ཡོངས་གྲགས་སུ་རྫ་དཔལ་སྤྲུལ་རིན་པོ་ཆེ་ཞུ་བ་མཆོག་ནི་རབ་བྱུང་བཅུ་བཞི་པའི་ས་འབྲུག་ ༡༨༠༨ ལོར་ཁམས་བྱང་འབྲོག་དགེ་རྩེ་རྫ་ཆུ་ཁའི་སྡེར་གཏོགས་རྒྱལ་ཐོག་ཅེས་པའི་གདུང་ལས་སྐུ་འཁྲུངས།    རྡོ་གྲུབ་ཆེན་འཇིགས་མེད་འཕྲིན་ལས་འོད་ཟེར་གྱིས་དཔལ་དགེ་བསམ་གཏན་ཕུན་ཚོགས་ཀྱི་སྤྲུལ་སྐུར་ངོས་བཟུང་།   ཨོ་རྒྱན་འཇིགས་མེད་ཆོས་ཀྱི་དབང་པོ་ཞེས་མཚན་གསོལ།སྐུ་ན་ཆུང་ངུའི་དུས་ནས་ཡི་གེ་འབྲི་ཀློག་རྣམས་ཚེགས་མེད་དུ་མཁྱེན།མཁན་ཆེན་ཤེས་རབ་བཟང་པོ་ལས་རབ་ཏུ་བྱུང་།  རྡོ་བླ་འཇིགས་མེད་སྐལ་བཟང་དང་།   རྒྱལ་སྲས་གཞན་ཕན་མཐའ་ཡས་སོགས་ཀྱི་དྲུང་ནས་ངལ་གསོ་སྐོར་གསུམ་དང་།   སྤྱོད་འཇུག་རྩ་རྒྱུད་གསང་བ་རྙིང་པོ་སོགས་མདོ་སྔགས་ཀྱི་གཞུང་མང་པོ་དང་།    རིག་གནས་བཅས་གསན།   ཞེ་ཆེན་དབོན་སྤྲུལ་མཐུ་སྟོབས་རྣམ་རྒྱལ་དང་འཇིགས་མེད་རྒྱལ་བའི་མྱུ་གུ་སོགས་མཁས་མཆོག་དུ་མ་ལས་བཀའ་བསྟན་འགྱུར་རོ་ཅོག་དང་།   རྙིང་མའི་ཀུན་མཁྱེན་ཡབ་སྲས།  ས་པཎ།    རྗེ་ཙོང་ཁ་པ་སོགས་གསར་རྙིང་སྐྱེས་ཆེན་རྣམས་ཀྱི་ལེགས་བཤད་མཐའ་དག་ཀློང་ཆེན་སྙིང་ཐིག་གི་སྔོན་འགྲོའི་ལམ་ཁྲིད།  རྩ་རླུང་དང་རྫོགས་ཆེན་གྱི་ཁྲིད་སོགས་མཐའ་ཡས་པ་གསན་ཞིང་སྒོམ་སྒྲུབ་ལ་གཞོལ་བས་རྟོག་པ་ཚད་མེད་པ་འཁྲུངས།   མཁས་པའི་ཕ་རོལ་དུ་སོན།  དགུང་ལོ་སུམ་ཅུའི་ནང་སློབ་མའི་ཚོགས་ལ་རྒྱུད་གསང་བ་སྙིང་པོའི་ལྗགས་ཁྲིད་རྒྱས་པར་གནང་།   གསེར་ཐར་དང་རྡོ་སྟོད་སྨད་ཀྱི་འདུས་སྡེ་ཡོངས་ལ་ ༼སྤྱོད་འཇུག༽དང་།  ༼མ་ཎི་བཀའ་འབུམ།༽ ༼བདེ་སྨོན༽སོགས་ཀྱི་ཆོས་སྦྱིན་གྲངས་མེད་བསྩལ།   རྐུན་ཇག་གི་རྒྱུན་བཅད།   དམར་སྟོན་གྱི་སྲོལ་བསྣུབས།   རྫ་རྒྱལ་དགོན་གྱི་ཉེ་སྐོར་དུ་ཆོས་འཁོར་གྱི་གདན་ས་མཛད།   རྡོ་འབུམ་ཆེན་མོར་ཁ་གསོའི་ཚུལ་དུ་སྔོན་གྱི་རྡོ་འབུམ་ལས་ཀྱང་རྒྱ་ཆེ་ཞིང་དཔངས་མཐོ་བ་འབྱོན་སྒྲོས་ཤིང་སྤུས་ལེགས་པ་ཞིག་བཞེངས་ཏེ་དཔལ་སྤྲུལ་རྡོ་འབུམ་ཞེས་སུ་གྲགས།  རྗེ་འདི་ཉིད་སྐུ་ཚེ་ཧྲིལ་པོར་གནས་ངེས་མེད་དུ་ཕེབས་ཤིང་ཀུན་སྤངས་བྱ་བཏང་གི་མཛད་པ་སྤེལ་ཐོག  ཐོས་བསམ་སྒོམ་གསུམ་དང་འཆས་རྩོམ་རྩོད་གསུམ་གྱི་རྣམ་ཐར་བསྐྱངས་ཏེ་ཁམས་སྟོད་སྨད་བར་གསུམ་དུ་༼སྤྱོད་འཇུག༽དང་།༼བྱམས་ཆོས།༽ ༼སྡོམ་གསུམ།༽ ༼ཡོན་ཏན་མཛོད་༽  སོགས་ཀྱི་འཆད་ཉན་ས་དར་རྡོ་དར་དུ་གྱུར་པ་དང་།  ལྷག་པར་དུ་༼རྒྱུད་གསང་བ་སྙིང་པོའི་བཤད་རྒྱུན་༽ དང་། ༼ཀློང་ཆེན་སྙིང་ཐིག་གི་རྩ་རླུང་དང་ཁྲིད་༽ སོགས་ཀྱི་ཆོས་རྒྱུན་རྗེ་འདི་ཉིད་ཀྱིས་ཉམས་པ་སོར་ཆུད་ཀྱིས་ཆེས་ཆེར་དར་བར་མཛད།  ...

འོད་དཀར། དཔྱོད་ཤེས་རྒྱང་འབོད་ས་ལ་འཕོས་པས་ཞོགས་དུང་རྒད་པོ་བོད་ཀྱིས་ཤེས། ། སྒལ་ཚིགས་སྲ་མོ་ཁྱེད་ལ་བདོག་པས་མི་བུའི་དཔྱོད་ཤེས་བདག་པོར་གྱུར། ། གླེན་པ་སྐོར་ཞིག་མགོ་བོ་རྨོངས་ནས་ཁྱོད་ལ་ལྟ་ལོག་ལྟས་ངན་བརྗོད། ། བདག་གི་སེམས་ཀྱི་སྐྱ་རེངས་དཀྲོགས་པ་ཞོགས་པའི་དུང་དེ་ཁྱེད་ཉིད་ཡིན། ། མགོ་བོ་རྨོངས་པའི་བོད་པ་ཚང་ལ་དུས་རབས་གསར་བའི་སྙིང་སྟོབས་སྩལ། ། རང་ཚུགས་མེད་པའི་བྱིས་པ་ཚོ་ལ་སྒལ་ཚིགས་སྲ་མོའི་མན་ངག་གནང་། ། ད་དུང་བདག་གིས་མ་འཇོན་ཟེར་བའི་རང་སྐྱོན་ཁས་ལེན་དཔའ་བོའི་ཚུལ། ། ཁྱེད་ཀྱི་གཤིས་ལ་ཤུགས་ཀྱིས་མངོན་པས་དེ་རིང་ཡིད་དབང་འཕྲོག་ནས་ཐལ། ། གནམ་ས་གོ་འབྱེད་མི་ཡུལ་འཕོས་པས་དགྱ་རོའི་མགོ་སྟེང་ལོག་ནས་ཐལ། ། གནམ་ས་གོ་འབྱེད་བོད་ལ་འཕོས་པས་དཔྱོད་ཤེས་རྒད་པོ་གྲགས་ནས་ཐལ། ། གནམ་ས་གོ་འབྱེད་ཕྱི་ལ་འཁྱམས་པས་ཁྲམ་པ་མང་པོ་སྐྲག་ནས་ཐལ། ། གནམ་ས་གོ་འབྱེད་ཁྱེད་ལ་ཕོག་པས་ཁྱིམ་ཚང་གང་པོ་གཏོར་ནས་ཐལ། ། དེ་ལྟར་གནམ་ས་གོ་འབྱེད་དེ་ནི་ཁྱེད་ཀྱི་རུས་པའི་རྐང་ནས་ཐོན། ། བོད་ཀྱི་ངུར་སྨུག་ཞི་རྒོལ་དེ་ཡིས་གནམ་ས་གོ་འབྱེད་བཙུར་ནས་ཐོན། ། བོད་ཀྱི་གསར་རྗེ་ཞི་རྒོལ་དེ་ཡིས་གནམ་ས་གོ་འབྱེད་བཞུར་ནས་ཐོན། ། མདོར་ན་གནམ་ས་གོ་འབྱེད་དེ་ནི་ཆོལ་གསུམ་བོད་མིའི་གཟུངས་ཁྲག་ཡིན། ། རྒྱང་རིང་སྡུག་གི་ས་མཐའ་ཞིག་ནས་གནམ་ས་གོ་འབྱེད་ཞིབ་བལྟས་ནས།...

༄༅།   །དགེ་སློང་གི་འཚོ་བའི་ཡོད་བྱད་ཀྱི་ཆོས་གོས་ཀྱི་ཚད་འདུལ་བ་དང་མཐུན་པར་རི་མོའི་ལམ་ནས་བསྟན་པ་ངུར་སྨྲིག་གི་ཆུན་པོ་ཞེས་བྱ་བ་བཞུགས་སོ།། སེར་ལྷོ་རྒྱལ་བསྟན་མཆོག་གསལ།                 ༄༅།    །ཇི་སྐད་དུ་ཡང་།  འདུལ་བ་མདོ་རྩ་བ་ལས།  མཚོན་གྱིས་མ་དྲས་པའི་གོས་སྤྱད་པར་མི་བྱའོ། དྲས་ཤིང་དྲུབས་པ་ཆོས་གོས་ཉིད་དུ་བྱིན་གྱིས་བརླབ་པར་བྱའོ།  ཞེས་གསུངས་ན།  མཚོན་གྱིས་དྲས་ཤིང་དྲུབས་པ་བྱིན་གྱིས་བརླབ་པར་བྱ་བའི་ཆོས་གོས་དག་ལ་ཚད་ཡོད་དམ་ཞེས་ན།  ཡོད་དེ།    ༼སྣམ་སྦྱར་གྱི་ཚད།༽ སྣམ་སྦྱར་ཆེན་པོ་སྐོར་གསུམ་ལ་སྤངས་སུ་ཁྲུ་གསུམ་དང་ཞིང་དུ་ཁྲུ་ལྔ་རེ་དང་།  ཆུང་ངུ་སྐོར་གསུམ་ལ་སྤངས་སུ་ཁྲུ་གསུམ་དང་ཕྱེད།  ཞིང་དུ་ཁྲུ་བཞི་དང་ཕྱེད་རེ་དགོས་ཤིང་།  དེ་གཉིས་ཀྱི་བར་ནི་འབྲིང་པོ་སྐོར་གསུམ་གྱི་ཚད་   ཡིན་ཏེ།  མདོ་རྩ་བ་ལས།  ཆེན་པོ་དག་ནི་རང་གི་ཁྲུ་གསུམ་དང་ལྔ་དག་གོ།  ཆུང་ངུ་དག་ནི་གཉིས་ཀ་ལས་ཁྲུ་  ཕྱེད་ཕྱེད་དབྲི་བར་བྱའོ།  འབྲིང་རྣམས་ཀྱི་ཚད་ནི་བར་མའོ།  ཞེས་གསུངས་སོ།     ༼སྣམ་ཕྲན་གྱི་གྲངས།༽སྣམ་སྦྱར་ཆུང་ཚད་གསུམ་ལ་རིམ་པ་བཞིན་དུ་སྣམ་ཕྲན་དགུ་དང་།  བཅུ་གཅིག  བཅུ་གསུམ་རེ་དང་།  འབྲིང་ཚད་གསུམ་ལ་རིམ་པ་བཞིན་དུ་སྣམ་ཕྲན་བཅོ་ལྔ།  བཅུ་བདུན།  བཅུ་དགུ་རེ་དང་།  ཆེ་ཚད་གསུམ་ལ་རིམ་པ་བཞིན་དུ་སྣམ་ཕྲན ཉེར་གཅིག། ཉེར་གསུམ།  ཉེར་ལྔ་རེ་དགོས་ཏེ།  མདོ་རྩ་བ་ལས།  དེ་ལྟར་སྣམ་སྦྱར་གྱི་སྣམ་ཕྲན་དག་ནི་དགུ་ཡན་ཆད་ཉི་ཤུ་རྩ་ལྔ་མན་ཆད་དེ།  ཟུང་མ་གཏོགས་སོ།  ཞེས་གསུངས་སོ།      ༼གླེགས་བུའི་གྲངས༽སྣམ་སྦྱར་ཆུང་ཚད་ གསུམ་ལ་གླེགས་བུ་གཉིས་དང་ཕྱེད།  འབྲིང་ཚད་གསུམ་ལ་གླེགས་བུ་གསུམ་དང་ཕྱེད།  ཆེ་ཚད་གསུམ་ལ་གླེགས་བུ་བཞི་དང་ཕྱེད་རེ་དགོས་ཏེ།  མདོ་རྩ་བ་ལས།  དང་པོ་གསུམ་ལ་ནི་དེ་དག་གི་གླེགས་བུ་ཕྱེད་དང་གསུམ་པ་ཉིད་དོ༑  གཉིས་པ་ལ་ནི་གླེགས་བུ་ཕྱེད་དང་བཞི་པ་ཉིད་དོ།  གསུམ་པ་ལ་ནི་གླེགས་བུ་ཕྱེད་དང་ལྔ་པ་ཉིད་དོ།  ཞེས་གསུངས་སོ།   ༼བླ་གོས་སམ་ཆོས་གོས་ཀྱི་ཚད།༽ བླ་གོས་སམ་དེང་སྐབས་ཆོས་གོས་ཞེས་པ་འདིའི་ཚད་སྣམ་སྦྱར་དང་མཚུངས་ལ༼ དེའི་སྣམ་ཕྲན་དང་གླེགས་བུའི་གྲངས།༽ སྣམ་ཕྲན་བདུན་པ་གླེགས་བུ་གཉིས་དང་ཕྱེད་རེ་དགོས་ཏེ།  དགེ་ཚུལ་སློང་གི་བསླབ་བྱ་གནམ་རྩེ་ལྡེང་མ་ལས།  བླ་གོས་ལ་སྣམ་ཕྲན་བདུན་པ་གླེགས་བུ་ཕྱེད་དང་གསུམ་པ་དང་།  ཞེས་གསུངས་སོ།  གོང་ཞུས་ལྟར་སྣམ་སྦྱར་དང་ཆོས་གོས་ཀྱི་ཚད་ཆེ་ཆུང་མང་དག་ཅིག་གསུངས་འདུག་པ་༼གུས་པ་ལྟ་བུ་ལ་མཚོན་ན་རྣམ་སྦྱར་འབྲིང་ཚད་རྣམ་ཕྲན་བཅུ་དགུ་པ།  གླེགས་བུ་གསུམ་དང་ཕྱེད་བྱེད་པ་དང་།  ཆོས་གོས་ཡང་འབྲིང་ཚད་བྱེད་པ་དེ་དག་འཚམ་པོ་འདུག་པ་བཞིན༽ རང་རང་གི་ལུས་ལ་དཔགས་ཏེ་ཚེམ་དགོས་པར་འདུག་ལགས་སོ།  ༼མཐང་གོས་སམ་ཤམ་ཐབས་ཀྱི་ཚད།༽ མཐང་གོས་སམ་དེང་སྐབས་ཤམ་ཐབས་ཞེས་པ་འདིའི་ཚད་ནི་སྤངས་སུ་ཁྲུ་དོ་ཞིང་དུ་ཁྲུ་ལྔའམ་བཞི་གང་རུང་བྱའོ།  ལུས་ཧ་ཀྱང་ཆེ་བས་གོང་གི་ཚད་དག་གིས་མི་འདངས་ན་ རལ་ག་དཔུང་ཆད་ཟེར་བའི་ཁ་གསབ་ཀྱི་གོས་སྲིད་ཞིང་གཉིས་ཀར་ཁྲུ་དོ་རེ་ཡོད་པ་ཞིག་མཐུད་ཆོག་སྟེ།  མདོ་རྩ་བ་ལས།  མཐང་གོས་ནི་དོ་དང་ལྔ་ཡང་ཡིན་ནོ།  དོ་དང་བཞི་ཡང་ཡིན་ནོ།  ཞེས་དང་།  མི་གཡོག་ན་རལ་ག་དཔུང་ཆད་བྱའོ།  ཞེས་གསུངས་སོ།    ༼ དེའི་སྣམ་ཕྲན་དང་གླེགས་བུའི་གྲངས༽ དེ་ལ་སྣམ་ཕྲན་ལྔ་གླེགས་བུ་གཅིག་དང་ཕྱེད་རེ་དགོས་ཏེ།  དགེ་ཚུལ་སློང་གི་བསླབ་བྱ་གནམ་རྩེ་ལྡེང་མ་ལས།  མཐང་གོས་ལ་སྣམ་ཕྲན་ལྔ་པ་གླེགས་བུ་ཕྱེད་དང་གཉིས་པ་བྱའོ།  ཞེས་གསུངས་སོ།       ༼གདིང་བའི་ཚད༽ སྲིད་དུ་ཁྲུ་གསུམ།  ལུས་ཆེ་བ་ལ་དེས་མི་འདངས་ན་ཁྲུ་གཅིག་དང་ཕྱེད་མཐུད་དགོས། ༼མདོར་ན་དགེ་འདུན་གྱི་གནས་མལ་ལམ་གདན་སྐྱོབ་ཐུབ་པའི་ཚད་ལོང་ངེས་དགོས།༽ ཞེང་དུ་ཁྲུ་དོ་དང་སོར་དྲུག་གླེགས་བུ་གཅིག་དང་ཕྱེད་དགོས་ཏེ།  མདོ་རྩ་བ་ལས།  འདིའི་ཚད་ནི་  སྲིད་དུ་ཁྲུ་གསུམ་མོ།  མི་ཆོག་ན་ཁྲུ་ཕྱེད་དོ་མན་ཆད་བསྐྱེད་དོ།  ཞེང་དུ་ཁྲུ་དོ་དང་སོར་དྲུག་གོ།  ཞེས་དང་།  དེ་ལ་གླེགས་བུའི་འཕྲོ་བྱའོ།  ཞེས་གསུངས་སོ།       ༼ཚལ་བུའམ་གྲྭའི་ཚད།༽ ཆེ་ཚད་ལ་ཞིང་དུ་བྱ་རོག་མཐོ་གང་ངམ་རྩ་སོར་བཞི།  ཆུང་ཚད་ལ་རྩ་སོར་གཉིས་སམ་མཐེབ་སོར་གཅིག   དེའི་བར་ནི་འབྲིང་ཚད་ཡིན་པར་འདུལ་བའིསྤྱི་དོན་ལས་གསུངས་སོ།        ༼དེ་དག་འཇལ་བྱེད་ཀྱི་ཁྲུ་ནི༽ སྣམ་སྦྱར་དང་བླ་གོས་མཐང་གོས་སོགས་ཀྱི་ཚད་འཇལ་ བྱེད་ཀྱི་ཁྲུ་ནི།  ལག་ཁྲུ་དང་ལུས་ཁྲུ་མཉམ་ན་ལག་ཁྲུ་དང་།  མི་མཉམ་ན་ལུས་ཁྲུས་འཇལ་དགོས།  དེ་ཡང་ལུས་ཁྲུ་ནི་རང་གི་སྤྱི་གཙུག་ནས་རྐང་མཐིལ་གྱི་བར་ཆ་བདུན་དུ་བཏང་བའི་ཆ་གཉིས་ལ་བྱེད་དགོས་ཏེ།  མདོ་རྩ་བ་ལས། ཁྲུའི་དོན་ནི་ལུས་ཀྱི་ཆ་བདུན་ལས་གཉིས་ཀྱིས་སོ།  ཞེས་གསུངས་སོ།  འཚོ་བའི་ཡོ་བྱད་ཀྱི་གོས་ལྷག་མ་རྣམས་ དེང་སང་མིང་གི་ལྷག་མར་གྱུར་ཟིན་པ་སོར་ཆུད་དཀའ་བས་དེ་དག་གི་ཚད་བྲི་བའི་ངལ་བ་མ་བྱས་སོ།  གོང་དུ་  ཞུས་པའི་ཆོས་གོས་རྣམ་པ་གསུམ་དང་།  གདིང་བའི་ཚད།  སྣམ་ཕྲན་དང་གླེགས་བུའི་གྲངས་སོགས་འདུལ་བ་མདོ་རྩ་བ་དང་།  དགེ་ཚུལ་སློང་གི་བསླབ་བྱ་གནམ་རྩེ་ལྡེང་མ།  ཡིག་ཆ་སོགས་ཀྱི་ཁུངས་དང་བཅས་ཏེ་བྲིས་པའོ།།             ཆོས་གོས་རྣམ་པ་གསུམ་པོ་འདུལ་བ་ནས་གསུངས་པ་བཞིན་རྒྱུ་དང་ཁ་དོག་རུང་བ་རང་རང་གི་ཚད་ལོང་བའི་ཁར་བྱིན་རླབས་དང་ལྡན་པ་ཞིག་བྱུང་ན་སྐལ་བ་རེ་བཟང་སྙམ་པ་སྔ་མོ་ནས་ཡོད་ཐོག   སློབ་གཉེར་བ་འགའ་ཞིག་ནས་ཆོས་གོས་རྣམ་གསུམ་གྱི་ཚད་དང་གསུམ་པོའི་ཁྱད་པར་བྱིན་རླབས་ཡོད་མེད་ལ་དགེ་སྐྱོན་ཇི་ཡོད་ སོགས་ཀྱི་དོགས་འདྲི་ཡང་ཡང་བྱུང་བ་དང་།   ཡང་འགའ་ཞིག་ནི་ཆོས་གོས་གསུམ་པོའི་གླེགས་བུ་དང་སྣམ་ཕྲན་གྱི་གྲངས་ཤེས་རྒྱུ་ལྟ་ཞོག་དེ་དག་གི་མིང་ཡང་མི་ཤེས་པར་འདུག་པ་སོགས་ལ་བརྟེན་ནས་ཆོས་གོས་གསུམ་པོའི་་ཚད༑  དེ་དག་གི་སྣམ་ཕྲན་དང་གླེགས་བུ་གང་ཡིན།  དེ་དག་གི་ཡང་གྲངས་ཚད་སོགས་གཤམ་དུ་རི་མོའི་ལམ་ ནས་སྤྱན་འབུལ་ཞུས་ཡོད་ལགས་ན།  གོང་དུ་ཞུས་པའི་དོགས་འདྲི་བ་དེ་དག་གིས་མཚོན་དོན་གཉེར་ཡོད་ལ་ཇི་ བཞིན་འཚོལ་བའི་ངལ་བ་ཡོད་རིགས་རྣམས་ཀྱིས་ང་ཡིས་བྲིས་པའི་རི་མོའི་ལམ་ནས་ཚེགས་ཆུང་ངུས་ཐུགས་སུ་ ཆུད་པར་འགྱུར་མོད།  འོན་ཀྱང་ཐུགས་སུ་ཆུད་པ་ཙམ་གྱིས་ཆོག་པར་མི་འཛིན་པར་སྔར་ཡོད་ཀྱི་ཆོས་གོས་དག་ལ་རང་རང་གི་ཚད་ལོང་ཡོད་མེད་གཟིགས་རྟོག་གནང་ཏེ།  ༼གུས་པས་བལྟས་ན་ཚད་ལོང་བ་ཞིག་ཤིན་ཏུ་ནས་ཡོད་དཀའ་སྙམ༽ ཚད་ལོང་བར་འདུག་ན་རང་དགར་མི་འཇོག་པར་བྱིན་གྱིས་རློབ་པའི་ཐབས་ལ་བརྩོན།   གར་ཏེ་ཚད་ཇི་བཞིན་ལོང་མེད་ཚེ་རྙིང་པ་འཕྲལ་དུ་བཅོས་པའམ་གསར་ཚེམ་གང་བདེར་བྱས་ཏེ།   སྟོན་པ་བཀའ་དྲིན་ཅན་གྱིས་འུ་ཅག་དགེ་སློང་རྣམས་ལ་གནང་བའི་ཆོས་གོས་རྣམ་པ་གསུམ་པོ་རུང་བ་ཚད་ལོང་བྱིན་རླབས་དང་ལྡན་པ་ཞིག་སླད་ནམ་འཚོའི་བར་དུ་གྱོན་རྒྱུ་བྱུང་ན་དགེ་མཚན་ཤིན་ཏུ་ནས་ཆེ་བར་འདུག་ལགས་ན། དེ་དེ་བཞིན་དུ་མཛད་འཚལ་ལོ། ཞེས་སྙིང་ནས་ཞུ་ཞུ།  །      ༼ གོས་བྱིན་གྱིས་བརླབ་ཚུལ། ༽   ༼ ཆོས་གོས་རྣམ་གསུམ་དངོས་ཀྱི་བྱིན་རླབས་བྱ་ཚུལ་ནི།  བྱིན་གྱིས་བརླབ་པའི་སྤྱོད་ལམ་དང་ཆོ་ག་ལ་སོགས་པ་ནི། རང་ཉིད་ གཅིག་པུ་ལས་མེད་ན།  སྐུ་རྟེན་གྱི་དྲུང་དུ་ཕྱག་གསུམ་བཙལ་ཏེ།  ལྷ་དགོངས་སུ་གསོལ།  ཞེས་བརྗོད་པ་མ་གཏོགས་གཞན་རྣམས་ཡུལ་ཡོད་པ་དང་འདྲའོ།  ཡུལ་ཡོད་ན།  ཡུལ་རྟེན་གཉིས་ཀ་འགྲེང་སྟེ་མཆིལ་ལྷམ་ཕུད།  ཡུལ་ཕྱག་འོས་བསླབ་པ་རྒན་པ་ཡིན་ན་  རྟེན་གྱིས་ཕྱག་བྱས་ནས༽  བསྟན་པ་རིན་པོ་ཆེའི་གསལ་བྱེད་དམ་པར་གྱུར་པ་གནས་བརྟན་འདུལ་བ་འཛིན་པ་གོས་བྱིན་རླབས་ཀྱི་ཆོ་ག་ལ་ཐུགས་གཏད་པར་ཞུ།  ༼ ཞེས་བརྗོད།༽  ཡུལ་གྱིས།  ཆོས་བཞིན་འདུལ་བ་བཞིན་མཛད་ པར་ཞུ།   ཞེས་དང་།   རྟེན་གྱིས།  གནས་བརྟན་དགོངས་སུ་གསོལ།  བདག་དགེ་སློང་མིང་འདི་ཞེས་བགྱི་བའི་  ཆོས་གོས་བགྱིས་ལགས་པ།   རུང་བ་སྤྱད་པར་འོས་པ་འདི་ཆོས་གོས་སྣམ་སྦྱར་དུ་བྱིན་གྱིས་བརླབ་བོ།  ༼ ཞེས་ལན་གསུམ་བརྗོད༽  ཡུལ་གྱིས།  ཐབས་ཡིན་ནོ།  ཞེས་དང་།  རྟེན་གྱིས།  ལེགས་སོ། ༼ཞེས་བརྗོད་དེ།༽  བསྟན་པ་རིན་པོ་ཆེའི་གསལ་བྱེད་དམ་པར་གྱུར་པ་གནས་བརྟན་འདུལ་བ་འཛིན་པ་གོས་བྱིན་རླབས་ཀྱི་ཆོ་ག་ལ་ཐུགས་  གཏད་པར་བཀའ་དྲིན་ཆེ་ལགས་སོ།   ཞེས་དང།  ཡུལ་གྱིས།   ཆོས་བཞིན་འདུལ་བ་བཞིན་མཛད་པར་ངོ་མཚར་ཆེ༑   ཞེས་དང་།   མཇུག་ཏུ་ཡུལ་རྟེན་གཉིས་ཀས།   ཁྲིམས་ཀྱི་ཚུལ་ཁྲིམས་་་་ ཞེས་སོགས་ཐུན་མོང་དུ་བརྗོད་དོ།...

བཅར་འདྲི་བྱེད་མཁན།  འོད་དཀར། དྲི་བ།  དམངས་གཙོའི་ལམ་ནས་བཀའ་ཁྲི་ཐད་ཀར་འདེམས་པའི་ལམ་ལུགས་གཏན་འཁེལ་བྱུང་བ་འདིའི་ཐད་ལ་བསམ་ཚུལ་ཅིག་གསུང་རོགས།...

བཅར་འདྲི་བྱེད་མཁན།  འོད་དཀར། དྲི་བ།  ཁྱེད་ཀྱི་ལོ་རྒྱུས་མདོར་བསྡུས་ཞིག         ལན།   ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་གི་༢༠༠༧ ལོའི་སྐད་བརྡ་དང་རྩོམ་རིག་འཛིན་གྲྭའི་ཞིབ་འཇུག་སློབ་མ་ཡིན། ཕ་ཡུལ།   ཁམས་དཀར་མཛེས་རྫོང་སྟོང་བསྐོར་ནས་ཡིན།པུར་མིང་།   གཡུ་མཚོ།  ཧེ ཧེ  ངོ་སྤྲོད་འདི་ཙམ་བྱས...

 བཅར་འདྲི་བྱེད་མཁན།  འོད་དཀར། དྲི་བ།  སྐུ་ཉིད་ངོ་སྤྲོད་མདོར་བསྡུས་ཤིག་གསུང་རོགས།...