༄༅། །དཔལ་ལྡན་སྲིད་སྐྱོང་བློ་བཟང་སེང་གེ་མཆོག་གིས་ཕྱི་ལོ་ ༢༠༡༤ ཟླ་ ༩ ཚེས་ ༢༤ ཉིན་ཐེག་ཆེན་ཆོས་གླིང་གཙུག་ལག་ཁང་དུ་གདུང་སེམས་མཉམ་སྐྱེའི་མཆོད་འབུལ་སྨོན་ལམ་དང་འབྲེལ་བའི་གསུང་བཤད་གནང་སྐབས་གསལ་བསྒྲགས་གནང་དོན། བོད་མིའི་སྒྲིག་འཛུགས་བཀའ་ཤག་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཟླ་བ་དགུའི་སྔོན་ཙམ་ནས་ཇི་ལྟར་གསོལ་འདེབས་ཞུ་དོན་ལྟར། འབྱུང་འགྱུར་ཕྱི་ལོ་ ༢༠༡༦ ཟླ་ ༡ ཚེས་ ༡༥ ནས་ ༢༥ བར་གནས་མཆོག་རྡོ་རྗེ་གདན་དུ་དད་ལྡན་སེར་སྐྱ་མང་ཚོགས་རྣམས་ལ་དཔལ་དུས་ཀྱི་འཁོར་ལོའི་བཀའ་དབང་ཆེན་ཐེངས་ ༣༤ པ་བཀའ་དྲིན་ཆེ་བ་སྩལ་རྒྱུའི་བཀའ་བཞེས་བཟང་པོ་ཐོབ་ཡོད། ང་ཚོས་གསལ་བསྒྲགས་འདི་སྔོན་ཙམ་ནས་ཞུ་འཆར་ཡོད་། འོན་ཀྱང་ལ་དྭགས་དུས་དབང་སྐབས་འཁེལ་བར་བརྟེན་དེ་མུར་ལུས། དེ་ཡང་དུས་དབང་ཐེངས་ ༣༤ འདི་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱིས་གོ་སྒྲིག་གཙོ་འགན་ཞུས་ཐོག་དད་ལྡན་སྦྱིན་བདག་ཁག་བཅས་ནས་ཀྱང་མཐུན་འགྱུར་ཞུ་རྒྱུ་ཡིན་འདུག དཔེར་ན། ཕྱི་ལོ་ ༢༠༡༢ ཟླ་ ༡ ནང་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་བཀའ་དབང་བཀའ་དྲིན་སྩོལ་སྐབས་དད་ལྡན་སེར་སྐྱ་མི་གྲངས་ ༢༠༠༠༠༠...

མདོ་སྨད་པ་སྒ་བུ།          རབ་མཐོ་གངས་རི་དཀར་པོའི་མུ་ཁྱུད་ཡངས་པོས་མཐའ་མཚམས་དམ་དུ་སྦྲེལ་ཞིང༌། གཡའ་སྤང་ནགས་བྲག་རི་ཕྲེང་ཁོར་ཡུག་ཀུན་ཏུ་མངོན་པར་མཐོ་བ། སྨན་རྩྭ་དང་མེ་ཏོག་སྣ་ཚོགས་ཀྱིས་ཀུན་ནས་བརྒྱན་པའི་སྔོ་ལྗང་སྤང་ཐང་ཡངས་པོར་མུ་མཐའ་བྲལ་ཞིང༌། གཡུ་ཞུན་སྔོ་མེར་འཁྱིལ་འདྲའི་མཚོ་དང་མཚེའུ་གྲངས་མེད་པ། ཕྱོགས་ཕྱོགས་ན་དྭངསས་གཙང་ཡན་ལག་བརྒྱད་ལྡན་གྱི་ཆུ་བོ་ཆེ་ཆུང་ཉིན་མཚན་ཀུན་ཏུ་འབབ་ལ། ས་སྟེང་ན་རྟ་ནོར་ལུག་གསུམ་སོགས་སྒོ་ཕྱུགས་དང༌། སྟག་གཟིག་ཤྭ་འབྲོང་གླ་དགོ་རྣ་གཙོད་སོགས་འཛམ་གླིང་ན་རྩ་ཆེ་བའི་སྲོག་ཆགས་ཤིན་ཏུ་མང་བོ་མཆིས་པ། ས་འོག་ཏུ་གསེར་དངུལ་ཟགས་ལྕགས་སོགས་རིན་ཆེན་གཏེར་ཁ་བྱུར་བརྡོལ་བ། དབྱར་དགུན་སྟོན་དཔྱིད་དུས་བཞིའི་ནམ་ཟླ་གསལ་ཞིང་མཁའ་དབུགས་ཧ་ཅང་གཙང་བ། ནད་མུག་ཉུང་ཞིང་བདེ་འཇགས་ལྡན་པའི་ཡུལ་ཁ་བ་ཅན་གྱི་བདག་པོར་གྱུར་བའི་ང་ཚོ་ཆོལ་གསུམ་བོད་མིའི་སེམས་ཁོང་དུ་གཏན་དུ་མི་ནུབ་པའི་ཟླ་བ་སྟེ། པཎ་ཆེན་རིན་པོ་ཆེ་སྐུ་ཕྲེང་བཅུ་བ་མཆོག་གི་ཐུགས་ཀྱི་བརྩེ་བ་དམར་བོ་ནམ་ཡང་གངས་རིར་དམ་དུ་འཁྱུད་ཡོད་པས།  ང་ཚོས་ཁོང་གི་གསུང་གི་འོད་སྣང་དུས་རྟག་ཏུ་དྲན་ངེས། བོད་གནའ་མིའི་གཏམ་དཔེར། སྐྱོན་ལ་མཛུབ་མོ་དང༌། སྐྲངས་ལ་གཏར་ཁའི་དཔེ་ལྟར། པཎ་ཆེན་རིན་པོ་ཆེ་མཆོག་གིས། “ཁྱེད་ཚོས་བོད་སྐད་བཤད་པར་ངོ་ཚ་ན། མ་བཤད་ན་ཆོག་ལ། བོད་ལྭ་གྱོན་པར་ངོ་ཚ་ན་དེ་ཡང་མ་གྱོན་ན་ཆོག་མོད། འོན་ཀྱང་ཁྱོད་ཚོས་ཤ་དང་རུས་པ་ཇི་ལྟར་བྱེད་རྒྱུ་ཡིན།” ཞེས་པའི་རླབས་ཆེན་གྱི་གསུང་འདི་ནི། ང་ཚོ་ལ་རྣག་ཐོག་གཙག་ཁེལ་དུ་སོང་ཡོད་པས། ང་ཚོ་བོད་ཀྱི་བུ་ཤ་གསེང་ན་རུས་དང་རུས་གསེང་ན་རྐང་ཡོད་པ་ཞིག་ཡིན་ན། ང་ཚོས་ངེས་པར་དུ་པཎ་ཆེན་རིན་པོ་ཆེ་མཆོག་གི་རིན་ཐང་བྲལ་བའི་གསུང་འདི་དང་ལེན་བྱ་དགོས། ང་ཚོས་འདི་དང་ལེན་བྱ་ན་ཐོག་མར་འདིའི་དོན་ཤེས་དགོས་ལ། སྤྱི་བཏང་གསུང་འདིའི་དོན་མཐའ་མེད་པ་ཞིག་ཡིན་མོད་ཀྱང་ཁོ་བོས་གོ་བ་འདི་ལྟར་ལེན་པར་བྱའོ། ། གཅིག  ང་ཚོའི་ཉམས་རྒུད་དུ་འགྲོ་བཞིན་པའི་སྐད་དང་ཡི་གེ་ཡི་ཐད་དང༌། གཉིས་པ། ང་ཚོའི་ཉམས་རྒུད་དུ་འགྲོ་བཞིན་པའི་གྱོན་ཆས་དང་ཆ་ལུགས་ཀྱི་ཐད་དང༌། གསུམ་པ། ང་ཚོའི་ཉམས་རྒུད་དུ་འགྲོ་བཞིན་པའི་མི་གཤིས་ཀྱི་ཐད་དུ་གསུང་བ་ཞིག་ཡིན་པར་འདོད།     དང་བོ༌། ང་ཚོའི་ཉམས་རྒུད་དུ་འགྲོ་བཞིན་པའི་སྐད་དང་ཡི་གེ་ཡི་ཐད་དུ་ཅུང་ཟད་གླེང་བར་བྱ་ན། སི་ཏཱ་ལིན་གྱིས། “སྤྱིར་མི་རིགས་ཞེས་པ་ཐུན་མོང་གི་སྐད་ཡིག་དང་ཐུན་མོང་གི་ས་ཁོངས། དཔལ་འབྱོར་འཚོ་བ། བསམ་པའི་འདུ་ཤེས་བཅས་ཡོད་པའི་ཐུན་མོང་གི་ཚོགས་པ་ཞིག་ལ་ཟེར།” ཞེས་སྐད་ཡིག་ནི་མི་རིགས་ཀྱི་ཁྱད་ཆོས་བཞིའི་ནང་གི་ཨང་དང་བོར་བཞག་ཡོད་པ་དང༌། ཡང་ན་མི་རིགས་ཤིག་ལོ་རྒྱུས་ཐོག་ཡུན་རིང་གནས་དགོས་ན། དེའི་སྐད་ཡིག་བེད་སྤྱོད་དང་གོང་འཕེལ་དུ་གཏོང་དགོས། གལ་ཏེ་དེ་ལས་ལྡོག་སྟེ་མི་རིགས་ཤིག་རྩ་མེད་དུ་གཏོང་དགོས་ན། སྔོན་ལ་མི་རིགས་དེའི་སྐད་ཡིག་བེད་སྤྱོད་མེད་པ་བཟོས་ན་མི་རིགས་དེ་རང་བཞིན་གྱིས་མེད་པར་འགྱུར་སྲིད་ཅེས་མི་རིགས་གནད་དོན་ཐད་ཀྱི་གསུང་གལ་ཆེན་འདི་འདྲ་ཞིག་བཤད་ཡོད་པ་རེད། དེས་ན་ང་ཚོ་འཛམ་གླིང་ས་སྒང་ཡངས་པོ་འདིའི་ཐོག་ཏུ་ཡུན་རིང་དུ་གནས་ཐུབ་མིན་གྱི་རྩ་བ་ང་ཚོ་བོད་རང་གི་སྐད་དང་ཡི་གེ་ཡུན་རིང་དུ་གནས་ཐུབ་མིན་ལ་ཐུག་ཡོད་པ་མ་ཡིན་ནམ། ད་ལྟ་ང་ཚོའི་གསར་བུ་རེ་འགའ་རྨོངས་པའི་དབང་གིས་ང་ཚོའི་ཡོད་ཚོད་ལ་རྙིང་བ་ཞེས་རི་བོང་གནམ་རྡིབ་ཀྱི་ཚུལ་གྱིས་ཆོ་ངེ་འདེབས་ཀྱིན་ཡོད་མོད། ང་ཚོའི་སྐད་ཡིག་ནི་འཛམ་གླིང་གི་སྐད་ཡིག་ཐམས་ཅད་ལས་ཨང་གཉིས་པར་སོན་ཡོད།ང་ཚོ་ལ་འདི་འདྲའི་ཡིད་བཞིན་གྱི་ནོར་བུ་ཞིག་ཡོད་པ་ང་ཚོས་ངེས་ཟིན་དགོས། ང་ཚོས་འདི་ལ་བདག་པོ་མ་བརྒྱབ་ན་ང་ཚོའི་ལག་ནས་ཡིད་བཞིན་གྱི་ནོར་བུ་འདི་འཆོར་ཉེན་ཡོད། དེའི་ཕྱིར་པཎ་ཆེན་རིན་པོ་མཆོག་གིས་ཐུགས་ནས་མ་བཟོད་པར་ང་ཚོ་ལ་གོང་གི་གསུང་འདི་འདྲ་བ་རྩལ་ཆེན་པོ་གནང་བ་རེད། ང་ཚོའི་སྐད་ཡིག་ཡིད་བཞིན་གྱི་ནོར་བུ་ལྟ་བུ་འདི་ལ་གཅེས་སྤྲས་བྱེད་རན་འདུག  ད་ལྟ་ང་ཚོའི་སྐད་ཆའི་ནང་གཞན་གྱི་སྐད་ཆས་དཔུང་འཇུག་བྱས་ཏེ། ཕལ་ཆེར་བརྒྱ་ཆའི་བདུན་ཅུ་ལྷག་གཞན་གྱི་སྐད་ཆས་ཟིན་ཡོད་པར་ང་ཚོས་འདང་ཞིག་བརྒྱབས་ཨེ་མྱོང༌། ང་ཚོའི་ཡོན་ཏན་པར་ཁས་འཆེས་པའི་ལས་བྱེད་པའི་དཔུང་སྡེ་དང་སློབ་མའི་དཔུང་སྡེ་ནས་མགོ་བཟུང་སྟེ། ཕ་སྐད་ལ་གནོད་པ་ཁོ་ན་སྐྱེལ་གྱིན་ཡོད།...

        དང་པོ་སྲིད་པའི་འཁོར་ལོའི་བྱུང་ཚུལ།           སྲིད་པའི་འཁོར་ལོའི་བྱུང་ཚུལ་ལ་བཞེད་ཚུལ་སྣ་ཚོགས་ཤིག་ཡོད་ཀྱང་། བདག་ཅག་གི་སྟོན་པ་ཞལ་བཞུགས་པའི་སྐབས་ཡུལ་དབུས་ཀྱི་རྒྱལ་པོ་གཟུགས་ཅན་སྙིང་བོ་ལ། མཐའ་འཁོབ་སྒྲ་སྒྲོགས་ཀྱི་རྒྱལ་པོ་ཨིན་ཏྲ་ནས་རིན་པོ་ཆེའི་ཕྲ་རིན་ཐང་བྲལ་བ་ཞིག་བསྐུར་རྒྱུ་མ་རྙེད་པར་བདག་ཅག་གི་སྟོན་པས་འཁོར་འདས་གཉིས་དང་བདེན་པ་བཞིའི་རྣམ་གཞག་མཚོན་བྱེད་རང་ཉིད་ཀྱི་ཞལ་བཀོད་གནང་བ་ལྟར་སྲིད་པའི་འཁོར་ལོའི་རི་མོ་དང་། དེའི་འོག་ཏུ་རྟེན་འབྲེལ་བཅུ་གཉིས་ལུགས་འབྱུང་ལུགས་ལྡོག་བྲིས་ནས་བསྐུར་བ་རྒྱལ་པོས་བཟུང་ནས་ནམ་ལངས་པའི་ཚེ་སྐྱིལ་ཀྲུང་བཅས་ཏེ་ལུས་དྲང་པོར་དྲན་པ་ཕྱོགས་པར་བཞག་ཏེ། རྟེན་འབྲེལ་གྱི་ཚུལ་གཉིས་ལ་རྣམ་པར་བལྟས་པས་འཕགས་པའི་གོ་འཕང་འཐོབ་པར་གྱུར་ཅེས་རྗེ་བདག་ཉིད་ཆེན་པོའི་བྱང་ཆུབ་ལམ་རིམ་ཆེ་བ་དང་། སྐྱབས་རྗེ་ཕ་བོང་ཁ་བའི་ལམ་རིམ་རྣམ་གྲོལ་ལག་བཅངས་སོགས་ལས་གསུངས་པ་ལྟར་རོ།        གཉིས་པ་སྲིད་པའི་འཁོར་ལོའི་རྣམ་གཞག         འཁོར་ལོའི་དབུས་སུ་ཕག་བྱ་སྦྲུལ་གསུམ་བྲིས་ཡོད་ལ། དེའི་ཕྱི་རུ་ངན་འགྲོ་དང་བདེ་འགྲོ་གཉིས་ཀྱི་བར་སྲིད་བྲིས་ཡོད་པ་དང་། དེའི་ཕྱི་ལ་ཆ་ལྔ་རུ་བཀར་ནས་སྟེང་གི་ཆ་གཉིས་ལ་ལྷ་དང་མི། འོག་གི་ཆ་གསུམ་གྱི་དཀྱིལ་དུ་དམྱལ་བ། གཡས་སུ་དུད་འགྲོ། གཡོན་དུ་ཡི་དྭགས་དང་། དེའི་ཕྱི་ལ་ལོང་བ་དང་རྫ་མཁན། སྤྲེའུ། གྲུ་གཟིངས། ཁང་སྟོང་། མི་གཉིས་འོ་བྱེད་པ། མིག་ལ་མདའ་ཕོག་པ།...

འབའ་སྲས།  “ཡིད་བརྟན་མི་རུང་འཆི་བདག་འདི།། བྱས་དང་མ་བྱས་མི་སྡོད་པས།། ན་དང་མི་ན་ཀུན་གྱིས་ཀྱང་།། གློ་བུར་ཚེ་ལ་ཡིད་མི་བརྟན།།”   ཆུང་དུས་བྱམས་ཀྱིས་བསྐྱངས་པའི་མ།། དར་དུས་སེམས་ཀྱིས་གཉེར་བའི་མ།། ད་ནི་གཏན་དུ་གྱེས་པའི་མ།། དྲིན་ཆེན་མ་ལ་ཕྱག་འཚལ་ལོ།།   ཁ་སང་འཛུམ་དགོད་ཁྲོད་ཀྱི་མ།། དེ་རིང་མོག་མོག་ཀློང་གི་མ།། སང་ཉིན་གར་སོང་ཆ་མེད་མ།། དྲིན་ཆེན་མ་ལ་ཕྱག་འཚལ་ལོ།།   འགྲམ་ནས་ཁ་ཟས་ཕུལ་སའི་མ།། རྒྱང་ནས་ཁ་པར་གཏོང་སའི་མ།། ཉེ་རིང་གང་དུ་བདག་གི་མ།། ད་ནི་མེད་སོང་དྲིན་ཆེན་མ།།   བུ་ངས་ལན་རེར་ཁ་པར་ནང་།། ཨ་མ་བདེ་འམ་འཚམས་འདྲི་མང་།། ད་ནི་ཨ་མ་ཞེས་པའི་མིང་།། འཇིག་རྟེན་ཁམས་ནས་སུ་ལ་འབོད།།   ཨ་མ་རྩེ་ལ་དགའ་ལ་རི།། སྐད་ཆ་བཤད་ན་འཁྱོག་ཚ་བོ།། ད་ནི་འདི་དག་མེད་སོང་བས།། ཨ་མའི་རྩེ་དགོད་གང་དུ་ཐོས།།   ལས་གང་བསྒྲུབ་ལ་བློ་ཐག་ཆོད།། དགེ་བའི་ཕྱོགས་ལ་བློ་སེམས་དཀར།། བུ་དང་གཉེན་ལ་ཤ་ཚ་ཆེ།།...