གསུམ      ནམ་མཁའི་སྐར་ཚོགས་ས་ལ་ལྷུང་བ་དང་འདྲ་བའི་རྫོང་ནང་དུ་གློག་འོད་ཁྲ་ཆེམ་ཆེམ་བྱེད་ཅིང༌། སྲང་བར་ཐམས་ཅད་ལ་གྲག་འགུལ་མེད་པར་འཇམ་ཐིང་ངེར་འདུག ཤར་ཕྱོགས་རི་བོའི་རྩེ་ནས་སྐྱ་རེངས་དང་པོ་ཡང་འཆར་མི་རན། ...

གཉིས     ཆར་བ་འབབ་རྒྱུན་ཆད་ནས་ཡུན་རིང་སོང༌། སྟོན་མཇུག་གི་གྲང་རླུང་འུར་འུར་དུ་ལྡང་ནས་དགུན་ཁའི་དུས་ཚུགས་ལ་བསུ་མ་བྱེད། གྲང་ཤུར་ཤུར་གྱི་ཁང་ཆུང་ནང་དུ་རྡོ་རྗེ་སྨྱོན་པ་ཆང་འཐུང་རྒྱུ་མ་རག་པར་ཉིན་ཞག་ཁ་ཤས་སོང་བས་བསྡད་ན་སྡོད་མི་ཚུགས། ལངས་ན་ལངས་མི་ཚུགས། ཉིན་མཚན་གཏོང་དཀའ་ཞིང་ཅི་བྱ་འདི་བྱ་མེད་པར་ལུས་འདུག ཁོས་ཟླ་ཕོགས་ལེན་རྒྱུར་ཁུ་བྱུག་གིས་གནམ་ཆུ་སྒུག་པ་ལྟར་བྱེད། དེ་ལྟར་ཉིན་ཤས་སོང་རྗེས་ཁོས་ཟླ་ཕོགས་ལེན་ཐུབ་སོང༌།...

གངས་འཚོ། གཅིག      དཔྱིད་དཔལ་བཞད་པའི་ལྗང་མདོག་གི་ནས་མྱུག་ལྡེམ་ལྡེམ་དུ་གཡོ་བའི་ཞིང་དཀྱིལ་ན་ཡུར་མ་རྒྱག་བཞིན་པའི་བུ་མོ་དེ་གངས་འཚོ་རེད། ཨ་ལྗོངས་སྡེ་པའི་ནང་ན་ལོ་མཉམ་བུ་མོ་ཚོའི་ཁྲོད་དུ། གཟུགས་མཛེས་པ་ལྷ་མོ་དང་འདྲ་བ། སྐད་སྙན་པ་ཁུ་བྱུག་དང་འདྲ་བ་ཞིག་ཡོད་པ་ནི་ཁོ་མོ་གཅིག་པུ་ཡིན་པས་སྡེ་པ་གོང་འོག་ནས་གཉེན་སློང་ཚོས་འཚང་ག་ཤིག་ཤིག་གིས་བཙན་པོས་དཔའ་ངོམ་དང། ཕྱུག་པོས་ནོར་ངོམ་བྱས་ཀྱང༌། ད་ལྟ་ཨ་མགོན་གྱི་ཆུང་མར་བླངས་ཡོད་པ་མ་ཟད། བུ་ཆུང་བཀྲ་ཤིས་སྐྱེས་ནས་ལོ་ངོ་གསུམ་ཏག་ཏག་འགོར་གྱིན་ཡོད།...

དཀར། སྒྲོལ་མའི་ཚོར་བ།            ང་ནི་སྐྱེས་གཟུགས་སད་ཀྱིས་བཅོམ་ཚར་བའི་བོད་པའི་བུ་མོ་གཞོན་ནུ་མ་ཞིག་སྟེ།   ངའི་མིག་ཟུང་གི་མཆི་མ་ས་ལ་ཐོར་ཐེངས་རེར་སྐྱེས་ཕོ་རབ་ཅིག་གི་གཟུགས་རིས་ངའི་ཡ་ཆུང་གངས་དཀར་སེམས་ན་འཕར་ལྡིང་རྒྱག་བཞིན་ཡོད།          འདི་ནི་ངའི་མི་ལོ་གསུམ་གྱི་འཚོ་བའམ་གོམས་གཤིས་ཤིག་ཏུ་གྱུར་སོང༌།  དཀའ་སྡུག་དང་མནར་གཅོད་ཅི་འདྲ་ཞིག་མྱང་ཡང་ངས་ཁོ་ལ་བཅང་བའི་དུང་སེམས་འགྱུར་རྡོ་རྗེའི་ཕ་ལམ་ལྟར་བརྟན།   ཁོ་བ་ད་ནི་གང་ན་ཡོད།  ངའི་སྙིང་ཁོང་གི་ཤེས་རིག་ལགས།   ཁྱོད་ངའི་སཻམས་ལ་དྲན་ཐེངས་རེར།   ཆུང་དུས་ཀྱི་དགོད་སྒྲ་དང༌།  གཞོན་དུས་ཀྱི་བརྩེ་དུང༌།  དུང་ལྟར་དཀར་བའི་ཞལ་རས། གཟི་ལྟར་ཟླུམ་པའི་མིག་ཟུང༌།  ལྷག་པར་དུ་བཅོས་མིན་གྱི་འཛུམ་མདངས་དེ་ངའི་མིག་ལམ་དུ་ཡང་ཡང་འཁོར་ཡོང༌།          ངེད་གཉིས་ཁ་ཁར་བྲལ་བའི་ཉིན་མོར།    ཁྱེད་གར་སོང་ཆ་མེད་དུ་གྱུར་བའི་ཉིན་མོ་དེ་ནས་བཟུང་ད་བར་དུ་འཚོ་བ་ཅི་ཞིག་རོལ་བཞིན་ཡོད།   ཁྱེད་ཀྱི་སེམས་ཁོང་ན་ང་བོརཡོད་དམ་མེད།   ཤེས་རིག་ལགས།   ངས་དྲིས་པའི་དྲི་བ་དེ་རྣམས་ཁྱེད་ཀྱིས་གསན་བྱུང་ངམ།   ཁྱེད་ཀྱི་དོན་དུ་ངས་དཀའ་སྤྱད་གང་མང་ཞིག་མྱོང་དགོས་བྱུང༌།   ལྷག་པར་དུ་ཁྱོད་དང་ཉི་མ་སོགས་ཀྱིས་སྔོན་བྱོན་བོད་ཀྱི་རྒྱལ་བློན་རྣམས་ཀྱི་བཤད་སྲོལ་གཞིར་བཟུང་གིས་རྒྱ་རྒྱ་ཡུལ་ན་སྐྱིད།   བོད་བོད་ཡུལ་ན་སྐྱིད་ཅེས་པའི་ལས་འགུལ་སྤེལ་བའི་ཉིན་མོ་དེར།   ཁྱེད་ཀྱི་རང་ལ་ལས་འགན་ཡོད་པའི་ཡིག་ཆ་བཀྲམ་རྒྱུ་དང༌།   རྒྱལ་དར་སོགས་ཁྱེད་ཀྱིས་སྦས་པ་དེ་ངེད་ཀྱི་ཕ་ཚབ་རྒྱ་རོ་དེས་མཐོང་སོང་བ་དེ་ངས་ཧ་གོ་ནས་དེས་ཁྱོད་འཛིན་བཟུང་དུ་དོགས་ནས་ངས་ཁྱེད་དང་རང་ཉིད་བོད་མི་ཡིན་པའི་འདི་ནི་རང་ཉིད་ཀྱི་ལས་འགན་དང་གཞི་བྱེས་བོད་མིའི་དོན་དུ་རང་སྲོག་བློས་བཏང་ནས་ཁོ་བསད་པ་ཡིན།         ...

དཀར། ཤེས་རིག་གི་འདུ་ཤེས།      མཐོན་མཐིང་གི་མཁའ་དབྱིངས་ནས་རྟ་བདུན་དབང་པོའི་ཟེར་བརྒྱ་བདག་གི་མདུན་ངོས་སུ་ལྷམ་མེར་ཤར།   དེ་དུས་ངའི་ཡིད་ཀྱི་མཚོ་ངོགས་སུ་བཟོད་པར་དཀའ་བའི་ལོ་རྒྱུས་རིང་མོ་དེ་དྲན་དུས།   མིག་ཟུང་གི་འདབ་ལས་མཆི་མ་རྡོག་རེ་འདོན་བཞིན་འདས་པའི་ལོ་རྒྱུས་དེ་མི་འབྲི་ཐབས་མེད་བྱུང་སོང༌།            ཨ་ཤུ་་་་་ཨ་ཤུ་་་་་༌།     སྒྲོལ་མ་དང་ངེད་གཉིས་ཆུང་བྱིས་པའི་དུས་ནས་བཟུང་མཉམ་དུ་ནར་སོན་པའི་རྩེད་གྲོགས་ཤིག་ཡིན་ལ།     མོའི་ཨ་མ་དང་ངའི་མ་ལོ་གཉིས་ཀྱང་ཆུང་དུས་ནས་མཉམ་སྐྱེས་མཉམ་འགྲོགས་ཀྱིས་འཚོ་བ་རོལ་ནས་གཅིག་གིས་གཅིག་ལ་ཁྱེད་ཀྱིས་མི་ཟ་ན་ངས་འཐུང་ཟེར་བའི་གྲོགས་ཀྱི་དྭངས་མ་ཞིག་ཡིན།    ངེད་གཉིས་ཀྱང་ཆུང་དུས་ནས་མཉམ་སྐྱེས་མཉམ་འགྲོགས་ཡིན་པ་བརྗོད་ག་ལ་དགོས། ངེད་གཉིས་ལོ་བདུན་ནས་མཉམ་དུ་མཚོ་སྔོན་སློབ་ཆུང་ལ་སོང༌།     དེ་དུས་སྒྲོལ་མར་མི་གཞན་གྱིས་ཉེས་རྡུང་བཏང་ཚེ་ང་ཁོ་མོའི་རྒྱབ་རྩར་ལང་རྐྱང་བྱས་པ་ཡིན།  ཉིན་ཞིག་ལ་སྒྲོལ་མས།    “ང་ལ་རྡོ་རྗེས་གཅར་རྡུང་བཏང་སོང་” ཞེས་བཤད།         (ཨོྃ་མ་ཎི་པདྨེ་ཧཱུྃ།      བརྩེ་ལྡན་གྱིས་གྲོགས་པོ་རྣམ་པ་ལགས།    དགོངས་པ་མ་ཚོམས།)      འདིར་ངས་མ་ཎི་ཞིག་བཏོན་ཏེ་བཤད་དགོས་དོན་ཁོ་བོ་ང་ཚོ་ལམ་ལ་ཆས་དུས་ལམ་བར་དུ་བལ་ཡུལ་གྱི་དམག་མིས་བསད་པའི་འདས་པོ་ཞིག་ཏུ་གྱུར་སོང་བས་ངས་མིང་ནས་བཟུང་བ་ལ་སྡིག་བཤགས་ཀྱི་ཆེད་དུ་ཡིན།      དགོངས་དག་ཞུ་བ་དང་ཆབས་ཅིག་མུ་མཐུད་འབྲི་རྒྱུ་ཡིན།          སྤྱིར་རྡོ་རྗེ་ནི་སློབ་གྲྭ་དེའི་ནང་ནས་སློབ་སྦྱོང་དང་ཀུན་སྤྱོད་གང་ཐད་ནས་ཡག་ཤོས་ཡིན་པར་མ་ཟད།     སུམ་བཟང་སློབ་མ་ཞིག་ཀྱང་ཡིན། ལྷག་པར་དུ་ངེད་གཉིས་གྲོགས་པོ་བཟང་པོ་ཞིག་ཡིན་མོད།     ངས་ཉིན་དེར་ཅི་ཡིན་འདི་མིན་མེད་པར་ཁོ་མོའི་རྒྱབ་རྩར་ལངས་ཏེ་ཁོ་ལ་ཉེས་རྡུང་ཡག་ཐག་ཆོད་ཅིག་བཏང་བ་ཡིན།     སྤྱིར་བཏང་ང་རང་ལ་མཚོན་ན།     ཡོན་ཏན་ཞིག་ཡོད་པ་ནི།      སློབ་གྲོགས་རྣམས་དང་མཉམ་དུ་རྩེད་མོ་ལ་གཡེང་རྒྱུ་དང་རྒྱལ་འགྲན་བྱེད་རྒྱུ་དེ་ཡིན།          རིམ་བཞིན་ལོ་ཟླ་འདས་ནས་ང་ཚོས་འབྲིང་རིམ་སློབ་གྲྭར་རྒྱུག་སྤྲོད་དགོས་བྱུང༌།    དེ་དུས་ངའི་རྒྱུགས་སྤྲད་ཀྱི་སྐར་འབྲས་ནི་༥༥ ཡིན་ཡང༌།    ...

ཙོང་ཁ་ཚེ་བརྟན་རྒྱལ། སྟོད་ཀྱི་ཆུ་བཞི་འབབ་ས། ཆེ་ན་ཆེ་རབས། སྨད་ཀྱི་ཆུ་བཞི་བཞུར་ས། རིང་ན་རིང་རབས། སྣ་ཚོགས་སྒྲུང་ཞིག་གྲུབ་ནའང་། ངས་བཤད་མི་འདོད། ངས་མགོ་བོ་གང་ལ་བསྙེས། འཁྱག་ནོ་འདར་ནོ། ཅི་ཡང་གང་ཡང་མི་འདུག་སྙམ། ཏག་ཏག་མེག་རྒན་སྲང་ལམ་འདིས། ང་ལ་ཕྱིར་དྲན་ག་ཚོད་སློང་། ཁ་བ་བབས་ན་བསམ། གངས་རི་མཐོ་ན་འདོད། མ་བསམ་པའི་ནམ་དུས་ལ། མིག་ཟུང་གང་སར་ཧད་ཀྱང་། སྟོད་ཀྱི་གཟུགས་ཤིག ཤོར་ན་ཤོར་རབས། སྨད་ཀྱི་བརྙན་ཞིག བོར་ན་བོར་རབས། མང་མང་གི་གཏམ་ལ་བརྒྱུས་བ་ལས། ངས་རང་ཉིད་ལ་ནང་དོན་ཅི་ཙམ་འཇོག ངས་ཡང་བསྐྱར་གོམ་ཁ་ལྷོད། ང་མེག་རྒན་སྲང་ལམ་ན་འདུག སྟོད་ཀྱི་བཙན་རྫོང་། འདར་ཙམ་མིན་ན། ཞིག་རོ་ཞིག སྨད་ཀྱི་མཁར་སྒོ། གཡོ་ཙམ་མིན་ན། ཆག་རོ་ཞིག ངས་ཉན་འདོད་ཀྱང་། ཁྱེད་ཀྱི་ཤར་ཕྱོགས། ང་ཡི་ནུབ་ཕྱོགས། མེག་རྒན་སྲང་ལམ་ནས་འཐོར་བ།...