཡུལ་སྐོར་བ་མང་བ་སླེབས་འདུག ང་ཡང་ཡུལ་སྐོར་ལ་ཡོང་མཁན་འདྲ་པོ་ཡིན་པས་འདིར་མགྲོན་ཁང་དང་ཟ་ཁང་གང་མང་ལ་ཕྱིན་པ་ཡིན། དེ་ནས་ལྷ་སར་ལྷག་པར་དུ་བོད་རིགས་འགའི་ཞབས་ཞུ་གནས་ཚུལ་ཧ་ཅང་སྐྱོ་པོ་ཡིན་པར་མང་པོ་མཐོང་སོང་། ཉིན་ཁ་ཤས་ནང་དུ་བྱུང་པའི་གནས་ཚུལ་བྲིས་ན/        དཔེར་ན། མགྲོན་ཁང་ཞིག་ལ་ཞོགས་ཇ་ཆུ་ཚོད་༧དང་ཕྱེད་ཀ་ནས་༩པའི་བར་རེད་འདུག ཉིན་ཞིག་ང་ཆུ་ཚོད་༨དང་སྐར་མ་༥༠ཙམ་ལ་ཞོགས་ཇ་ཟ་སར་ཕྱིན་པ་ཡིན། དེ་ནས་མགྲོན་ཁང་གི་བོད་པ་བུ་མོ་ཞིག་གིས་”ཁ་ལག་རྫོགས་སོང་།”ཞེས་ལབ་བྱུང་། སྤྱིར་བཏང་ཕྱིའི་རྒྱལ་ཁབ་གཞན་གྱི་མགྲོན་ཁང་ཡིན་ན་ཆུ་ཚོད་༩ པའི་བར་ཡིན་ན་དུས་ཚོད་དེ་ལ་ཟ་ཁང་ལ་འགྲོ་ན་འགྲིག་གི་ཡོད་པ་རེད། མོ་རང་གིས་དགོངས་དག་ (sorry) ལབ་རྒྱུ་མི་འདུག ད་དུང་ང་ལ་སྐད་ཆ་གཅིག་ཀྱང་མ་བཤད་པར་ཆུ་ཚོད་མཛུབ་སྟོན་བྱས་སོང་། གཞན་ཡང་མགྲོན་ཁང་ཞིག་ལ་ཉིན་དང་པོ་ནས་འདྲེ་ཤིག་ (འབུ་, bed bug) འདུག ཉིན་གསུམ་པར་ངའི་ངོ་ལ་སོ་རྒྱབ་སོང་བས་ངས་ཞབས་ཞུ་བོད་མོ་ཞིག་ལ་”ཉལ་ཁང་ལ་འདྲེ་ཤིག་འདུག ངའི་ངོ་ལ་སོ་བརྒྱབ་སོང་།”ཞེས་ལབ་པ་ཡིན། དེ་ནས་བུ་མོ་དེས་”འོ། འདྲེ་ཤིག་གིས་ང་རང་ལ་ཡང་སོ་རྒྱག་གིན་འདུག ཁྱེད་རང་གིས་ཕྱི་ལོགས་ནས་སྨན་ཉོས་ནས་དགོང་མོར་བཏང་ན་ཡག་པོ་ཡོད་པ་རེད།”ཞེས་ལབ་བྱུང་། མགྲོན་ཁང་དེ་ཚོ་སྐར་མ་ལྔ་དེ་འདྲ་མིན་ནའང་ཞག་གཅིག་ལ་སྒོར་༣༤༠ཙམ་ལེན་གྱི་ཡོད་པ་རེད། གནས་ཚུལ་ངོ་མ་སྐྱོ་བོ་རེད། གཞན་ཡང་སྔོན་མ་ནས་ཕྱི་རྒྱལ་མི་མང་པོ་ཡོད་པའི་མགྲོན་ཁང་གི་ཟས་ཐོ་ནང་དུ་ American Coffee (美式咖啡)...

ཁྲི་བྷོད།
          ཆ་འཕྲིན་དུས་རབས་སུ་འབོད་པའི་དེང་གི་དུས་འདིར། འཕེལ་རྒྱས་ཀྱི་རྦ་རླབས་དགུང་དུ་འཕྱོ་ཞིང་། གསར་དར་གྱི་རིག་གནས་གསར་བ་དང་དངོས་པོ་གསར་བ་མང་པོ་ཞིག་ གིས་ང་ཚོའི་འཚོ་བར་སྟབས་བདེ་གང་མང་ཞིག་གནང་ཡོད། སྤྱི་ཚོགས་འཕེལ་རྒྱས་དང་འཚོ་བ་སྟབས་བདེ་རུ་ཕྱིན་པ་དང་བསྟུན་ནས་ཆ་འཕྲིན་ལག་རྩལ་ ནི་འཚོ་བའི་ཁྲོད་མེད་དུ་མི་རུང་བའི་གྲུབ་ཆ་གལ་ཆེན་ཞིག་ཏུ་ཆགས་ཡོད་ལ། ཆ་འཕྲིན་ལག་རྩལ་གྱིས་མི་རིགས་དང་རྒྱལ་ཁབ་གང་ཞིག་ཡིན་རུང་དེའི་སྲིད་འབྱོར་རིག་གསུམ་གྱི་ཐད་དུ་གཞན་ལས་ཁྱད་དུ་འཕགས་པའི་དགེ་མཚན་མི་དམན་པ་ཞིག་སྟེར་ཐུབ་ཀྱི་ ཡོད་པ་རེད། ཆ་འཕྲིན་ལག་རྩལ་ལས་ཀྱང་ཡི་གེ་གཏག་པ་འདི་ནི་ཆ་འཕྲིན་གྱི་གྲུབ་ཆ་གལ་ཆེན་ཞིག་ཡིན་པར་མ་ཟད་ང་ཚོའི་བྱ་བའི་ལག་རོགས་བཟང་པོ་ཡིན། རང་རེའི་བོད་ཀྱི་ཡི་གེ་འདི་ཉིད་ཀྱང་དར་རྒྱས་ཆེ་བའི་རྒྱལ་ཁབ་གཞན་དང་མི་རིགས་གཞན་ནང་བཞིན་གློག་ཀླད་ནང་དུ་ནང་འཇུག་བྱས་ཤིང་། བཀོལ་སྤྱོད་ཀྱི་ཁྱབ་རྒྱ་ཡང་ཇེ་ཆེ་ནས་ཇེ་ ཆེ་རུ་འགྲོ་བཞིན་ཡོད་པ་དེ་ནི་དགའ་འོས་པ་ཞིག་རེད། ཡིན་ན་ཡང་། གློག་ཀླད་དུ་བོད་ཡིག་བེད་སྤྱོད་གནང་དུས་ཡི་གེ་གཏག་ཐབས་(ཧི་མ་ ལ་ཡ། སཾ་བྷོ་ཊ། པཎ་ཊི་ཏ། དོན་ཡོད། ཧྥང་ཀྲིང་། ཧྭ་ཀོང་སོགས། )མི་འདྲ་བ་སྣ་ཚོགས་མཆིས་པ་དེས། ཕན་ཚུན་བར་གྱི་འབྲེལ་འདྲིས་ཀྱི་བཀག་རྡོ་ལྟ་བུ་ཞིག་ཏུ་ གྱུར་ཡོད་ལ།  ཕྱིར་གཏོང་གནང་མི་དགོས་པའི་དུས་ཚོད་དང་རྒྱུ་དངོས་མང་པོ་ཞིག་ཀྱང་ཞོར་ཏུ་བརླག་བཞིན་ཡོད། དེ་བས་བདག་གིས་བོད་ཡིག་གཏག་ཐབས་གཅིག་གྱུར་མིན་པའི་སྐོར་གྱི་གནད་དོན་དང་གཅིག་གྱུར་ཡིན་པའི་དགེ་མཚན་ཐོར་བུ་ཙམ་ཞིག་གཤམ་ནས་བརྗོད་པར་བྱ། དང་པོ། བོད་ཡིག་གཏག་ཐབས་གཅིག་གྱུར་མ་ཡིན་པའི་སྐོར་གྱི་གནད་དོན།            འཛམ་གླིང་དུ་བཀོལ་སྤྱོད་ཀྱི་ཁྱབ་རྒྱ་ཆེ་བའི་དབྱིན་ཇིའི་ཡི་གེ་དང་བཀོལ་སྤྱོད་གནང་མཁན་གྱི་མི་གྲངས་མང་པའི་རྒྱ་ནག་གི་ཡི་གེ་གཉིས་ལྟ་བུར་མཚོན་ན། གློག་ཀླད་བེད་སྤྱད་གནང་དུས་གཅིག་གྱུར་གྱི་ཡི་གེ་གཏག་ཐབས་མཆིས་པས། དྲ་ལམ་མྱུལ་བ་དང་དཔེ་དེབ་དང་ཚགས་ཤོག་རྩོམ་སྒྲིག་གནང་དུས་ཀྱང་ཧ་ཅང་སྟབས་བདེ་པོ་ཆགས་ཡོད་པ་རེད། དེ་བས་ལས་ཕྱོད་ཀྱི་ཚད་མཐོ་ཞིང་དུས་ཚོད་དང་རྒྱུ་དངོས་མང་པོ་ཞིག་ཀྱང་ཞོར་ཏུ་གྲོན་ཆུང་གནང་ཐུབ་ཀྱི་ཡོད་པར་མ་ཟད། ལས་ཀའི་དཀའ་རྙོག་མེད་ཅིང་སྟབས་བདེ་ཆགས་ཡོད་པ་རེད།  འོན་ཀྱང་། རང་རེའི་བོད་ཡིག་གི་ཐད་ནས་ཅུང་ཟད་གླེང་ན། གཏག་ཐབས་མི་འདྲ་བ་སྣ་ཚོགས་མཆིས་པས། འབྲེལ་འདྲིས་ཀྱི་བརྒྱུད་རིམ་ཁྲོད་དུ་ལས་ཀ་བསྐྱར་མ་མང་པོ་ཞིག་མི་ལས་རང་ལས་ཀྱི་གནས་ཚུལ་ཆགས་ཡོད་པ་ཡོད། དཔེར་ན། ཧི་མ་ལ་ཡའི་ཡིག་གཟུགས་དེ་དོན་ཡོད་དུ་བསྒྱུར་བ་དང་།  དོན་ཡོད་ཀྱི་ཡིག་གཟུགས་དེ་པཎ་ཊི་ཏ་རུ་བསྒྱུར་བ་སོགས་བྱེད་དགོས་པ་དང་། དེ་ལྟར་བསྒྱུར་བའི་གོ་རིམ་ཁྲོད་དུ་ནོར་འཁྲུལ་མི་འབྱུང་བའི་ངེས་པའང་མ་མཆིས་སོ། ། དེ་ལྟ་བུ་ཞིག་ཡིན་པས་བོད་ཡིག་གི་ལམ་ནས་བྱ་བ་ཅི་དང་ཅི་བསྒྲུབ་ཀྱང་དབྱིན་ཡིག་དང་རྒྱ་ཡིག་སོགས་དང་བསྡུར་ན་ལས་ཕྱོད་ཆུང་ཞིང་དུས་ཚོད་མང་པོ་ཞིག་ཆུད་ཟོས་སུ་བཏང་འགྲོ་ཡི་རེད།  གསར་སློབ་པ་དག་གི་བསམ་པའི་རྒྱུད་ལ་གློག་ཀླད་ དུ་བོད་ཡིག་བེད་སྤྱོད་གནང་ན་ཧ་ཅང་སྟབས་བདེ་པོ་མ་ཡིན་པའི་སྣང་བ་སྟེར་བར་མ་ཟད། དུས་རྒྱུན་གྱི་དྲ་རྒྱའི་འཚོ་བའི་ཁྲོད་དུའང་རྒྱ་ཡིག་དང་དབྱིན་ཡིག་སོགས་མི་རིགས་གཞན་གྱི་ཡི་གེ་བེད་སྤྱོད་གནང་བཞིན་ཡོད། ཞོར་ཏུ་བོད་ཡིག་ནི་རིན་ཐང་མེད་པའི་ཡིག་རིགས་ཤིག་ཏུ་འདོད་ནས་བོད་ཡིག་སྦྱངས་འདོད་ཀྱི་འདུན་པའང་རིམ་གྱིས་ཉམས་བཞིན་ཡོད་ལ། དེའི་རྒྱུ་མཚན་ཅི་ཞིག་གི་ཕྱིར་ཏུ་རེད་ཟེར་ན། ད་ལྟ་སྙུག་ཤོག་དང་སྣག་ཚ་བཀོལ་པའི་དུས་རིམ་ལ་རྫོགས་ཤད་བཀོད་དེ།  ལས་ཀ་མང་པོ་ཞིག་བསྒྲུབ་པར་གློག་ཀླད་བེད་སྤྱོད་གཏོང་བཞིན་ཡོད་པས་རེད། དེ་བས་བདག་གིས་བལྟས་ན་གློག་ཀླད་དུ་བོད་ཡིག་གི་ཡིག་གཟུགས་མི་འདྲ་བ་མང་པོ་ཡོད་པ་ནི་མཛེས་རྒྱན་ཞིག་ཏུ་འདོད་ལ། གཏག་ཐབས་མི་འདྲ་བ་སྣ་ཚོགས་མཆིས་པ་དེ་ནི་གནད་དོན་ཞིག་ཏུ་སེམས་ སོ། ། གཉིས་པ། བོད་ཡིག་གཏག་ཐབས་གཅིག་གྱུར་ཡིན་པའི་སྐོར་གྱི་དགེ་མཚན།         བརྒྱ་ལ་བོད་ཡིག་ལའང་གཅིག་གྱུར་དང་ཚད་ལྡན་གྱི་ཡི་གེ་གཏག་ཐབས་ཤིག་མཆིས་པ་ཡིན་ཕྱིན། རང་རེའི་བོད་ཀྱི་ཡི་གེ་འདི་ཉིད་ཀྱང་དར་རྒྱས་ཆེ་བའི་རྒྱལ་ཁབ་གཞན་དང་མི་རིགས་གཞན་གྱི་ཡི་གེ་ནང་བཞིན་ཕྱོགས་གང་ཅིའི་ཐད་དུ་བཀོལ་སྤྱོད་གནང་བདེ་ཞིང་བོད་ཡིག་སྤྱོད་མཁན་གྱི་མི་གྲངས་ཇེ་མང་དང་ཁྱབ་རྒྱ་ཇེ་ཆེ་རུ་འགྲོ་བར་ཕན་པ་མ་ཟད། མཉེན་ཆས་གསར་བཟོ་དང་། དྲ་ལམ་མྱུལ་བ་དང་རྩོམ་སྒྲིག་གནང་བ་སོགས་བོད་ཡིག་གི་ལམ་ནས་བྱ་བ་གང་དང་ཅི་བསྒྲུབ་ཀྱང་བཀོལ་སྤྱོད་ཀྱི་བཀག་རྒྱ་མེད་ལ། ལས་ཕྱོད་ཀྱི་ཚད་མཐོ་ཞིང་། གསར་སློབ་པ་མང་པོ་ཞིག་གི་ཡིད་ཀྱི་དང་པ་འདྲེན་ཐུབ་པར་མ་ཟད།  ལས་ཀའི་དཀའ་རྙོག་ཀྱང་སེལ་ཐུབ་པའི་དགེ་མཚན་མི་དམན་པ་ཡོད། དེ་བས་ང་ཚོས་ཆ་འཕྲིན་གྱི་དུས་རབས་འདིར་བོད་ཡིག་ལ་གཏག་ཐབས་སྣ་ཚོགས་མཆིས་པ་དེ་དག་གཅིག་གྱུར་དང་འཐུས་སྒོ་ཇེ་ཚང་དུ་གཏོང་རྒྱུ་ནི་ཤིན་ཏུ་ནས་ཀྱང་གལ་འགངས་ཆེ་བ་ཞིག་རེད། བདག་གིས་མི་ག་གེ་མོ་ཞིག་དང་ལས་ཁུངས་ག་གེ་མོ་ཞིག སློབ་གྲྭ་ག་གེ་མོ་ཞིག་གི་མཉེན་ཆས་གསར་སྤེལ་གྱི་ཁེ་ཕན་ལ་གནོད་པ་གཏོང་འདོད་པ་མ་ཡིན་པར། རང་ཉིད་ཀྱིས་བོད་ཡིག་རྩོམ་སྒྲིག་གནང་བའི་བརྒྱུད་རིམ་ཁྲོད་ཀྱི་བསམ་ཚུལ་ཐོར་བུ་ཙམ་དང་ཉེ་འཁོར་གྱི་སློབ་གྲོགས་ལ་ལའི་སེམས་ཁམས་ལ་དབྱེ་ཞིབ་བྱས་པའི་མཇུག་འབྲས་ཙམ་ཡི་གེར་བཀོད་དེ་ཆ་འཕྲིན་ལག་རྩལ་དང་བོད་ཡིག་བོད་སྐད་ཀྱི་མདུན་ལྗོངས་ཡངས་པོར་རྔོ་ཙམ་ཐོགས་པའི་རྒྱུ་རུ་བསྔོ་བའོ། ། རྩོམ་ཁུངས། བོད་ཡིག་བརྡ་འཕྲིན་ལག་རྩལ་དྲ་བ།...