August ༢༡, ༢༠༡༤

བཙན་བྱོལ་གྱི་སློབ་གསོ་ལ་ཟུར་ལྟ་བྱེད་པ།

འོད་དཀར།        འདས་པའི་ལོ་བརྒྱད་ལྷག་ལ་རིག་གཞུང་གྱི་ཚོགས་པ་ཁ་ཤེས་ཀྱི་སློབ་སྟོན་པའི་མིང་རྐམ་རེ་ཁུར་སྐབས་ཀྱི་ཉམས་མྱོང་ལས་འཕྲོས་ནས་བཙན་བྱོལ་གྱི་བོད་ཡིག་སློབ་གསོ་ལ་ཟུར་ལྟ་བྱེད་འདོད་བྱུང་།  སྤྱིར་ན་སློབ་གསོ་ཞེས་པ་ཡིན་གཅིག་ཤེས་ཡོན་པ་ཞིག་གི་རྣམས་དཔྱོད་ཁོ་ན་ལས་ཐོན་དགོས་པར་མཐོང་གི་མེད་ལ། དེ་ཡང་ཤེས་ཡོན་པའི་སློབ་གསོ་བྱ་ཡུལ་གྱི་གང་ཟག་དེ་ཉིད་ཀྱི་བསམ་བློ་དང་མཐུན་པར་སློབ་གསོ་གཏོང་མ་ཐུབ་ཚེ་དེ་ཡང་སློབ་གསོར་འདོད་ཀྱི་མེད།  དེའི་ཕྱིར་ང་ཚོས་བཅོམ་ལྡན་འདས་ལ་གང་ལ་གང་འདོད་དེ་ལ་དེར་སྟོན་པ་ཞེས་པའི་བསྟོད་ཚུལ་དེ་ནི་རྣམས་དཔྱོད་མངའ་བསྒྱུར་བའི་སྐྱེས་མཆོག་ཁོང་ལ་དོན་དངོས་ཀྱི་ཧར་གྱིས་འབབ་བཞིན་པའི་བདེ་དོན་གྱི་སྐད་དོན་ཇི་ལ་མིན། སློབ་གསོ་ནི་བྱིས་པའི་སློབ་གསོ་དང་ན་གཞོན་གྱི་སློབ་གསོ་གཉིས་སུ་འབྱེད་ཆོག་ཀྱང་རྩ་བ་ནི་བྱིས་དུས་ཀྱི་སློབ་གསོ་ཡིན་པ་བརྗོད་ག་ལ་དགོས།  དེའི་ཕྱིར་གང་ཟང་སུ་འདྲ་ཞིག་ལ་མཚོན་ན་ཡང་བྱིས་པའི་སྐབས་ཀྱི་སློབ་གསོ་ནི་སེམས་སུ་ཡལ་མེད་པར་རྟགས་བརྟན་ལ་གནས་སྟེ་བག་ཆགས་གཟེབ་ཁོ་ནར་འཛུལ་ཐུབ་པར་དེང་དུས་ཀྱི་སེམས་ཁམས་སྨྲ་བ་དག་གིས་འདོལ་ཀྱི་ཡོད། དེ་ནི་བདེན་དེ་བྱིས་པའི་སྐབས་སུ་རིག་པ་གསལ་ཞིང་བག་ཆགས་འཇོག་བདེ་བར་ཡོད།  སྤྱིར་ན་མི་རྣམས་ལ་རང་གི་གཤིས་ཆོས་ཀྱི་ངང་རྒྱུད་མི་འདྲ་བ་སྣ་ཚོགས་ཡོད་པའི་དབང་གིས་དགེ་རྒན་གཅིག་གིས་དུས་གཅིག་ལ་བསྐྱངས་པའི་སློབ་བུ་གཉིས་ལ་མཚོན་ན་ཡང་ཕྱོགས་གང་ཐད་ནས་རང་ཉིད་ཀྱི་ནུས་པ་དང་ཞན་ཆ་མ་འདྲ་རེ་རེ་ཡོད་པ་ནི་གང་ཟག་རང་ཉིད་ཀྱི་གཤིས་རྒྱུད་ལ་ཧ་ཅང་རག་ལས་ཡོད་པར་འདོད། དེའི་ཕྱིར་མྱི་ཞིག་ལ་མཚོན་ན་སློབ་གསོ་གཅིག་ཁོ་ནས་བཟང་ཕྱོགས་ལ་བསྒྱུར་ཐུབ་འདོད་པ་ནི་ཁོ་བས་ཁེས་ལེན་དུ་མེད་ཐལ།  འོན་ཀྱང་ས་ཆུ་དྲོལ་གཤེར་འཛོམས་པའི་ཤིང་ལྡོང་ལ་ཡལ་འདབས་རྒྱུས་པར་ཐེ་ཙོམ་མེད་པ་ལྟར་རང་ཉིད་ཀྱི་གཤིས་རྒྱུད་བཟང་ཕྱོགས་ལ་བགོམས་པའི་མི་བུ་ཞིག་ལ་མཚོན་ན་སློབ་གཙོ་ནི་མདུན་བསྐྱོར་ཀྱི་འོད་སྣང་ཡིན་སྐད།  དེའི་ཕྱིར་སློབ་གསོ་གལ་ཆེན་ཡིན་པར་སྨྲར་དགོས་མེད།  འོ་ན་ང་ཚོས་བཙན་བྱོལ་མཚོན་ན་སྐབས་རེ་སློབ་གསོ་གལ་ཆེན་དང་གཙུག་ཆེན་དུ་མཐོང་གི་ཡོད་ན་སྙན་པའི་ཚོར་བ་འདི་ནི་ཁོ་བོས་སེམས་སུ་ཐེང་གཅིག་ཙམ་ག་ལ་ཡིན།  རྒྱལ་ཁབ་ཅིག་རྩོད་ལེན་ལ་མཚོན་ན་སློབ་གསོ་ནི་དམག་སྦྱོང་ཡིན།  དམག་སྦྱོང་འདི་ལས་ང་ཚོས་མ་འོངས་པའི་རྒྱལ་ཁ་ལེན་ཐུབ་པའི་གང་ཟག་གང་མང་རེ་བསྐྱེལ་སེང་བྱེད་པས་སྤོ་པ་དང་སྙིང་སྟོབས་བསྐྱེལ་དགོས། དགྱ་དམར་གྱི་དོན་དངོས་ཀྱི་ལོ་རྒྱུས་ཁུངས་མེད་པར་འཁྱོགས་བརྗོད་ཁོ་ནས་སློབ་གསོའི་ཐབས་ལམ་ལ་བརྟེན་ནས་རང་མི་རིགས་མགོ་སྐོར་ལ་ཚུལ་ཐབས་བྱེད་ཀྱི་ཡོད་པ་ཙམ་མ་སྲད་གང་ཙམ་རེ་ཁོ་ཚོས་ལག་ཆར་འགྱུར་ཟིན་པ་དང་འགྱུར་བཞིན་པ་སོགས་ནི་སློབ་གསོའི་གྲུབ་དོན་ནས་བྱུང་བ་རེད།   ང་ཚོར་ལོ་རྒྱུས་ཀྱི་བདེན་དོན་དང་དེང་འདུར་འཛམ་གླིང་མི་མང་ལ་མངོམས་ཆོག་པའི་རིག་གནས། འཛམ་གླིང་ཀུན་གྱི་ཡུལ་སྨོན་བྱེད་སའི་ཕ་ཡུལ་དང་ཀུན་གྱི་གཙུག་ན་རྒྱལ་མཚན་གྱི་དོགས་ལྟར་མཛེས་པའི་སྐྱེས་བུ་ཁོང་ཡོད་པ་སོགས་ནི་འུ་ཚོས་སློབ་གསོ་ལ་གྲུབ་འབྲུས་ཐོན་པར་ཐེ་ཙོམ་མེད་པའི་མངོན་རྟགས་རེ་རེར་རེད་སྐད།  དེའི་ཕྱིར་ང་ཚོས་སློབ་གསོ་ཞེས་པ་གང་ཞིག་ལ་ངོས་འཛིན་དགོས་པ་དང་ཇི་ལྟར་སློབ་གསོ་གཏོང་ཐབས་དང་གཏོང་ཕྱོགས་ལ་བསམ་གཞིགས་བྱེད་དགོས་པ་ཙམ་མ་ཡིན་པ་ལག་ལེན་པ་འཁེལ་བར་ཅིས་ཀྱང་བྱེད་དགོས། དེ་མིན་དུས་རབས་ཀྱི་འགྲོས་དང་བྲལ་ནས་སྲོལ་རྒྱུན་ཁོ་ནར་ད་དུང་མིག་བཙུམས་ནས་ཡོད་ཚད་དཀོན་མཆོག་གིས་བྱིན་རླབས་ལ་ངོས་འཛིན་བྱེད་པ་དང་།  ཡང་ན་བླ་ཆེན་ཁག་ཅིག་གིས་སླབ་བྱ་དེ་རྨང་གཞི་མེད་པའི་ཀ་ངོ་མི་ཤེས་པའི་བྱིས་པ་ཚོར་འུ་ཚིགས་ནས་སླབ་རྒྱུ་ནི་སློབ་གསོའི་བྱེད་ཐབས་ནམ་ཡང་མིན་པ་ཤེས་དགོས།  བྱིས་པ་ནི་བྱིས་པ་སྟེ་ནམ་ཡང་བྱིས་པའི་ངང་ཚུལ་ལས་འདའ་ཐབས་མེད་པའི་ང་ཚོས་ཇི་ལ་ཁོང་ཚོས་བསམ་བློ་དང་མཐུན་པའི་བོད་ཡིག་ཀྱི་སློབ་གསོ་ཞིག་སྤྲོད་པར་འབད་རྩོན་མི་བྱེད་པ་ཡིན།  འདི་ནི་བཙན་བྱོལ་གྱི་མྱི་ལོ་བཞི་བཅུ་ཆུད་སོས་སུ་བཏང་བའི་ལམ་ཁ་ཞིག་རེད་ལ།  འདི་ནི་བཙན་བྱོལ་གྱི་གཞོན་སྐྱེས་རྣམས་རང་ལ་མི་རིགས་ཀྱི་རིག་གནས་ལ་ཡིག་རྨོང་སུ་བཏང་བའི་རྨངས་གཞི་བཏང་བ་ཀྱང་རེད།   ༢༠༠༩ ལོར་༸གོང་ས་མཆོག་གིས་ངྷ་སྟེང་བོད་ཁྱིམ་སློབ་གྲྭར་སློབ་གསོ་མཐུས་ཤོར་སོང་བའི་བཀའ་སློབ་ཤུགས་ཆེར་རྩོལ་དགོས་བྱུང་པ་ནོར་འཁྲུལ་འདི་དག་ལས་བྱུང་རེད།  སྐབས་དེར་མི་གང་ཙམ་ཞིག་གིས་དེ་ནི་ཟམ་གདུང་རིན་པོ་ཆེའི་ནོར་འཁྲུལ་ཁོ་ན་ཡིན་པར་བརྗོད་པ་ནི་ཁོ་བའི་འདོད་དུ་མེད།  ང་ཚོས་ཇི་ལ་རྨང་གཞིས་སློབ་དེབ་ཁག་ལ་བསྐྱར་ཞིབ་དང་བཟོ་བཅོས་མི་བྱེད་པ་ཡིན།  དཔལ་འབྱོར་གྱི་དཀའ་ངལ་ཡོད་པར་བརྗོད་ནས་མ་འོངས་པའི་རྒྱལ་ཁབ་ཀྱི་རྩོད་ལེན་གྱི་གནད་འགག་པའི་ལམ་ཁ་འདི་ཆུད་ཟོས་སུ་གཏོང་ཕོད་དམ། ང་ཚོས་མི་རིགས་ཀྱི་དེང་རབས་སློབ་གསོ་ལ་དོ་སྣང་བྱེད་དགོས་པ་མ་ཟད་དེ་ཕྱོགས་ཀྱི་ཆེད་མཁས་གདན་འགྲེན་དང་ཁོ་ཚོ་ལས་སླབ་བྱ་ལེན་དགོས། ༢༠༡༠་ཟླ༢ཚེས་༡༢ ཡུ་རོབས་ལ་འགྲོ་སྐབས་མཁའ་ལམ་ནས་བྲིས། ངེད་དྲ་ཚིགས།...
དེ་ལས་མང་པ།

གླིང་རྗེ་གེ་སར་རྒྱལ་པོའི་རྣམ་ཐར་རགས་བསྡུས།

མ་རུང་བདུད་ཀྱིས་རྒོལ་བའི་སྤྲིན་ནག་གིས། ། སྐྱེ་འགྲོའི་བདེ་སྐྱིད་སྣང་བ་འགོག་པ་ལ། ། འཐོར་བྱེད་བསྐལ་བའི་རླུང་ནག་གེ་སར་རྗེ། ། དཔའ་བོའི་སྙིང་སྟོབས་ལྡན་ཁྱོད་རྣམ་པར་རྒྱལ། །          གླིང་གེ་སར་རྒྱལ་པོའི་སྒྲུང་ནི་དམངས་ཁྲོད་དུ་དར་ཁྱབ་ཆེ་ཞིང་བདག་དོན་གཞན་སྐྱོང་གི་དཔའ་བོར་བསྟོད་བསྔགས་བྱེད་པའི་ལྷ་སྒྲུང་སྙན་རྩོམ་རིང་མོ་ཞིག་ཡིན། ལྷ་སྒྲུང་གི་ནང་དུ་མི་དམངས་ཀྱི་དོན་དུ་དགྲ་བཏུལ་བའི་བརྗོད་བྱ་གསལ་ལ། ཡིད་འཕྲོག་པའི་ཉམས་འགྱུར། ངོ་མཚར་བའི་ནང་དོན་བཅས་ཚང་པས་རྒྱ་ཆེའི་མང་ཚོགས་ཀྱིས་དེ་ལ་བལྟ་འདོད་པ་དང༌། ཉན་སྤྲོ་བ། བོད་ཀྱི་རིག་གནས་ནང་རྒྱུན་ཁྱབ་ཅིང་འབྲེལ་ཆགས་པའི་དམངས་ཁྲོད་ཀྱི་རྩོམ་རིག་ ཅིག་ཀྱང་ཡིན། གེ་སར་རྒྱལ་པོ་ནི་སྟེང་ཕྱོགས་ལྷ་ཡི་བུ་ཞིག་གིས་རང་གཅིག་པུ་ལྷ་ཡི་བདེ་སྐྱིད་ ལ་མ་སེམས་པར། འཇིག་རྟེན་མི་ཡུལ་དུ་བདུད་དང་མ་རུང་བ་རྣམས་ཀྱིས་དབང་དུ་བསྒྱུར་ནས་གདུག་པའི་ བྱ་སྤྱོད་རྩུབ་མོས་སྐྱེ་འགྲོ་ཡོངས་ལ་འཚེ་ཞིང་བདེ་བའི་གོ་སྐབས་ཅུང་ཟད་ཀྱང་ མི་སྟེར་ཚེ། མི་དམངས་སྡུག་བསྔལ་ལས་སྐྱོབས་པའི་བཙན་པོ་རྡུང་བའི་ཐོ་བ། ཉམས་ཆུང་སྐྱོང་བའི་ཕ་མ། མི་ཡུལ་གྱི་སྤྱི་དོན་སྒྲུབ་པའི་འགོ་ཁྲིད་དུ་མངགས་པ་རེད། དེ་ལྟར་མི་ཡུལ་དུ་འཁྲུངས་པའི་མི་བུ། དམངས་ཚོགས་ལ་སྙིང་ཉེ་བའི་དམངས་ཀྱི་བུ་ཕྲུག་གེ་སར་ཁོང་འཁྲུངས་ཡུལ་ནི་ཁྲ་མོ་ གླིང་དཀར་སྟོད་ཀྱི་ལྕི་སོའི་ཡག་གི་ཁ་མདོ་ཡིན། དེ་ཡང་གེ་སར་ཟེར་བ་དེ་ལོ་རྒྱུས་ཀྱི་སྒྲུང་གཏམ་ཁོ་ན་ཞིག་མ་ཡིན་ལ་མི་དངོས་ ཡོད་པར་མངོན་ཏེ་འཁྲུངས་པའི་ས་ལྕི་སོའི་ཡག་གི་ཁ་མདོ་ནི་སྡེ་དགེའི་རྫ་ཁོག་ཏུ་ ཡིན་པར་མ་ཟད། ཇོ་རུས་གནམ་འདྲེ་བྱ་ནག་བཏུལ་དུས་བྲག་ཆུང་ཞིག་གི་སྟེང་དུ་བཞུགས་པའི་སྐུ་ རྗེས་སྒོམ་པ་ར་ཙ་ཁོ་རང་འདུག་སའི་བྲག་ཕུག་གི་ནང་དུ་བཙུད་དེ་བཏུལ་རྗེས་ཁྲོ་ ཐུང་སྒྱུ་འཕྲུལ་གྱིས་ནང་དུ་སོང་བས་ཕྱིར་མ་ཐར་ཚེ་ཇོ་རུས་རྫུ་འཕྲུལ་གྱིས་བྲག་ སྒོ་ཅུང་ཟད་ཕྱིར་འཐེན་པའི་རྟགས་བཅས་གསལ་པོ་ཡོད།...
དེ་ལས་མང་པ།

གྲུ་གླ་སྤྲད་པ། ཕ་བོང་སྤོས་པ།

                   ཐེངས་ཤིག་ཨ་ཁུ་སྟོན་པ་ཞོགས་པ་སྔ་པོ་ནས་གཙང་པོའི་ཕ་རོལ་ཏུ་བསྐྱོད་དགོས་པར་བརྟེན། གཙང་པོའི་འགྲམ་དུ་བསྐྱོད་ནས་གྲུ་གཏོང་མཁན་ལ་གྲུ་དེ་གཏོང་རོགས་ལབ་པས། གྲུ་གཏོང་མཁན་དེས་ “ཁྱེད་རང་ལ་གྲུ་གླ་སྤྲོད་རྒྱུ་ཨེ་ཡོད།” ཅེས་དྲིས་པས་ཨ་ཁུ་སྟོན་པས། “ཡོས་ཡོད་” ཅེས་ལབ་པས་གྲུ་པ་དེས་ལམ་སེང་གྲུ་བཏང་བ་དང་། ཆུའི་ཕ་རོལ་ཏུ་སླེབས་ཁར་ཨ་ཁུ་སྟོན་པས་རང་ཉིད་ལ་ཡོད་པའི་ཡོས་དེ་ནས་གྲུ་གཏོང་མཁན་དེར་སྦར་མོ་འགའ་ཤས་སྤྲད། གྲུ་པ་དེས་ཀྱང་ཡོས་རྣམས་བཟས། དེ་ནས་ཨ་ཁུ་སྟོན་པ་གཙང་པོའི་ཕ་རོལ་དུ་སླེབས་ རྗེས་གྲུ་པ་དེས། “ད་གྲུ་གླ་ཁྱེར་ཤོག” ལབ་པས་ཨ་ཁུ་སྟོན་པས། “གྲུ་གླ་གང་འདྲ་ཞིག་ཕུལ་དགོས་རེད་དམ། ད་གིན་དངུལ་ཡོད་མེད་བཀའ་དྲི་གནང་བྱུང་བས་ངས་ཡོས་ཡོད་ཞུས་པ་ལས་དངུལ་ཡོད་ཞུས་མེད། འོན་ཀྱང་ཁྱེད་ཀྱིས་གྲུ་བཏང་བྱུང་བས་ངའི་སེམས་པར་གྲུ་གླ་ཡོས་སྤྲད་ན་འགྲིག་ གི་ཡོད་པ་འདྲ་བསམས་བྱུང་། ཡོས་ནི་ཕུལ་ཟིན་པ་ཡིན། ད་ང་ལ་གང་ཡང་ཕུལ་རྒྱུ་མེད་”ལབ་པར། གྲུ་གཏོང་མཁན་དེ་གང་ཡང་ལམ་རྒྱུ་མ་རག་པོར་ལུས་སོ། ཕ་བོང་སྤོས་པ།                   ཨ་ཁུ་སྟོན་པ་གྲུ་ཁ་དེ་ནས་ཐོན་པ་ནས་སང་ཉིན་ཞོགས་པ་བར་ལྟོ་ཆས་ཟ་རྒྱུ་མ་རག་པར་ལུས་ཏེ་གྲོད་པ་ལྟོགས་བསྡད་ཡོད་པའི་སྐབས་དེར། ཞིང་པ་ཞིག་ཉིན་དགུང་གི་ཁ་ལག་ཟ་བཞིན་ཡོད་པ་མཐོང་། ཁོང་ཚོའི་ཞིང་ཁའི་དཀྱིལ་དེར་རྡོ་ཕ་བོང་ཆེན་པོ་ཞིག་ཡོད་པ་དེར་ཨ་ཁུ་སྟོན་པས་ལྟ་ཙམ་བྱས་ནས། རང་ཉིད་ཤུགས་ཆེན་པོ་ཡོད་ཁུལ་གྱིས། “ཞིང་པ་ཚོ། ཁྱེད་ཚོས་ཕ་བོང་ཆེན་པོ་འདི་ཕྱིར་མ་བཏོན་པ་ཅི་ཡིན། གལ་ཏེ་ཕ་བོང་འདི་ཕྱི་རུ་བཏོན་པ་ཡིན་ན་ཞིང་ཁར་ལོ་ཏོག་སྐྱེ་ཚད་མང་དུ་འགྲོ་བཟོ་འདུག” ཅེས་ལབ་པས། ཞིང་པ་རྒན་པ་ཞིག་ཡར་ ལངས་ཏེ། “ཁོང་ང་ཚོས་ཕ་བོང་འདི་ཕྱི་ལ་སྤོ་དགོས་བསམས་རུང་རྩ་བ་ནས་སྤོ་ཐུབ་ཀྱི་མི་འདུག”...
དེ་ལས་མང་པ།