བཅར་འདྲི་བྱེད་མཁན་འོད་དཀར། ཡི་གེ་བ་གཟུངས་ཕྱུག་སྐྱིད།     དྲི་བ།   དང་པོ་ཁྱེད་ཀྱིས་རྩོམ་རིག་ཟེར་བ་དེ་གང་འདྲ་ཞིག་ལ་ངོས་འཛིན་བྱེད་ཀྱི་ཡོད་དམ།...

འོད་དཀར།           སྤྱིར་ན་རྒྱལ་རབས་ལོ་རྒྱུས་ཤིག་ལ་མཚོན་ན་ཁྱེད་ཕམ་ང་རྒྱལ་གནས་ཚུལ་འདི་རྒྱུན་ལྡན་ཞིག་ཡིན་དུ་སྲིད།  ལོ་རྒྱུས་ཀྱི་འགྲོས་དང་བསྟུན་ནས་ལྗང་མདོག་གི་ཕ་ས་གངས་ཅན་པའི་ལྗོངས་འདི་ལ་སྔོན་གྱི་ཚེ་ཟས སུ་ཤིང་ཏོག་ཟ་ཞིག་གོས་སུ་ལོ་མ་གྱོན་པའི་དུས་ནས་བཟུང་ད་ལྟའི་བར་དུ་འགྲོ་བ་མྱི་ཞིག་ཡིན་པའི་དབང་གིས་བསམ་ཚུལ་དང་ལྟ་ཚུལ་བར་ནས་རྒྱལ་ཕམ་གྱི་འཐབ་འཛིང་གང་མང་ཞིག་བྱུང་དང་འབྱུང་བཞིན་ཡོད་པ་འདི་འཇིག་རྟེན་རྫུན་པའི་གཤིས་ལུགས་སུ་གྲུབ་པར་བརྗོད་ཀྱང་ཆོག་ལ།   འདི་ནི་རྒྱལ་སྲས་བྱང་ཆུབ་སེམས་དཔའ་རྣམས་འཁོར་བར་སྐྱུག་ལོག་པའི་རྒྱུ་མཚན་ཡང་ཡིན་ཐལ། སྟག་གི་མཆེ་བ་ནས་འཛིན་ཕོད་ཞིང་འབྲོང་གི་རྭ་རྩེ་ནས་འཇུས་མྱོང་བའི་བཙན་པོ་རྣམས་ཀྱི་སྐབས་སུ་བོད་རྒྱལ་ཁབ་ཆེན་པོས་ས་ཆེན་དབང་དུ་བསྡུས་ནས་རྒྱ་ལ་དགྲ་རུ་བཟུང་ནས་སྲིད་པའི་ཁྱོན་འདིར་ངར་སྐད་དང་སོ་སྒྲ་དུས་གཅིག་ལ་སྒྲོགས་པའི་སྐབས་སུ་ནག་པོ་དགྱ་ལ་མགོ་སྒུར་ན་ཝ་མོའི་ཞྭ་མོ་གཡོགས་ལ་ཁྱིམ་མི་ཡོངས་ལ་ཐལ་བ་དང་མཆིལ་མ་འཕེན་ཞིང་།   དགྲ་བོ་མགོ་སྐེ་བྲེག་ན་དཔའ་དར་འཐེན་ཞིང་སྟག་དང་གཟིགས་སོགས་ཀྱི་གྱོན་པའི་གཟེངས་བསྟོད་སྟེར།  དེ་ལྟར་ངར་ཤུགས་བསྩལ་བའི་ནུས་སྟོབས་ཀྱིས་གསུམ་གཅིག་དབང་དུ་བསྡུས་པའི་བཙན་དག་གི་གཟི་ཤུགས་དམར་པོ་དགྱ་ཡིས་འགོག་མ་ཐུབ་པར་བདེན་པའི་ལོ་རྒྱུས་དེ་གོ་ལ་ཧྲིལ་བོའི་ཡང་རྩེ་ན་འཕགས་བཞིན་པ་གདོང་དམར་བ་དག་གིས་བརྗེད་ཡོད་མི་སྲིད། ཆུ་ཆེན་གྱེན་དུ་མི་ཟློག་པ་དང་།  མེ་ལྩེ་ཐུར་དུ་འབར་མི་སྲིད་པའི་དཔེ་ལྟར།  བྲེ་སར་འབྲོང་གི་རང་གཤིས་ཁུར་བའི་་བོད་པ་དང་གཡོ་ཅན་ཝ་མོའི་ངང་ཚུལ་འཛིན་པའི་དགྱ་ནག་གཉིས་མཉམ་དུ་གནས་འདོད་པ་ནི་དཔེར་མི་སྲིད་པ་ཞིག་རེད།  འདི་ནི་ལོ་རྒྱུས་བརྒྱ་ཡི་བདེན་གཏམ་དང་རིག་པ་སྟོང་གི་དཔྱོད་ལམ་ན་ལག་མཐིལ་གྱི་སྐྱུ་རུ་ར་ལྟར་གསལ་ལྷང་ངེར་མཐོང་ཐུབ།  མིག་གིས་དམར་རྗེན་རྗེན་མཐོང་བཞིན་དུ་སྦྲུལ་ཚང་དུ་འཛུལ་ནས་མྱི་རབས་རྗེས་མའི་ལས་དབང་དམར་གསོད་གཏོང་བའི་དབང་ཚད་ཅིག་ང་ཚོར་ནམ་ཡང་མེད་ཐལ།  དམར་པོ་གཞུང་གི་རྒྱ་སྟག་གི་མཆེ་གཙིགས་ལྟར་རྣོ་བའི་ཧམ་སེམས་ཀྱིས་བདག་གི་ཤ་དང་རུས་རྒྱུད་གཅིག་པའི་སྤུན་ཟླ་ཚོའི་སྙིང་རྩེ་གཤགས་དུས་འུ་ཚོས་འབོད་སྐད་གསལ་བོ་རེ་འཛམ་གླིང་གི་ཡང་སྟེང་དུ་སྒྲོགས་པ་བདེན་ཀྱང་།   བཅོས་འཛུམ་དང་གཡོ་ཟོལ་ཅན་ཚོ་ཁྱེད་ཅག་གི་མིག་མདུན་དུ་འཁོར་འོང་དུས་ཡོད་ཚད་ཀྱི་ཡོད་ཚད་ལ་བསམ་གཞིགས་གཏོང་མི་ཐུབ་པ་ནི་རྗེ་གུང་ཐང་ཚང་གིས་ སྡུག་གྲོགས་ཡིན་ཞེས་རྭ་ཅན་མི་འབྱུང་ལ། ། སོ་དང་འཛུམ་དཀར་བསྟན་ནས་སླུ་བ་མང། །      ཞེས་པའི་དཔེ་ལྟར་དེང་སྐབས་གདོང་དམར་བའི་ལས་དབང་རྨེག་མེད་དུ་བཟོ་མཁན་ནི་གྲི་དང་མདེའུ་ཁུར་བའི་དགྱ་དམག་མ་ཡིན་པར་བཅོས་འཛུམ་གྱི་སྒོ་ནས་འུ་ཚོར་འཆམ་མཐུན་དང་འདྲ་མཉམ་གྱི་ལམ་ནས་ཞུ་འགུག་བྱེད་པའི་གཡོ་ཅན་དེ་དག་ཡིན་ཐལ། དེའི་ཕྱིར་བོད་པ་ཚོས་རིགས་ཞེན་ཁྲི་ལ་གནས་ལུགས་འབུམ་གྱིས་ཁ་སྐོང་ནས།  རྒྱང་རིང་གི་དམིགས་འདུན་གསར་བའི་འོད་སྣང་བློ་སྤོབས་དང་ངར་ཤུགས་ཀྱིས་འབོད་དགོས།  སྔོན་གྱི་ཚེ་འུ་ཚོའི་མི་ཐོག་གོང་མ་དག་གིས་བསྒྲུབས་ཟིན་པའི་གཟི་འོད་དེ་ང་ཚོའི་མི་ཐོག་འདིས་རྨེག་མེད་བཏང་ཚེ་ང་ཚོ་ནི་ལོ་རྒྱུས་ཀྱི་དགྲ་བོ་རེད་ལ།  བདེན་དོན་གྱི་གཤེད་མ་ཡང་རེད།   དེ་བས་ང་ཚོར་མི་རབས་སྔོན་མའི་བླ་མི་བཙོང་རྒྱུ་དང་མི་རབས་ཕྱི་མའི་མྱིག་མི་རྫོད་རྒྱུའི་འགན་དབང་ཡོད་ལ།  འགན་དབང་དེ་བསྒྲུབ་པའི་ནུས་ཤུགས་ཀྱང་ཡོད་ཐལ།  དེ་བས་རང་བཙན་ནི་ཡབ་མེས་དག་གི་ཤུལ་བཞགས་ན་གནས་པའི་སྙིང་གསོན་པོ་རེད་ལ།  རང་བཙན་ནི་མེས་པོ་ཚོས་ང་ཚོར་གནང་བའི་ལེགས་སྐྱེས་ཀྱང་ཅི་ལ་མིན།  ཡབ་མེས་ཀྱི་ཤུལ་བཞག་སྐྱོངས་མ་ཐུབ་ཚེ་འུ་ཚོ་གསོན་ན་དོན་སྙིང་ཅི་ཞིག་ཡོད།  ཡབ་མེས་ཚོའི་ཚེ་སྲོག་གིས་བཞེངས་པའི་བོད་རྒྱལ་ཁབ་དེ་ནི་ང་ཚོའི་འོད་སྟོང་འབར་བའི་སང་ཉིན་བསུ་བའི་འབོད་སྒྲ་རེད་ལ།  འུ་ཅག་ལ་ཡོད་ཚད་ཀྱི་ཡོད་ཚད་ཐོབ་སྲིད་པའི་སྐལ་བཟང་གི་མདུན་ལམ་ཡང་ཡིན་ཐལ།  མངོར་ན་ཁྲག་དམར་གྱིས་ཆུ་བོའི་ཁ་དོག་བསྒྱུར་ཀྱང་རོ་རུས་རི་རབ་ལྟར་སྤུངས་པའི་ལོ་ཟླ་དེའི་དངོས་ཡོད་བརྒྱུད་རིམ་དེ་ཡང་ང་ཚོའི་ལེན་མ་ཐུབ་པའི་རྒྱལ་ཁབ་འདིའི་ཆེད་རེད་ལ། ...

མཚོ་སྔོན་ཞིང་ཆེན་བོད་རྒྱ་སྐད་གཉིས་དུས་ཡུན་འབྲིང་རིང་གི་བཅོས་བསྒྱུར་གནད་དོན་ཐད་ཀྱི་བསམ་འཆར། བསྒྱུར་མཁན་འབྲོག་མྱི། མཚོ་སྔོན་ཞིང་ཆེན་སློབ་གསོ་ཐེན། བཅིངས་འགྲོལ་གྱི་རྗེས་སུ། ནང་སྒོས་སུ་བཅོས་བསྒྱུར་སྒོ་འབྱེད་བྱས་པ་ནས་བཟུང་། མཚོ་སྔོན་ཞིང་ཆེན་གྱི་མི་རིགས་སློབ་གསོའི་འཕེལ་རྒྱས་ཀྱི་གོམ་སྟབས་མགྱོགས་ཤིང་མྱུར་ལ་གསོན་ཤུགས་ལྡན། སྐད་གཉིས་སློབ་གསོའི་མ་ལག་གི་འཐུས་སྒོ་ཇེ་ཚང་དང་བསྟུན་ནས་གཡུར་དུ་ཟ་བའི་གྲུབ་འབྲས་ཐོབ་ཡོད་ལ། རྒྱལ་སྤྱིའི་སྟེང་ཉིན་རེ་ཞག་རེ་ལྟར་ཤུགས་རྐྱེན་ཇེ་ཆེ་ནས་ཇེ་ཆེར་འགྲོ་མུས་སུ་ཡིན།  བོད་རིགས་རང་སྐྱོང་ཁུལ་དག་གིས་ནན་ནན་ཏན་ཏན་གྱིས་བརྟན་བརླིང་དང་ཚན་རིག་དང་མཐུན་ཞིང་། གཟབ་ནན་གྱིས་རྨང་གཞིའི་སློབ་གསོ་རིམ་པའི་སྐད་གཉིས་སློབ་གསོར་བསྐུལ་འདེད་བྱས་ཡོད་པས་སློབ་གསོའི་ཁྱབ་གདལ་གྱི་ཚད་རིམ་མཐོ་རུ་ཕྱིན་ཏེ་གཞོན་སྐྱེས་ཁྲོད 96%ཡིག་རྨོངས་ལས་ཐར་ཡོད། དེ་བས་ཀྱང་རྨ་ལྷོ་དང་མཚོ་ལྷོ་ཁུལ་གཉིས་ཀྱིས་གང་ཅིའི་ཐད་ནས་བོད་སྐད་དང་རྒྱ་སྐད་གཉིས་མཉམ་སྤྱོད་དང་ཁྱབ་སྤེལ་བཏང་བ་བརྒྱུད་དེ་བོད་སྐད་ནི་སློབ་ཚན་མང་ཆེ་བའི་སློབ་ཁྲིད་ཀྱི་ལག་ཆ་བྱས་ཡོད། དེའི་དབང་གིས་རང་ཡུལ་གྱི་ཤེས་འཇོན་གཉིས་འཛོམས་ཀྱི་མི་སྣའི་གྲངས་འབོར་དང་། མཐོ་རིམ་ཤེས་འཇོན་གཉིས་འཛོམས་ཀྱི་མི་སྣའི་གྲངས་འབོར་ཞིང་ཆེན་ཡོངས་ཀྱི་གྲལ་འགོར་སླེབས་ཡོད། སྐད་གཉིས་དང་སྐད་མང་ཅན་གྱི་མི་སྣ་ནི་མཚོ་སྔོན་བོད་ཁུལ་གྱི་རང་ས་ལས་བརྒལ་བའི་འཕེལ་རྒྱས་དང་ཡུན་རིང་བརྟན་གནས་གྱི་སྟོབས་ཤུགས་མ་རྐང་ཡིན་པར་མ་ཟད། ད་དུང་འཛམ་གླིང་གྲུ་ཟུར་ཀུན་ཏུ་ཁྱབ་ཡོད་པས་ཁུལ་དེ་དག་ནི་བོད་ཁུལ་གྱི་སྐད་གཉིས་སློབ་གསོའི་གྲུབ་འབྲས་འབུར་དུ་ཐོན་པའི་ས་ཁུལ་དུ་གྱུར་ཡོད་ལ་སློབ་གསོ་དང་སྐད་རིགས་ཀྱི་ཕྱོགས་སུ་མང་ཚོགས་ཀྱི་བསམ་འཆར་ཆེས་ཉུང་བའི་ས་ཁུལ་དག་ཀྱང་ཡིན།༼ལྟོས་ས་བལྟོས་འཇོག་གིས་མཚོ་ཤར་དང་ཟི་ལིང་གྲོང་ཁྱེར་ཀྱི་ཁོངས་གཏོགས་བོད་རིགས་ཚོ་སྡེ་ཁག་དང་། མཚོ་བྱང་། ཡུལ་ཤུལ་སོགས་ས་ཁུལ་དུ་བསམ་འཆར་ཅུང་མང་།༽ རང་སྐྱོང་ཁུལ་དྲུག་དང་ཞིང་ཆེན་ཐད་གཏོགས་ལས་ཁུངས་ཀྱི་འཛིན་སྐྱོང་གཞུང་ཞབས་པ་དང་སློབ་གསོའི་ལས་ཀ་བ་ཞིག་གི་ཆ་ནས། ང་ཚོས་སྐད་གཉིས་སློབ་གསོའི་སྣེ་ཁྲིད་འོག་སློབ་གྲྭའི་སློབ་གསོ་དེ་ཐིག་རྩ་བཏབ་པ་ནས་ལམ་ལ་ཆས་པ་ཞིག་ཡིན་པས།  དུས་དེ་རིང་ལ་ཐུག་པའི་བར་དུ་དགའ་འོས་པའི་གོམ་པ་གང་མདུན་དུ་སྤོས་པ་ལྟ་བུའི་གྲུབ་འབྲས་བླངས་ཡོད་པར་ངོས་འཛིན་བྱེད་ཀྱིན་ཡོད། ཉེ་བའི་ཆར། སློབ་གསོ་ཐེན་གྱིས་རྩ་འཛུགས་འོག་ཞིང་ཆེན་རིམ་པའི་སློབ་གསོའི་ཚོགས་འདུ་བསྐོངས་ནས༼༢༠༡༠-༢༠༢༠ལོའི་མཚོ་སྔོན་ཞིང་ཆེན་གྱི་དུས་ཡུན་འབྲིང་རིང་གི་སློབ་གསོའི་བཅོས་བསྒྱུར་དང་འཕེལ་རྒྱས་འཆར་འགོད་རྩ་གནད༽ (གཤམ་དུ༼མཚོ་སྔོན་རྩ་གནད༽ཅེས་བསྡུས་ཡོད།)ཞེས་པ་གཏན་ལ་ཕབ་ཡོད་པར་མ་ཟད་ཡིན་གཅིག་མིན་གཉིས་སྒོར་མོ་ཐེར་འབུམ་བདུན་དང་དུང་ཕྱུར་དྲུག་འཚོལ་བསྡུ་ཡིས་འབྱུང་འགྱུར་གྱི་ལོ ༣རིང་གི་དུས་ཡུན་ནང་སློབ་གསོའི་འཕེལ་རྒྱས་ལས་དོན་ལ་ཤུགས་བསྣོན་རྒྱག་རྒྱུ་དང་། ལྷག་པར་དུ་སྐད་གཉིས་སློབ་གསོའི་ལས་དོན་ཐད་འཕེལ་རྒྱས་གསར་བ་ཞིག་སྙེག་རྒྱུར་དམ་བཅའ་གཙང་འབུལ་བྱས་ཡོད་ཅིང་། དེའི་ནང་སྐད་གཉིས་དགེ་རྒན་བསྐྱེད་བསྲིངས་དང་། ས་ཁུལ་གྱི་སློབ་གསོའི་ཆ་རྐྱེན་ཇེ་ལེགས་སུ་གཏོང་བ། བོད་ཁུལ་སློབ་ཁྲིད་ཀྱི་ཆུ་ཚད་མཐོར་འདེགས་སོགས་འདུས་ཡོད་པས་། ང་ཚོ་དགའ་བས་ཁེངས་ཡོད། ཡིན་ནའང་། ༼མཚོ་སྔོན་རྩ་གནད༽དེ་བོད་རྒྱ་སྐད་ཡིག་གི་གཙོ་ཕལ་དང་། སློབ་ཁྲིད་སྐབས་སྐད་རིགས་གང་བཀོལ་རྒྱུའི་གཅིག་གྱུར་གྱི་བཅོས་བསྒྱུར་སོགས་གནད་དོན་གལ་འགེངས་ཅན་སྐོར་ཞིག་དང་རག་ལས་ཡོད་པར་མ་ཟད། དེའི་ཁར་སློབ་གསོ་འཛིན་སྐྱོང་ལས་ཁུངས་དང་ས་གནས་ཁ་ཤས་ནས་བློ་ཐག་ཆོད་པོ་དང་མྱུར་བ་མྱུར་མོར་བཙན་ཤེད་ཀྱིས་ལག་བསྟར་བྱ་རྒྱུར་བྲེལ་འཚུབ་ལངས་ཀྱིན་པས།...

སློབ་དཔོན་ཟླ་བ་གྲགས་པས་མཛད།                     ༄༅། །རྒྱ་གར་སྐད་དུ། མ་དྷྱཱ་མ་ཀ་ཨ་བ་ཏཱ་ར་ནཱ་མ། བོད་སྐད་དུ། དབུ་མ་ལ་འཇུག་པ་ཞེས་བྱ་བ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།  །ཉན་ཐོས་སངས་རྒྱས་འབྲིང་རྣམས་ཐུབ་དབང་སྐྱེས། །སངས་རྒྱས་བྱང་ཆུབ་སེམས་དཔའ་ལས་འཁྲུངས་ཤིང༌། །སྙིང་རྗེའི་སེམས་དང་གཉིས་སུ་མེད་བློ་དང༌། །བྱང་ཆུབ་སེམས་ནི་རྒྱས་སྲས་རྣམས་ཀྱི་རྒྱུ། །གང་ཕྱིར་བརྩེ་ཉིད་རྒྱལ་བའི་ལོ་ཏོག་ཕུན་ཚོགས་འདིའི། །ས་བོན་དང་ནི་སྤེལ་ལ་ཆུ་འདྲ་ཡུན་རིང་དུ། །ལོངས་སྤྱོད་གནས་ལ་སྨིན་པ་ལྟ་བུར་འདོད་གྱུར་པ། །དེ་ཕྱིར་བདག་གིས་ཐོག་མར་སྙིང་རྗེ་བསྟོད་པར་བགྱི། །དང་པོར་ང་ཞེས་བདག་ལ་ཞེན་གྱུར་ཅིང༌། །བདག་གིས་འདི་ཞེས་དངོས་ལ་ཆགས་བསྐྱེད་པ། །ཟོ་ཆུན་འཕྱན་ལྟར་རང་དབང་མེད་པ་ཡི། །འགྲོ་ལ་སྙིང་རྗེར་གྱུར་གང་དེ་ལ་འདུད། །འགྲོ་བ་གཡོ་བའི་ཆུ་ཡི་ནང་གི་ཟླ་བ་ལྟར།  །གཡོ་དང་རང་བཞིན་ཉིད་ཀྱིས་སྟོང་པར་མཐོང་བ་ཡི། །རྒྱལ་བའི་སྲས་པོ་འདི་ཡི་སེམས་གང་འགྲོ་བ་རྣམས། །རྣམ་པར་གྲོལ་ བར་བྱ་ཕྱིར་སྙིང་རྗེའི་དབང་གྱུར་ཅིང༌། །ཀུན་ཏུ་བཟང་པོའི་སྨིན་པས་རབ་བསྔོས་དགའ་བ་ལ། །རབ་ཏུ་གནས་པ་དེ་ནི་དང་པོ་ཞེས་བྱའོ།  །དེ་ནས་བཟུང་སྟེ་དེ་ནི་ཐོབ་པར་གྱུར་པ་ཡིས། །བྱང་ཆུབ་སེམས་དཔའ་ཞེས་བྱའི་སྒྲ་ཉིད་ཀྱིས་བསྙད་དོ། །འདི་ནི་དེ་...

༧ གོང་ས་མཆོག། མ་འོངས་པའི་གནས་ཚུལ་འདི་རང་བཞིན་བརྗོད་བདེར་གྱུར་པ་ཞིག་མ་ཡིན་ཡང་།  མ་འོངས་པའི་དོན་དུ་གྲ་སྒྲིག་བྱེད་རྒྱུ་ནི་འགྲོ་བ་མིར་གྱུར་ཀུན་གྱི་ལས་འགན་ ཡིན། ང་ཚོའི་བསྒྲུབ་བྱ་ནི་བདེན་པ་ཡིན་པས་དེ་ལ་རང་བཞིན་གྱི་ནུས་པ་ཞིག་ཡོད་པ་དང་། བསླུ་མེད་མཆོག་གསུམ་གྱི་ཐུགས་རྗེ་དུས་ལས་ཡོལ་བ་མེད་པའི་བྱིན་མཐུ་ལས་རང་ཅག་རྣམས་དུས་རྟག་དུ་འདི་མུར་སྡོད་མ་དགོས་པའི་འགྱུར་བ་ཞིག་ཡོང་རྒྱུ་ཐེ་ཚོམ་ མེད། འདས་པའི་དུས་རབས་ལ་ཕྱི་མིག་གཅིག་བལྟས་ན་བསྒྱུར་བཅོས་དེ་ཙམ་མ་ཕྱིན་པའི་བོད་ཀྱི་སྤྱི་ཚོགས་དང་སྲིད་དོན་གྱི་ལམ་ལུགས་ལ་སྐྱོན་ཆ་ཡོད་ལ།  ལེགས་པའི་ཆ་ཡང་མང་པོ་ཡོད།  མ་འོངས་པའི་བོད་ཀྱི་མདུན་ལམ་གསལ་པོ་སྟོན་ཆེད་ང་ཚོས་བཙན་བྱོལ་སྤྱི་ཚོགས་ལ་སྤྱི་སྲོལ་དང་མཐུན་པའི་བཅའ་ཁྲིམས་གཏན་འབེབས་བྱས་པ་དང་། བཅའ་ཁྲིམས་ནང་སེར་སྐྱ་དང་། ཕོ་མོ། སྐད་ཡིག ཆོས་ལུགས།  སྤྱི་ཚོགས་ཀྱི་འབྱུང་ཁུངས། རིགས་རྒྱུད། དབུལ་ཕྱུག  དབུས་མཐའ་སོགས་གནས་སྟངས་གང་ཅི་དབྱེ་བ་མེད་པར་མི་ཚང་མ་འདྲ་མཉམ་ཡིན་པ་དང་། མི་སོ་སོའི་བསམ་བློ་དང་རྣམ་དཔྱོད། ཆོས་ལུགས། ལུས་སྲོག འོས་བསྡུ། སྨྲ་བརྗོད་བཅས་ཀྱི་རང་དབང་ཐོབ་ཐང་རྣམས་ཀྱང་གསལ་པོར་འཁོད་ཡོད་པ་དང་། མི་མང་ནས་རང་དབང་དང་། འདོད་མོས་ཀྱི་ཐབས་ཤེས་སྤྱད་དེ་སྤྱི་ཚོགས་ཡར་རྒྱས་གོང་འཕེལ་འགྲོ་བའི་མང་གཙོའི་མདུན་ལམ་ཡངས་ཤིང་རྒྱ་ཆེ་བ་ཞིག་གསར་གཏོད་གཏན་འབེབས་བྱས་ཡོད། མང་གཙོའི་ལམ་སྲོལ་ནི་དེང་གི་དུས་དང་མཐུན་པ་མ་ཟད། ནང་པ་སངས་རྒྱས་པའི་ཆོས་ལུགས་ཀྱི་ལྟ་བ་དང་ཡང་མཐུན་གྱི་ཡོད། འཛམ་གླིང་འདིའི་ཐོག་ལམ་ལུགས་མི་འདྲ་བ་མང་པོ་ཡོད་པའི་ནང་སྐྱོན་ཆ་རྩ་བ་ནས་མེད་པའི་ལམ་ལུགས་ཤིག་མེད། ཡིན་ཡང་། བབས་ལྷིང་བརྟན་གསུམ་དང་། མང་ཚོགས་ཀྱི་ཐེ་བྱུས་བྱེད་ཆོག་པ་བཅས་ཀྱི་ཐོག་ནས་ཐབས་ལམ་བཟང་ཤོས་དེ་མང་གཙོའི་ལམ་སྲོལ་ཡིན་པ་རེད། མ་འོངས་པའི་བོད་གསར་པ་དེ་མང་གཙོ་མཚན་ཉིད་ཚང་བ་ཞིག་ཡོང་བའི་དམིགས་ཡུལ་བཟུང་ སྟེ་ང་ཚོས་བཙན་བྱོལ་དུ་སྡོད་རིང་མང་གཙོའི་ལམ་ལུགས་སྒོ་གང་ས་ནས་ལག་ལེན་བསྟར་ཏེ་ཉམས་མྱོང་བསགས་པ་དང་གསོག་བཞིན་ཡོད།...

མཁས་དབང་དགེ་འདུན་ཆོས་འཕེལ། སྲིད་པའི་འབྱོར་བ་ལ་ཁའི་ན་བུན། །འདུས་པའི་གཉེན་གྲོགས་ཚོང་འདུས་མགྲོན་པོ། །མ་ངེས་སྐྱིད་སྡུག་མདང་གི་རྨི་ལམ། །  བསམ་ཞིང་བསམ་ན་སྙིང་པོ་མི་འདུག ། རྒྱུས་མེད་གཤིན་རྗེ་ཕོ་ཉས་ཁྲིད་ནས། །ཕྱི་མའི་འཕྲང་རིང་འགྲིམ་པའི་གྲོགས་ལ། །སྐྱབས་ཀྱི་དམ་པ་རྩ་གསུམ་ལྷ་ཡིས། །ཐུགས་རྗེའི་སྤྱན་གྱིས་སྐྱེལ་མ་མཛོད་ཅིག ། སྐྱེས་ནས་འཆི་བ་འཁོར་བའི་ཆོས་ཉིད། །བསྒྱུར་དུ་མེད་པ་སྒྱུ་མའི་རང་མདངས། །  མི་བཟློག་གཤིན་རྗེ་རྒྱལ་པོའི་བཀའ་ཡིག །  ཉམ་ཆུང་གྲོགས་ཀྱི་སྟེང་དུ་སླེབས་སོང་། །   སྔོན་སྨོན་ལས་ཀྱི་ཆར་ཟིམ་བབས་ཚེ། །  ཡོད་ཡོད་འདྲ་བའི་དགུང་གི་འཇའ་ཚོན། །  དུང་སེམས་ཉི་མ་གསལ་དུ་སོང་ཚེ། །  མི་མཐོང་ནམ་མཁའི་དབྱིངས་སུ་ཡལ་སོང་། །   ན་གཞོན་ལང་ཚོའི་མེ་ཏོག་རྒྱས་དུས། །  ཡིད་ཀྱི་ཆུ་བོ་གཅིག་ཏུ་འདྲེས་པའི། །  འདྲིས་འདྲིས་ཆུང་གྲོགས་སེམས་ཀྱི་ཚེར་མ། ། ...