༈ དོན་ངོ་མར་བོད་ལ་ཅི་ཞིག་དགོས་པ་ཨེ་ཤེས།                                                                                                                                                              སྒོ་ཡོན།   བོད་ཀྱི་གྲས་ནས“ཁྱོད་ལ་ཅི་ཞིག་དགོས”ཞེས་དྲིས་ཚེ། བོད་མི་མང་ཆེ་བས་ཟེར་ན། “ང་ཚོར་ཕྱི་མར་འགྲོ་ཡང་བློ་བདེ་བའི་ཆོས་བསྒྲུབ་ས་ཞིག་དགོས།མི་གྲང་མི་ལྟོགས་བྱེད་ཅིག་དགོས། དེའི་ཁར་ལྷ་སར་འགྲོ་བའི་ལམ་ཆས་ཤིག་དགོས” སོགས་ཀྱི་དྲི་ལན་རྒྱག་གིན་ཡོད། ཁྱོད་ལ་ཅི་ཞིག་དགོས། ཡང་རྒྱ་མི་གང་མང་གིས་ཟེར་ན། “ཤོག་དངུལ་ཅི་ཐོབ་ཅིག་དགོས། རང་གི་བློ་ལ་བབས་པའི་མི་ཞིག་དགོས།དེའི་སྟེང་དུ་ནུབ་གླིང་ཁག་ཏུ་འགྲོ་ཐུབ་པའི་ཐབས་ཤིག་དགོས” སོགས་ཀྱི་དྲི་ལན་འདེབས་ངེས།  དོན་ངོ་མར་འགྲོ་བ་མིའི་རིགས་ལ་ཅི་ཞིག་དགོས་སམ། དོན་ངོ་མར་བོད་མི་ཚོར་ཅི་ཞིག་དགོས་ཤིང་ཅི་ཞིག་འཐོབ་ན་འགྲིག་གམ། འདི་ནི་བོད་མི་བྱིངས་ཀྱིས་འདང་རྒྱག་དགོས་པའི་གནས་ཤིག་རེད་ལ།བོད་ཀྱི་ཤེས་ཡོན་ཅན་དག་གིས་བསམ་བློ་བཏང་དང་གཏོང་བཞིན་པའི་གནད་དོན་ཆེས་འགལ་འགངས་ཅན་ཞིག་ཀྱང་རེད། དེ་བས་ན། ཆོས་སྲིད་ཀྱི་ཁྱད་པར་དང་ཕོ་མོ་ཡི་དབྱེ་བ། གྲྭ་གྲོང་གི་རྣམ་པ།དབུལ་ཕྱུགས་ཀྱི་མཐོ་དམན་སོགས་དབྱེ་ཕྱོགས་དང་བར་ཁྱད་ཀུན་ཀྱི་མཐའ་ལས་བུད་དེ། དོན་དམ་པར་བོད་ལ་ཅི་ཞིག་དགོས་པ་རེད་ཅེས་དྲིས་ཚེ། བོད་མི་ཚོར་དུས་ད་ལྟའི་བར་དུ་ཡོད་མ་མྱོང་ཡང་ངེས་པར་དུ་ཡོད་དགོས་པ་ནི “འགྲོ་བ་མིའི་ཐོབ་ཐང་ངོ” ཞེས་ཤེས་ཡོན་ཅན་གྱི་རིགས་དག་གིས་ནི་ལན་དེ་ཁོ་ན་གདབ་པར་འགྱུར་རོ།།    དེ་ལྟ་ན་ཡང༌། བོད་མི་སྤྱི་དང་བོད་ཀྱི་རོང་འབྲོང་སྤྱིའི་རྣ་ལམ་ལ་ནི་འགྲོ་བ་མིའི་ཐོབ་ཐང་ཞེས་པ་ཚེ་ལུས་གཅིག་ལ་ཐོས་མ་མྱོང་བའི་མིང་བརྡ་གསར་བ་ཞིག་ཡིན་ལ། ཁོ་ཚོར་ཡར་མར་གཉིས་དང་འདུ་ཕྱི་གཉིས་ཀྱི་ལམ་སྟོན་གནང་བའི་མཁན་པོ་མཁས་པ་དང་སྤྲུལ་སྐུ་མཁྱེན་པ་ཅན་དག་གིས་ཀྱང་འདི་ཁོ་ན་ནི་ཤེས་མེད་ཅིང་མཁྱེན་མེད་པའི་གནད་དོན་གསར་བ་ཞིག་ཡིན་གི་ཡོད་པ་རེད། དེ་ཡང་མི་ཚུལ་གྱི་བསམ་བློའི་མངའ་ཐང་ཡངས་ཤིང་རྒྱུ་འབྲས་ཀྱི་ལས་དོན་ཕྱོགས་སུ་རྒྱས་པའི་ནུབ་གླིང་བ་དག་ལ་མཚོན་ན་ནི། གནའ་སྔ་མོ་ནས་སད་ཅིང་ཐོབ་ཏེ་ཡོད་པ་ཞིག་མ་ཡིན་ནའང༌། མི་རབས་རེ་རེའི་སད་རྟོག་གསོག་འཇོག་གི་ལམ་ནས་དུས་ད་ལྟ་འགྲོ་མིའི་ཐོབ་ཐང་ནི་ཆེས་རྨང་གཞིར་བཞག་པའི་རྒྱུན་ཤེས་ཀྱི་གོ་བ་ཞིག་ཡིན་ལ། དུས་ཀྱི་ངོས་དང་ཐོབ་ཀྱི་གདན་བཅས་ལ་མ་ལྟོས་པར་མི་ཞིག་གི་མ་མཐའི་མཚན་ཉིད་དམ་རྨང་གཞིའི་ཁེ་དབང་དུ་བགྲང་གིན་འདུག   དེ་ཡང་ཡིན་ཏེ། འགྲོ་མིའི་ཐོབ་ཐང་མེད་པ་གང་དེ་ལ་འགྲོ་མིའི་བདེ་སྐྱིད་ཡག་པོ་ཞིག་རྩ་བ་ནས་ཐོབ་སར་མི་འགྲོ་ལ། འགྲོ་མིའི་ཐོབ་ཐང་མི་ལྡན་པའི་ཁོར་ཡུག་ཏུ་དོན་ལ་གནས་པའི་བདེན་པ་ཚུགས་ཐུབ་ཅིག་ཁྱོན་ནས་བརྩི་སྲུང་བྱེད་སར་མི་འགྲོ་བ་རེད།...

འོད་དཀར།  མི་ཡུལ་ལུང་པར་དམ་བཅའ་གཙིགས་སུ་བཟུང༌།། གཅེས་པའི་སྲོག་ཀྱང་རྒྱལ་ཁབ་ཆེད་དུ་འབུལ།། ལ་ལུང་བརྒལ་ཡང་ངལ་བ་དང་དུ་བླངས།། དགྲ་བོར་ཐུག་ཀྱང་སྙིང་སྟོབས་ཞུམ་པ་མེད།། ཁྲག་དང་མིག་ཆུ་འཐོར་བྱུང་།     གོམ་པ་གཅིག་དྲིལ་གཉིས་དྲིལ་།   རང་ཡུལ་ལ། ལུང་པ་སྐྱོབས་འགྲོ   ཉིན་མཚན་ལྟོས་མེད་འཐབ་རྩོད་ཆེད་དུ་ཕུལ།། ཉལ་བའི་རྨི་ལམ་ས་དང་ལུང་པ་བརྒལ།། མིག་ཆུ་སྔོན་མོའི་རང་ལུས་བརློན་པ་བཟོས།། ང་ཚོའི་འཐབ་རྩོད་འདི་ལྟར་འགྲུབ་ལ་རེ།། ཁྲག་དང་མིག་ཆུ་འཐོར་བྱུང་     གོམ་པ་གཅིག་དྲིལ་གཉིས་དྲིལ་   རང་ཡུལ་ལ་ ལུང་པ་སྐྱོབས་འགྲོ   ཁྱོད་དང་ང་ཞེས་ཤ་ཞེན་ཕྱོགས་མཐར་གཡུག། གདོང་དམར་བཙན་པོའི་ལ་རྒྱ་སེམས་སུ་བཅངས།། གངས་ཅན་བོད་ཀྱི་འཐབ་རྩོད་འདི་ལྟར་སྒྲུབ།། ཡར་ལ་ལོངས་དང་རང་དབང་ལེན་པར་འགྲོ། ཁྲག་དང་མིག་ཆུ་འཐོར་བྱུང་     གོམ་པ་གཅིག་དྲིལ་གཉིས་དྲིལ་   རང་ཡུལ་ལ་ ལུང་པ་སྐྱོབས་འགྲོ                                                        ༢༠༠༨། ༨། ༢༩། གསར་རྩོམ་གཞས་ཚིག་དག་གི་འགན་དབང་ངེད་དྲ་ཚིགས་ལ་ཡོད་པས་ཆོག་མཆན་མ་ཞུས་པར་གང་བྱུང་དུ་རྐུ་ཁྱེར་དང་བརྒྱུད་འགོད་བྱ་མི་ཆོག...

གནད་འགག་དྲི་བ།      ལག་པ་ཡ་གཅིག་མེད་པའི་མི་ཞིག་གིས་རང་ཉིད་ལ་ལག་པ་ཡ་གཅིག་ལས་མེད་པར་བརྟེན་སེམས་སྡུག་ཧ་ཅང་ཆེན་པོ་བྱེད་ཀྱི་ཡོད། ཉིན་གཅིག་ཡང་ཁོ་རང་སེམས་པ་སྐྱོ་དང་མ་སྐྱོ་སྐྱོ་ནས་རང་དབང་མེད་པར་ཁ་ནས། “ད་ཡིན་ན་མིའི་ལུས་ཤིག་ཐོབ་ཡོད་ཀྱང་ལག་པ་ཡ་གཅིག་ལས་མེད་ཙང་མི་གཞན་ཚོས་མཐོང་ཆུང་བྱེད་པ་མ་ཟད། ཁ་ཡའང་དེ་ཙམ་བྱེད་མཁན་མི་འདུག བྱས་ཙང་ད་ནི་གསོན་པ་ལས་ཤི་ན་ཡག” ཅེས་ཆིག་ལབ་རྒྱག་བཞིན་དུ་ཐོག་བརྩེགས་དགུ་ཐོག་གི་སྟེང་ནས་མཆོངས་སྟེ་རང་ཤི་རྒྱག་པར་ཕྱིན། ཁོ་རང་དགུ་ཐོག་གི་རྕེར་སླེབས་པ་དང་མར་མཆོང་གྲབས་བྱེད་སྐབས་གློ་བུར་དུ། འོག་གི་ཐང་སྟེང་དེར་མི་ལག་པ་གཉིས་ཀ་མེད་པ་ཞིག་ཞབས་བྲོ་འཁྲབ་ཀྱིན་ཡོད་པ་ལྟ་བུ་ཞིག་མཐོང་། དེ་མཐོང་བ་དང་ཁོ་པ་ཡ་མཚན་ཆེན་པོ་སྐྱེས་ཏེ། ལག་པ་གཉིས་ཀ་མེད་པའི་མི་ཞིག་མ་འདྲའི་སྣང་བ་སྐྱིད་པོའི་ཞབས་བྲོ་འཁྲབ་དགོས་དོན་གང་ཡིན་ནམ་ཏན་ཏན་ཁོ་ལ་གནད་འགག་ཅིག་ཡོད་པ་འདྲ། གལ་སྲིད་ཁོའི་གནད་འགག་དེ་ངས་ཧ་གོ་བ་ཡིན་ན་ང་ལ་ལག་པ་ཡ་གཅིག་ཡོད་པས་བྱས་ཙང་ང་ནི་ཁོ་ལས་ཀྱང་སྣང་བ་སྐྱིད་པ་ཞིག་ཡོང་རྒྱུ་རེད་བསམས་ནས། “ཁོང་ཁྱེད་རང་ལ་ལག་པ་གཉིས་ཀ་མེད་ཀྱང་དེ་འདྲའི་ཞབས་གཞས་འཁྲབ་བཞིན་སྣང་བ་སྐྱིད་མདོག་ཁ་པོ་བྱེད་དགོས་དོན་གང་ཡིན་ནམ། ཁྱེད་རང་ལ་ཏན་ཏན་གནང་འགག་ཅིག་གསུང་རྒྱུ་ཡོད་པ་འདྲ་འདུག་པས། ཐུགས་རྗེས་གཟིགས། དེ་ང་ལའང་གསུངས་རོགས་གནང་དང་།” ལབ་པས་མི་དེས། “འོ་ཛི་ཁོང་། ག་རེ་ཞབས་གཞས། ག་རེ་སྣང་བ་སྐྱིད་མདོག་ཁ་པོ། ག་རེ་གནད་འགག ང་རང་ད་ལྟ་རྐུབ་ཀྱི་ཨི་ཁུང་ལ་ཟ་འཕྲུག་བརྒྱབ་ནས་ལག་པ་གཉིས་ཀ་མེད་ཙང་བྲད་བྲད་གཏོང་ཐབས་བྲལ་བས་ཕག་ཚགས་ཤོར་བྱུང་” ལབ་པས། ཁོ་པ་ཁ་གནམ་ལ་གདངས་ཏེ་ལུས་སོ། ཁ་མ་གཏོགས་ཡོད་པ་མ་རེད། ས་སྐྱ་མཐོ་སློབ་པ་ཁྲི་ཚོ་འགྱུར་མེད་རྡོ་རྗེ། ཕྲུ་གུ་ཆུང་ཆུང་ཞིག་གིས་ཐ་མག་འཐེན་བཞིན་བསྡད་ཡོད་པ་ཁོ་པའི་ཕས་གཟིགས་ཏེ་ཕྲུ་གུ་དེའི་ཨ་མཆོག་ནས་བཟུང་སྟེ། ཁྱེད་རང་ལ་ཐ་མག་འཐེན་སྟངས་སུས་བསླབས་བྱུང་ངམ། ག་འདྲ་བྱས་ནས་ཤེས་བྱུང༌། ཞེས་ཚ་འདྲི་བྱས་པར་ཕྲུ་གུ་དེས། པཱ་ལགས་ང་ལ་ཐ་མག་འཐེན་སྟངས་བསྟན་འཛིན་གྱིས་བསླབས་བྱུང༌། ཐ་མག་འཐེན་ན་ཞིམ་པོ་དང་སྣང་བ་སྐྱིད་པོ་ཡོད་རེད་ལབ་བྱུང༌།...

               ཀྱེ་ཕུར་མཆོག་གསུམ།༼མཚོ་ལྷོ༽ ཉི་འོད་འཁྱགས་པ་གདོང་ལ་ཤག་ཤག་བབས།། གདོང་གི་རུས་པ་གས་པའི་ཧྲིག་སྒྲ་གྲགས།། བློ་དང་མཆིན་པའི་བར་གྱི་གསང་བ་དེ།། རྦབ་རྡོའི་དབལ་གྱིས་ཁ་ལ་གྱེན་དུ་འདྲིལ།།   མྱི་ཁའི་མདའ་མོ་སྙན་ལ་ཤུར་ཤུར་བཞུར།། ཡིད་ཀྱི་དོན་སྣོད་གཤགས་པའི་རྨ་ཁ་ཟབ།། དྲན་པའི་དགུ་ལ་སྦས་པའི་འཁུན་སྒྲ་དེ།། དབང་བོ་རྣམ་ལྔའི་གསེབ་ནས་དར་དུ་ཆགས།།   ཟེར་སྒྲོས་གྲང་རླུང་ལུས་ལ་ཤུར་ཤུར་གཡུག། བསམ་གཞིག་མདའ་ཡི་ལྟོང་ལས་ཐོལ་གྱིས་ཤོར།། སྙིང་གི་འཇོལ་མོ་རྨས་པའི་འཁུན་སྒྲའི་རླབས།། ཞེ་འཁོན་རྣ་ཡི་བུ་གར་དངན་པས་འཚང་།།   གཏམ་ངན་ཚིག་གི་ཁ་བ་ལྷབ་ལྷུབ་འབབ།། དོན་སྣོད་བུམ་པ་གས་པའི་གྱོང་གུད་ལྕི།། གློ་དང་མཆིན་པའི་བར་གྱི་རུས་སྒྲོམ་ལ།། གཏན་ནས་བརྗེད་ཐབས་མེད་པའི་ཚ་ཞིག་འཁོར།།   ཆུ་མོ་ཤང་ཤང་འབབ་པའི་གོམ་སྟབས་ཀྱིས།། ལས་དབང་ཉ་མོའི་རུས་སྒྲོམ་ཧྲིག་ཧྲིག་ཆག། སྐལ་བའི་ཆབ་རོམ་མཐུག་པོའི་རྔམ་ཁ་ཡིས།། མདུན་ལྗོངས་གོམ་ཁའི་སྣང་བ་ཐོལ་གྱིས་བཀག།   ཟེར་སྒྲོས་རླུང་གིས་ཁུར་བའི་ཚིག་གི་མདའ།།...