ཁ་སྒང་གཡང་འབུམ་ཚེ་རིང་། མི་ལོ་ང་བདུན། བཙན་འཛུལ་གྱི་ཁྲག་དྲོན་གང་སར་འཐོར་ཞིང་། སྒྱོགས་མདེལ་གྱི་ལྡིར་སྒྲས་གནམ་ས་འགེངས། མི་ཚེ་གཉའ་གནོན་གྱིས་བཅིར་བའི་མི་ལོ་ང་བདུན། མི་རིགས་ཤིག་གི་ཉམས་རྒུད་ཀྱི་འཁུན་སྒྲ་ཡིན། རྒྱལ་ཁབ་ཅིག་གི་ལོ་རྒྱུས་ཀྱི་གྱོང་གུད་ཡིན། མི་ལོ་ང་བདུན། ཀླ་ཀློ་དང་ཞིང་བྲན་གྱི་ཐ་སྙད་སྤྱད་ནས། གསར་བརྗེ་དང་བཅིངས་འགྲོལ་གྱི་འབོད་སྒྲ་བསྒྲགས་ནས། ཁ་ཡག་ཚིག་འཇམ་གྱིས་བསླུས་པའི་མི་ལོ་ང་གཉིས། བོད་མི་ཚོ་གཞིས་བྱེས་གཉིས་སུ་གྱེས་པའི་གདུང་བ་ཡིན། བོད་ཡུལ་འདི་དབང་སྒྱུར་དང་བདག་བཟུང་བྱས་པའི་ཕམ་ཉེས་ཡིན། མི་ལོ་ང་བདུན། བཤུ་གཞོག་དང་བཙན་ཤེད་ཀྱི་སྡེར་ཁྱིམ་འོག་ནས། རྡུང་རྡེག་དང་འཐབ་རྩོད་ཀྱི་བྱ་འགུལ་ཁྲོད་ནས། ནག་མེད་ཉེས་འགེལ་གྱི་ཤོག་ཞྭ་གཡོགས་པའི་མི་ལོ་ང་བདུན། བོད་མི་ཚོ་དོན་མེད་ལ་དམར་གསོད་བཏང་བའི་ལོ་ཟླ་ཡིན། བོད་ཡུལ་འདི་ཁྲག་གིས་སྦག་པའི་ཉམ་ང་ཡིན། མི་ལོ་ང་བདུན། ཁྱི་སྤྱང་ངན་འབྲེལ་བྱས་པའི་ལྟས་ངན་ཁྲོད་ནས། རྐུན་ཇག་ཉིན་མོར་རྒྱུགས་པའི་གདུག་རྩུབ་ཆེ་བས། ཁྱིམ་ཚང་རེ་རེའི་བདེ་འཇགས་བོར་བའི་མི་ལོ་ང་བདུན། ཨ་ཕ་སྒོ་ལ་སོང་ནས་ཕྱིར་འོང་མ་ཡོད་པའི་ཆག་སྒོ་ཡིན། ཨ་མས་ཁ་ཆེམས་བཞག་ནས་གཏན་དུ་བཞུད་སོང་བའི་མྱ་ངན་ཡིན། མི་ལོ་ང་བདུན། ནུབ་བརྒྱུད་ཐོན་འབྱེད་ཀྱི་ལས་གཞི་ཁྲོད་ནས། བོད་ཡུལ་འཛུགས་སྐྲུན་གྱི་དྲིལ་བསྒྲགས་འོག་ནས། རང་ས་རང་བདག་གི་ཁེ་དབང་ཤོར་བའི་མི་ལོ་ང་བདུན། རྒྱ་རིགས་བོད་ཡུལ་དུ་འཚང་བའི་ཟིན་ཐོ་ཡིན། བོད་ནོར་རྒྱ་ཡུལ་དུ་སྐྱེལ་བའི་རྗེས་ཤུལ་ཡིན། མི་ལོ་ང་བདུན། ཞིང་འབྲོག་འཚོ་བ་ཡར་རྒྱས་ལ་ཁ་གཡར་ཏེ། རི་ཆུ་ནགས་གསུམ་སྲུང་སྐྱོབ་ལ་ཁག་བཞག་སྟེ།...

སད་མི།         ལོངས་ཤོག ལོངས་ཤོག ལོངས་ཤོག བོད་མི་ཚོ་ལོངས་ཤོག སྙིང་ལ་རུས་པ་ཡོད་ན་ད་ལོངས་ཤོག བཙན་པོའི་གདུང་རྒྱུད་ཡིན་ན་ད་ལོངས་ཤོག གདོང་དམར་བོད་པ་ཡིན་ན་ད་ལོངས་ཤོག ང་ཚོས་བོད་གཏན་ནས་གློད་མི་རུང་། ང་ཚོས་དུས་གཏན་དུ་རྒྱ་ནག་པོར་ཁ་གཏད་དྲག་པོ་གཅག་དགོས།        བོད་རང་བཙན་ཡིན། བོད་རང་བཙན་བསྐྱར་གསོ་བྱ་དགོས། བོད་རྒྱལ་ཁབ་ང་ཚོ་བོད་མིའི་ཡིན། བོད་ཀྱི་བདག་པོ་བོད་མི་ཡིན། བོད་བོད་ཡུལ་ན་སྐྱིད། རྒྱ་རྒྱ་ཡུལ་ན་སྐྱིད། བོད་རྩམ་གཟན་ཡིན། རྒྱ་འབུ་གཟན་རེད། ང་ཚོ་བསྲེས་ཀྱང་འདྲེ་ས་མེད།        མཚམས་འཇོག་དགོས། མཚམས་འཇོག་དགོས། བོད་པ་རྒྱ་མིར་བསྒྱུར་བར་མཚམས་འཇོག་དགོས། མཚམས་འཇོག་དགོས། མཚམས་འཇོག་དགོས། བོད་ཡུལ་རྒྱ་ཡུལ་སྒྱུར་བར་མཚམས་འཇོག་དགོས། མཚམས་འཇོག་དགོས། མཚམས་འཇོག་དགོས། མི་འབོར་སྤོ་བཤུག་བྱེད་པར་མཚམས་འཇོག་དགོས། མཚམས་འཇོག་དགོས། མཚམས་འཇོག་དགོས། བོད་མི་བཙན་གནོན་གཏོང་རྒྱུ་མཚམས་འཇོག་དགོས།...