ཨ དོན་ཉིས་དབྱིན་ཡིག་ནས་བསྒྱུར། ༼ཨ་རི༽         སྒྱུ་རྩལ་གྱི་ཤེས་ཡོན་སློབ་གསོས་མི་བུ་སྒེར་དང་སྤྱི་ཚོགས་ཀྱི་དོན་དུ་ཅི་ཞིག་སྒྲུབ་ཐུབ་བམ། ང་ཚོས་ཅི་ཕྱིར་སྒྱུ་རྩལ་འཁྲིད་སྦྱོང་བྱེད་དགོས་པ་རེད། སྒྱུ་རྩལ་གྱིས་ཅི་ལྟར་བྱས་ནས་ཤེས་ཡོན་གྱི་གནས་ཚད་མི་འདྲ་བ་ཀུན་ནས་སློབ་གསོ་མཐོར་འདེགས་གཏོང་བར་མཐུན་རྐྱེན་སྦྱོར་བ་ཡིན་ནམ། དྲི་གཞི་འདི་དག་ལ་ཕྱོགས་མང་བོ་ནས་ཨ་ལན་ཡག་པོ་གདབ་ཏུ་ཡོད་ཀྱང་།         དེང་གི་མཐོ་རིམ་སྤྱི་ཚོགས་དང་ཚོང་ལས་དཔལ་ཡོན་གྱི་ཁོར་ཡུག་ལ་དཔག་སྟེ་གཞིག་ན། མྱི་སུ་ཡིན་ཡང་སྒྱུ་རྩལ་ཤེས་བྱ་རིག་པའི་བརྡ་དོན་དེ་ཕྱོགས་གསུམ་ནས་རྟོགས་པར་བྱས་ན་ཕན་ཐོགས་ཆེ་བར་སྙམ། • སྒྱུ་རྩལ་གྱི་བརྡ་དོན་ལས་ཀ་ཡིན།          སྒྱུ་རྩལ་གྱི་ནུས་པ་ནི་མིའི་གསར་གཏོད་ཀྱི་བྱང་ཚད་དང་རང་ཉིད་ཀྱི་སྨྲ་བརྗོད། ཕན་ཚུན་འབྲེལ་མཐུད་ཀྱི་བརྡ་རྟགས་བཅས་ཀྱི་ཁྱད་ཆོས་ལས་རིང་དུ་བརྒལ་བ་ཞིག་ཡིན་ནའང་། སྒྱུ་རྩལ་ནི་མ་གཞི་ནས་ལས་ཀ་རིགས་ཤིག་ཡིན། སྒྱུ་རྩལ་གྱི་བྱིས་དུས་ལས་ཀའི་ངལ་རྩོལ་ཁྲོད་ནས་ལག་ཆགས་པ་རེད་ལ་ལས་ཀའི་འབད་འབུངས་ཁྲོད་ནས་ན་ཡང་བགྲེས་པ་རེད་དོ།། སྒྱུ་རྩལ་བརྒྱུད་ནས་སློབ་གཉེར་པ་ཚོར། ལས་ཀ་བྱེད་པའི་དགའ་སྤྲོའི་གོ་རྟོགས་སད་དུ་འཇུག་ཅིང་། རང་གིས་བསྒྲུབ་ན་འདོད་པའི་ལས་ཀ་གང་ཞིག་རང་སྟོབས་ལ་བརྟེན་ནས་མཐའ་འཁྱོངས་སུ་འཇུག་པར་སྐུལ་ལྕགས་གཞུ། མ་ཟད་ལས་ཀ་ཞིག་འགྲུབ་པའི་ཚེ་ན་ཡིད་སེམས་རབ་ཏུ་མགུ་བའི་ཚོར་སྤྲོ་ཡང་དྲག་པར་བྱེད།        ང་ཚོའི་སྤྱི་ཚོགས་ལ་མཚོན་ན། ལས་ཀ་ཡག་པོ་ཞིག་ཇི་ལྟར་བསྒྲུབས་དགོས་པའི་ཐད་ཀྱི་བསམ་བློའི་དཔལ་ཡོན་བསྐྱར་གསོ་བྱེད་པའི་དུས་ལ་ཛ་དྲག་གིས་སླེབས་ཡོད། དཔེར་ན། མི་བུ་སྒེར་གྱི་འདོད་པ་ཚིམ་བྱེད་ཀྱི་ལས་ཀ་སྒྲུབ་སྟངས་ནས། སྤྱི་ཚོགས་ཀྱིས་ངོས་འཛིན་ལེགས་མིན་ཀྱི་ལས་ཀ་སྒྲུབ་སྟངས། དཔལ་འབྱོར་འཕེལ་རྒྱས་སུ་གཏོང་བའི་ཚོང་ལས་སྒྲུབ་སྟངས་སོགས་གང་ལ་མཚོན་ན་ལས་ཀ་ནི་མིའི་རིགས་ཀྱི་ཆེས་བླ་ན་མེད་པའི་སེམས་ཉིད་གསོན་པོ་ཕྱི་ལ་སྟོན་བྱེད་དང་།         སྒྱུ་རྩལ་ནི་ལས་ཀ་གང་ཞིག་ཚད་མཐོ་བའི་སྐས་རིམ་སྟེང་བགྲོད་བྱེད་ཀྱི་གཟི་དཔང་མངོན་པར་ཕྱུང་བྱེད་ཅིག་ཡིན། དེང་སྐབས་འུ་ཅག་གིས་རྒྱུན་དུ་མཐོང་ཞིང་ཐོས་པ་ནི་ཐོན་རྫས་གང་ཞིག་ཐོན་བསྐྱེད་བྱས་པའི་རྒྱུ་སྤུས་བཟང་མིན་དང་། མིས་ལས་ཀ་བྱེད་སྟངས་ཀྱི་འབྲེལ་ལམ་རིག་པ་འདི་གཉིས་ཡིན། དཔེ་མཚོན་དེ་གཉིས་ཀྱིས་འུ་ཅག་སྒྱུ་རྩལ་གྱི་ལམ་གང་ལ་འཇུག་པའི་ལས་རྐང་སོ་སོ་ནས་ནུས་ཤུགས་འདོན་སྤེལ་བྱེད་ཀྱིན་ཡོད།...

འབྲོག་མྱི།         ཨ་རི་དང་རྒྱ་ནག་གི་འགྲོ་བ་མའི་ཐོབ་ཐང་གི་གྲོས་གཞིའི་ཁྲོད་ཁྱད་པར་ཆེ་ཤོས་ནི་ཡོངས་ཁྱབ་སྐྱོན་བརྗོད་རིགས་ངོས་ལེན་བྱེད་འདོད་ཡོད་མེད་ལ་རག་ལས་ཡོད་ཅེས་ཨ་རིའི་གྲོས་ཚོགས་འཐུས་མིས་གསུངས་འདུག         གཟའ་སྔོན་མར། ཨ་རི་དང་རྒྱ་ནག་གཉིས་ཀས་ཡང་ཐེངས་ཤིག་ལ་འགྲོ་བ་མིའི་ཐོབ་ཐང་གི་གནད་དོན་ཐད་ཕན་ཚུན་ལ་ཁ་རྡུང་གཡུལ་འགྱེད་བྱས་འདུག སྤྱི་ཟླ ༤ ཚེས ༡༣ ཉིན། ཨ་རི་ཕྱི་སྲིད་ལྷན་ཁང་གིས ༼༢༠༡༥ལོའི་རྒྱལ་ཁབ་གཞན་དག་གི་འགྲོ་བ་མིའི་ཐོབ་ཐང་སྙན་ཐོ ༽ ཞེས་པ་བཏོན་པ་དང་། ཉིན་གཅིག་གི་རྗེས་སུ། རྒྱ་ནག་རྒྱལ་སྲིད་སྤྱི་ཁྱབ་ལྷན་ཁང་གིས་ཀྱང༼༢༠༡༥ལོའི་ཨ་རིའི་འགྲོ་བ་མིའི་ཐོབ་ཐང་གི་སྙན་ཐོ ༽ཟེར་བ་བཏོན་ནས་ཨ་རིའི་འགྲོ་བ་མིའི་ཐོབ་ཐང་ལ་སྐྱོན་བརྗོད་བྱས་འདུག ཡིན་ན་ཡང་། ཨ་རིའི་གྲོས་ཚོགས་འཐུས་མི་ཞིག་གིས་ཨ་རིའི་རང་གི་ནོར་འཁྲུལ་ལ་གཡོལ་ཐབས་མི་བྱེད་པ་མ་ཟད་མངོན་སུམ་འཛེམ་བག་མེད་པར་ཡོངས་ཁྱབ་རང་བཞིན་གྱི་སྐྱོན་བརྗོད་ལ་ངོས་ལེན་བྱེད་ངེས་ཡིན། འདི་ནི་ཨ་རི་དང་རྒྱ་ནག་གི་འགྲོ་བ་མིའི་ཐོབ་ཐང་གི་གནད་དོན་ལ་གདོང་ལེན་བྱེད་ སྟངས་ཐད་ཀྱི་མ་འདྲ་ས་དེ་ཡིན་ཞེས་བརྗོད་འདུག         ཨ་རིའི་གྲོས་ཚོགས་ཀྱི་དམིགས་བསལ་རྒྱ་ནག་ལས་དོན་ཚོགས་ཚུང་གིས་སྤྱི་ཟླ ༤ ཚེས ༡༤ ཉིན། རྒྱ་ནག་གཞུང་གི་ད་ལྟ་ལག་ལེན་དུ་བསྟར་གྱིན་པའི་སྡུག་སྦྱོང་མནར་གཅོད་ཀྱི་གནད་དོན་ཐད་ཉན་ཞིབ་ཚོགས་འདུ་བསྐོངས་ཡོད་པ་རེད། རྒྱ་ནག་གཞུང་གིས་ཉི་མ་གཅིག་ལ་བཏོན་པའི༼༢༠༡༥ལོའི་ཨ་རིའི་འགྲོ་བ་མིའི་ཐོབ་ཐང་གི་སྙན་ཐོ ༽ དང༼༢༠༡༥ལོའི་ཨ་རིའི་འགྲོ་བ་མིའི་ཐོབ་ཐང་རྡོག་རོལ་བཏང་བའི་དོན་དངོས་ཟིན་ཐོ ༽ཟེར་བའི་ཐད་ཨ་རིའི་གྲོས་ཚོགས་འོག་མའི་དམངས་གཙོ་ཚོགས་པའི་འཐུས་མི་སྐུ་ཞབས་ཊམ ཝོལ་ཙི(Tim...

སྨྱུག་མདའ། ཐུབ་པ་ཆེན་པོས་སྤྱན་ཆབ་ཉི་ལི་ལི།། དེ་ཡི་བཤུལ་ན་ཆགས་པས་བེར་བེར་བྱེད།། ན་བཟའ་སེར་པོ་རྡུལ་དུ་འདྲེས་ལུགས་འདི།། གྲྭ་ཇོས་མེ་ཕུང་བསྐོར་བའི་རོལ་རྩེད་དོ།། བསྟན་པ་དུག་གིས་རྨས་པའི་སྒོ་ཆེན་ན།། ཐུབ་པའི་ཡིག་འབྲི་སུ་ཡི་ཁ་ཕོར་གྱུར།། མགྲིན་པ་རང་ལ་གཏོད་པའི་ཚུར་རོལ་ན།། འདོད་ཡོན་རས་ཀྱིས་བཏུམ་པར་ཞེ་རེ་མུག། ད་ཚོད་ད་ཚོད་བཙུན་མས་ཆགས་མིག་གཡོ།། ཇ་ཕོར་ནང་གི་གྲྭ་བ་བཏུང་སྟེ་ཚར།། ཀླད་པ་ཅུང་ཟད་སྔུན་དུ་འདུར་བ་འང་།། སྲོག་གི་ཞེན་པ་གཟེབ་ཏུ་ག་ལེར་ཚུད།། ལྟད་མོ་ངོམ་སའི་དྲ་ཐག་ཉེ་ཉེ་བས།། ཡིད་ཀྱི་ཕྱི་ནང་འཇགས་སུ་མ་བཅུག་པར།། དགོན་གྲོང་ན་བུན་གཞུང་དུ་ཁྲུས་སུ་རོལ།། ལྷ་ཚོགས་གཉིད་ལ་ཞུགས་པའི་ལོ་ཟླ་རུ།། མེ་ལོང་ནང་དུ་ཁ་དོག་ཡང་ཡང་འཕྲད།། དབང་བོའི་སྒོ་དྲུག་འཕྲུལ་གྱིས་འགུལ་བར་བྱས།། སྙིང་དང་གློག་སྐུད་སྡེབ་པས་ངར་ཤེད་ཀྱང་།། ས་ལམ་སྒོ་མོ་གཅོད་པའི་རྦབ་རྡོ་འོ།། རྣམ་ཤེས་འཇའ་རུ་བཏེག་པའི་ཕྱི་ཉམས་དེ།། གྲྭ་ཤག་མཚན་མོར་འདྲེས་པའི་རས་ཤིག་རེད།། སངས་རྒྱས་མལ་སར་བཞེངས་པའི་ཕ་རོལ་ན།། སྲེད་པ་སེམས་སུ་གབ་པ་དཔར་བྱུང་ངོ་།། དུས་དང་དུས་སུ་ཁྲ་ཁྲའི་གདུགས་འོག་ན།། ན་བཟའ་དམར་པོ་བཟོ་ཚོང་སྟབས་བདེ་ཞིག། ནུབ་གླིང་ལྷ་ཡི་གཤོག་པ་ཆགས་སོང་ངམ།། ཐབས་ཤེས་ཟེར་ནས་ཐ་སྙད་ཆེ་ཙམ་བཟླས།། སང་ཉིད་དེ་ཡང་ཆོས་བཤད་ཐན་ཐུན་གྱིས།། མིད་པ་ངོ་སྐལ་འཇོག་སར་རྙེད་པར་བྱས།། སྐྱེ་འཆིའི་རྩ་དོན་ངག་སྒོ་ཤར་སེ་བསྒྲིགས།། སྤྲིན་པ་ལྟ་བུའི་མདུན་གྱི་བདག་མོ་ཡིས།། ཁྱོད་ལ་ནུ་མ་ཟེར་བའི་མིང་ཡིག་བཀལ།།...

____ཐེའུ་རང་།        དྲྭ་ལམ་དུ་ངག་ཐོག་ཡིག་ཐོག་གང་རུང་ན་བོང་རྫི་ཟེར་བ་འདི་གླེང་མཁན་མང་པོ་འདུག མང་ཕྱོགས་ཀྱིས་བོང་རྫི་ལ་སྡིགས་ཀི་འདུག ཁག་མི་འདུག་སྟེ། བོང་རྫི་ནི་རྒྱུ་མཚན་དང་གནས་ལུགས་ཏིལ་ཙམ་མི་བརྩི་མི་སྲུང་བར་མི་གཞན་ལ་སྡིགས་མཁན་འབའ་ཞིག་རེད། བལྟས་ཚོད་དུ། ཁ་ནང་ལ་འཁོར་ནས་སྡིགས་པ་དང་གླེང་ལོག་པ། བསམ་བཞིན་དུ་དཀྲུགས་པ་ནི་ཁོས་ཆེད་ལས་སམ། ཡང་ན་སུ་ཞིག་གིས་ཁོ་ལ་བསྐོས་པའི་ཆེད་ལས་ཡིན་པ་འདྲ། རང་གི་ཆེད་ལས་ཀྱི་ཆེད་དུ་འབད་པ་ལོས་བྱེད། མ་བྱས་ན་ཆད་པ་གཅོད་མཁན་འདྲའང་ཡོད་ན་ཐང་།         སྔོན་ཆད་ཟིན་བྲིས་སོགས་སུ་བོང་རྫི་ཟེར་བ་གོ་མྱོང་། རྗེས་སུ་དུས་དེབ་ཅིག་ལས་ཁོས་བྲིས་རྩོམ་ཞིག་མཐོང་མྱོང་། དེེར་དོན་གྲུབ་རྒྱལ་དང་ཞོགས་དུང་སོགས་ནི ”རིག་གསར” གྱི་སྣ་འདྲེན་ཡིན་རབས་བྲིས་འདུག དེ་དག་གི་རྩོམ་ཡིག་ནང་ཡོད་པའི་མིང་བརྡ་ཐ་སྙད་སྐོར་ཅིག་ཀྱང་དམིགས་སུ་བཀར་ནས ”རིག་གསར” གྱི ”ཐོན་དངོས” ཡིན་ཞེས་ལབ་འདུག ད་ལྟ་མིང་བརྡ་དེ་དག་རེ་རེ་བཞིན་མི་དྲན་མོད། “གཞོན་ནུ” འདིའང” རིག་གསར” གྱི་ཐོན་དངོས་རེད་ཟེར་འདུག དེས ”རིག་གསར”གྱི་སྣ་འདྲེན་ལ་རང་གྲོལ་དང་ཞོགས་དུང་ལས་གཞན། ད་རུང་དམ་པ་གོང་མ་སྟེ། དང་ཀྱི་བདག་པོ་ཁོང་རྣམ་པའང་ཡོད་པ་བསྟན་འདུག་པ་མིན་ནམ།...

         དེ་ཡང་ཤྭ་བ་ཡུ་མོའི་བརླ་འདྲ་བའི་རི་སྟེང་དུ་བཏབ་པ་འབྲེལ་བ་རྒྱུ་མཚན་དུ་བྱས་ནས་མིང་ཚིག་ཏུ་གྲུབ་སྐད་ཀྱང་ཕྱིས་ཡིག་རྒྱུན་དུ་ཡུམ་བུ་བླ་སྒང་ཞེས་འབྲི་རྒྱུན་དར་རོ།།       ཕོ་བྲང་པོ་ཏ་ལ་ནི།  ལྷ་ས་དམར་པོ་རིའི་སྟེང་དུ་ཆགས་ཤིང་།  ལོ་ངོ་ཆིག་སྟོང་སུམ་བརྒྱ་ལྷག་ཙམ་གྱི་ལོ་རྒྱུས་ལྡན་པ་དང་།  ཕྱི་ལོའི་དུས་རབས་བདུན་པར（ཕྱི་ལོ ༦༣༥ལོར）བོད་རྒྱལ་སྲོང་བཙན་སྒམ་པོས་བཞེངས་འགོ་ཚུགས་པ་ནས་ད་ལྟའི་བར་དུ་ལོ་ངོ ༡༣༠༠ ལྷག་ཙམ་གྱི་ལོ་རྒྱུས་ཡོད།   ཕྱི་ལོ ༡༦༥༢ ལོར་རྒྱལ་མཆོག་ལྔ་པ་ཆེན་པོས་ཕོ་བྲང་དཀར་པོ་གསར་བཞེངས་མཛད་པ་དང་།   ཕྱི་ལོ་ ༡༦༩༠ ལོར་སྡེ་སྲིད་སངས་རྒྱས་རྒྱ་མཚོས་ཕོ་བྲང་དམར་པོ་དང་གསེར་སྡོང་འཛམ་གླིང་རྒྱན་གཅིག་བཞེངས་འགོ་ཚུགས་ནས་ཕྱི་ལོ་ ༡༦༩༣ ལོར་ལས་མཇུག་འགྲིལ།  དེ་རྗེས་རྒྱལ་དབང་སྐུ་ཕྲེང་རིམ་གྱིས་བྱོན་ཉམས་གསོ་དང་རྒྱ་སྐྱེད་རིམ་པ་གནང་བ་སོགས་ད་ཡོད་ཀྱི་གཞི་ཁྱོན་འདི་ལྟར་ཆགས་པ་ཡིན།  འཛུགས་སྐྲུན་དེ་ནི་འཛམ་གླིང་ཐོག་རྒྱ་མཚོའི་ངོས་ལས་ས་བབ་མཐོ་ཤོས་ཡིན་པའི་ཕོ་བྲང་དང་མཁར་རྫོང་།  དགོན་པ་བཅས་ངོ་བོ་གཅིག་ཏུ་འདྲེས་ཤིང་བརྗིད་ཆགས་ཉམས་དགའི་འཛུགས་སྐྲུན་ཞིག་ཡིན། ཕྱི་ལོ  ༡༩༩༣ ལོར་མཉམ་འབྲེལ་རྒྱལ་ཚོགས་ཀྱི་སློབ་གསོ་དང་ཚན་རྩལ་རིག་གནས་སྒྲིག་འཛུགས་ཀྱིས་ “འཛམ་གླིང་རིག་གནས་ཤུལ་བཞག” ནང་ཐོ་འགོད་བྱས་ཡོད་འདུག     ལྷ་སའི་གཙུག་ལག་ཁང་ནི།  ཕྱི་ལོ་ ༦༣༩ ལོར་བཞེངས་པའི་ར་ས་འཕྲུལ་སྣང་གི་གཙུག་ལག་ཁང་ངམ་དགའ་བཞི་འཕྲུལ་གྱི་ལྷ་ཁང་ལ་ད་ལྟ་ཡོངས་གྲགས་སུ་ལྷ་སའི་གཙུག་ལག་ཁང་ཞེས་འབོད། ...

ཆོས་སྐྱོང་རྒྱལ། ༼མཚོ་ལྷོ།༽        རིག་པ་སློབ་པའི་བློ་གསར་རྣམས་ལ་མཚོན་ན། དགེ་བའི་བཤེས་གཉེན་ཞིག་ལ་མཇལ་བ་ལས་གཞན། བསླབ་དེབ་ལེགས་པོ་ཞིག་ལ་ཐུག་རྒྱུ་ནི་ཅི་བས་ཀྱང་གལ་ཆེ་ཞིང་། བསླབ་དེབ་མ་ལེགས་ཚེ་དགེ་རྒན་བཟང་ཡང་ཕན་དཀའ་སྟེ། རྡོ་བརྡར་བའི་གཏམ་དང་། སྦུན་པ་འཕྱར་བའི་དཔེ་བཞིན་སྡུག་རུས་ཅི་ཙམ་བསྐྱེད་ཀྱང་དོན་སྙིང་ཆེན་པོ་མེད།  དེང་གི་སུམ་རྟགས་མི་ཤེས་པའི་སློབ་ཆེན་ཚོ་དང་། བྱ་ཚིག་མིང་ཚིག་གི་སྒྲ་དོན་མ་ནོར་བའི་ཡི་གེ་ཤོག་ལྷེ་གང་ཡང་འབྲི་དཀའ་བའི་ཤེས་ཡོན་པ་ཡིན་ལོ་ཟེར་བ་མང་བོ་བྱུང་བ་འདི་དག་ནི་དེའི་དཔེ་མཚོན་གསོན་པོ་ཞིག་ཅི་ལ་མིན།      ད་རེས་སྐབས་སུ་བབས་པ་ལོ་འགའི་སྔོན་ལ༼མཚོ་ལྷོ་ཁུལ་གྱི་འགན་བབས་སློབ་གསོའི་བོད་ཡིག་ཚོད་ལྟའི་སློབ་དེབ༽ཅེས་པའི་བྱིས་སྐྱོང་ཁང་ནས་མཐོ་འབྲིང་མཐར་ཕྱིན་བར་གྱི་བོད་ཡིག་བསླབ་དེབ་བསྐྲུན་པ་དེ་ནི་བོད་ཀྱི་ལོ་སྟོང་ཕྲག་རིང་གི་སློབ་གསོའི་ཉམས་མྱོང་བསྡུས་ཡོད་པ་དང་། དགེ་བཤེས་དང་མཁས་པ་མང་བོའི་རྣམ་དཔྱོད་དང་བརྩོན་པ་ལས་བྱུང་བ་ཡིན་པས་གཟུར་གནས་བློ་ལྡན་ཀུན་གྱིས་བསྔགས་བརྗོད་དང་ཡི་རང་གནང་བ་ཡང་ཡང་མཐོང་ཞིང་ཐོས་ལ། དེ་ལ་ཡང་ལོ་རེའི་ཉམས་མྱོང་ལས་ལེགས་བཅོས་རྒྱུན་ཆགས་བྱ་དགོས་པའི་འཆར་དོན་དེ་དང་། ཁུལ་དང་ཞིང་ཆེན་གཞན་ནས་ཀྱང་བསླབ་དེབ་འདི་སློབ་རྟེན་ཐུབ་པའི་རེ་འདུན་ཡོད་པ་དངོས་སུ་རིག་དུས།  མཚོ་ལྷོའི་སློབ་གསོ་ལ་རེ་བ་ཟད་མེད་ཅིག་སྐྱེས་ཤིང་། སྙིང་ལ་དགའ་བ་དང་སྤོབས་པ་འགྲན་བཞིན་འཕེལ་ཞིང་འོང་།        ཕྲན་ཡང་བསླབ་དེབ་འདི་དག་ལ་རྒྱུ་མཚན་ལྡན་པའི་དགའ་དུངས་ཡོད་ཕྱིར། རང་གིས་མཐོང་བའི་ཡོན་ཏན་ཅུང་ཟད་བརྗོད་ན། 1.སློབ་མའི་བློ་དང་འཚམ་པའི་ཡོན་ཏན།
 2.གཞུང་ལུགས་ཁ་ཚང་བའི་ཡོན་ཏན། 3.གོ་རིམ་མ་ནོར་བའི་ཡོན་ཏན། 4. འགྱུར་རྩོམ་ཉུང་ལ་ལེགས་པའི་ཡོན་ཏན། 5.མི་རིགས་དང་རྒྱལ་ཁབ་མིག་ལ་བཟུང་བའི་ཡོན་ཏན།(གཙོ་བོ་ལོ་རྒྱུས།) 6.བོད་རིག་པར་རྨང་གཞི་ལེགས་པོ་ཞོག་པའི་ཡོན་ཏན།(བོད་ཡིག་བསླབ་དེབ་ཅིག་ཡིན་ན་ངེས་པར་བོད་རིག་པ་སྙིང་བོར་འཛིན་དགོས།) 7.སློབ་མར་སྤྲོ་བརྩོན་སྐྱེད་པའི་ཡོན་ཏན་སོགས་ལྡན་པར་འདོད་ལ་སྐྱོན་རྩ་བ་ནས་མེད་པ་མི་སྲིད་ལ། ཡོན་ཏན་འདི་ལས་ལྷག་པ་ཞིག་ཡོད་ཀྱང་སྲིད་དོ། །...