སྨྱུག་མདའ།  གཏི་མུག་རོལ་དབྱངས་ལ་རྒྱུས་སྐད།། སྣང་བ་འོད་གསལ་ལ་ཞུགས་ཞེས།། འཆར་ནུབ་རེས་མོས་ཀྱི་དོན་འདི།། མི་གསལ་རྨི་ལམ་གྱི་ངོགས་སོ།། ང་ཡི་དམིགས་འདུན་གྱི་རི་མོ།། ཧ་ཅང་དྭངས་གཙང་གིས་བྲིས་ཟིན།། སྒོ་གླེགས་རེ་རེ་བཞིན་རྡུང་ན།། སྒྲ་དབྱངས་སྙན་མོ་ཞིག་དཀྲོལ་ལམ།། མདང་ནུབ་སད་འཕྲོར་གྱི་རྨི་ལམ།། འཆར་ཡན་རྒྱ་མཚོ་ལ་འཐིམ་འདུག། ཁ་ཞེ་གཏིང་འགལ་གྱི་འུར་བ།། ཚིག་འགྲོས་སྤྲིན་པ་དང་འདྲ་འོ།། འཛུམ་དཀར་ལྷུག་ལྷུག་གི་ཞལ་ཁ།། ཚོར་བའི་གཏིང་མཐའ་ན་བཙས་མོད།། གདོད་མའི་བག་ཆགས་ཀྱི་འཇིག་རྟེན།། བདག་ཉིད་ཅིས་ཀྱང་ནས་ཚུད་དོ།། ཞོགས་ཀའི་ཉི་ཟེར་ལ་འགྲོགས་པའི།། རྩལ་ཐོགས་སྨྱུག་ཁྱུ་དེ་སྐྱེལ་འོང་།། ཉིན་འབབ་མཚན་འབབ་ཀྱི་ཁ་བ།། ཡི་གེའི་ཐིག་རྩ་རུ་བཏབ་ཡོད།། རི་བོ་ཧི་མ་ལའི་མགྲོན་པོ།། ཤར་ནུབ་ཕྱོགས་མེད་དུ་ཆས་སོ།། ཡར་ཀླུང་གཙང་བོ་ཡི་གླུ་སྐད།། དྲན་སློང་གདུང་བ་ལས་མི་འདུག། དཀར་ཡོལ་ལག་ཐོགས་ཀྱི་ཨ་མ།། སེམས་རྩར་ལྷང་ལྷང་དུ་མཆིས་སོ།། སྣང་སྲིད་སྒྱུ་མ་ཡི་ཀློང་ནས།། རྒྱང་རིང་འོ་སྐལ་དེ་ཝ་ལེར།། ཕྲག་དོག་གཡབ་མོ་འདིའི་གསེབ་ཏུ།། བརྩེ་བའི་ལག་འཇུ་ཡང་ལྷོད་འགྲོ།། ཚེ་སྲོག་ཤིང་ལོ་བཞིན་འཐོར་དུས།། འགྱོད་པའི་ཤུགས་རིང་ཞིག་མ་འབྱིན།། དུས་ནམ་སྤྲོ་འཛུམ་གྱི་མྱི་ལ།།...

གངས་གཡག་དཔལ་ལྷུན་གྱིས་བསྡུ་སྒྲིག་བྱས།       ཐེངས་གཅིག་ཨ་སྟོན་ལགས་ཀྱིས་རོང་ཚོ་སྡེ་བའི་སར་ཕྱིན་ཏེ་སྐུ་ངོ་ལགས། སྐུ་ངོ་ལགས། ཆུ་མ་གིའི་དཀྱིལ་ན་ཀླུ་རྡོ་ཁྲ་རིལ་ཟེར་བའི་ནོར་བུ་ཞིག་འདུག་ཅེས་ཟེར་བར། རོང་ཚོ་སྡེ་བས་གང་ན་འདུག་ཅེས་ཨ་སྟོན་ལགས་དང་མཉམ་དུ་ཆུ་ཁ་དེར་གཟིགས་པར་ཕེབས།  ཆུའི་འགྲམ་དུ་སླེབས་དུས་སྔར་ནས་ཨ་སྟོན་ལགས་རང་ཉིད་ཀྱིས་གྲ་སྒྲིག་བྱས་ཏེ་རྡོ་དཀར་གོང་ཞིག་ཆུའི་ནང་བླུགས་ཏེ་བཞག་ཡོད་པ་དེ་རོག་ཚོ་སྡེ་བར་བསྟན་ནས་མ་གིར་འདུག  མ་གིར་འདུག་ཅེས་ཟེར། རོང་ཚོ་སྡེ་བས་དཀར་གོང་དེ་མཐོང་བ་དང་ནོར་བུ་ངོ་མ་འདུག་བསམས་ཏེ་ད་བྱས་ན་ཁྱོད་ཀྱིས་མ་གིའི་ནོར་བུ་དེ་ལོན་ཤོག་ཟེར་བས།  ཨ་སྟོན་ལགས་ཀྱིས་བདག་གིས་ལེན་ན་ཐུབ་ཀྱི་མི་འདུག  སྐུ་ངོ་རང་སྐུ་བྱད་ལེགས་ཤིང་ན་བཟའ་གཙང་བས་ཁྱེད་རང་གིས་ལེན་ན་ཐེབས་ཀྱི་རེད་ཟེར། དེ་ཐོས་པ་དང་རོང་ཚོ་སྡེ་བར་འདོད་རྔམ་རབ་ཏུ་བསྐྱེད་དེ་འོ་ན་ཁྱོད་ཀྱིས་ངའི་གོས་རྣམས་གྱོན་ལ་ནོར་བུ་ལོངས་ཤོག་ཟེར་གྱིན་རང་གི་གོས་རྣམས་ཕུད་དེ་ཨ་སྟོན་ལགས་ལ་སྤྲད།  ཨ་སྟོན་ལགས་ཀྱིས་རོང་ཚོ་སྡེ་བའི་གོས་རྣམས་གྱོན་ཞིང་ཆུའི་གཏིང་ནས་དཀར་རྡོ་བླངས་ཏེ་རོང་ཚོ་སྡེ་བའི་ཕྱོགས་སུ་གཡུགས་ནས་ནོར་བུ་འདི་ན་ཞེས་སྐད་རྒྱབ་པ་དང་།  རང་ཉིད་ཆུའི་ཕར་ངོས་སུ་བསྐྱོད།  རོང་ཚོ་སྡེ་བས་དཀར་གོང་དེར་བལྟ་བཞིན་འདི་ནོར་བུ་རེད་མི་འདུག འདི་དཀར་རྡོ་རེད་འདུག་ཅེས་ཟེར་བར།  ཆུའི་ཕར་ངོས་སུ་སླེབས་པའི་ཨ་སྟོན་ལགས་ཀྱིས་རང་གིས་གྱོན་པའི་གོས་རྣམས་འཕྱར་ཙམ་བྱས་ཏེ་འདི་“བསླུ་རྡོ་”རེད་ཅེས་དང་རོང་ཚོ་སྡེ་བར་མཛུབ་མོ་བཙུགས་ཏེ་དེ་“ཁྲ་རིལ་”རེད་ཟེར་གྱིན་ཐག་རིང་དུ་ཕྱིན་སོང་ངོ། ངེད་དྲ་ཚིགས།...

ཕྲན་མི་སྒེར་གྱིས་བོད་ཀྱི་ལོ་རྒྱུས་ལ་བཟུང་བའི་ལྟ་ཚུལ་གླེང་བ། བན་ཤུལ་དཔལ་མཁར་རྒྱལ། ཨེ་ཤར་དབུས་རྒྱུད་རྟ་ཡི་རྨིག་སྒྲས་བརྫིས།། མཐའ་བཞིའི་རྒྱལ་ཕྲན་དུམ་བུར་རིས་སུ་འཇུག། དབུ་རྨོག་དཀར་བོ་ནམ་མཁའི་མཐའ་དང་མཉམ།། སྤུ་རྒྱལ་བཙན་པོའི་ཞབས་ལ་གུས་པས་འདུད།། སྔོན་གྱི་བྱུང་རབས་ཆར་ཤུལ་འཇའ་བཞིན་ཡལ།། ད་ལྟའི་མི་རབས་རླུང་གི་འགྲོས་བཞིན་འཇིག། བར་མའི་གནས་སྐབས་འདི་ཡི་སྤུ་རྒྱལ་བ།། རི་མཐོའི་རྩེ་ལ་འཁྱིལ་བའི་སྨུག་པ་ཙམ།། མདའ་གཞུའི་རྩེ་མོ་གངྒཱའི་སྟོད་ལ་བཙུགས།། དཔའ་བོའི་ངར་སྐད་ཨན་ཞི་སྡེ་བཞིར་ཁྱབ།། འཁོར་གསུམ་སིལ་སྒྲ་འཛམ་བུའི་ཁྱོན་ན་གཡོ།། ང་ཡི་མེས་པོ་དྲན་ནོ་སྤུ་རྒྱལ་བ།། གན་རྐྱལ་སྲིན་མོའི་སྙིང་གི་ཆུ་མཚོ་སྲུབ།། རྒྱ་གར་རྒན་པོའི་སྡོད་ས་གནམ་ལ་བརྩི།། སྲིད་ཀྱི་དར་ཤིང་འཇིག་པའི་སྔ་ལྟས་སུ།། རྟེན་འབྲེལ་མགོ་ནས་ནོར་རོ་སྤུ་རྒྱལ་བ།། དམར་བོའི་རི་ལ་ཕོ་བྲང་པོ་ཏ་ལ།། མདའ་རྩེ་དམག་དར་གཡོ་བའི་སྲིན་གླིང་ཙམ།། འཇིག་པའི་ཤུལ་ན་ལྷ་ཁང་ཆོས་ཁང་ལ།། སྐྱ་མིན་སེར་མིན་འགའ་ཞིག་སྤུ་རྒྱལ་བ།། མཐའ་བཞིའི་ཡུལ་ལ་རྡོ་རིང་རྣམ་བཞི་བཙུགས།།  རུ་བཞི་གནོན་པའི་ལྷ་ཁང་ཕྱོགས་བཞིར་ཁྱབ།། བཙན་པོའི་བཀའ་མཆིད་བྲག་གི་ངོས་སུ་ཕབ།། ཚུལ་འདི་མཐོང་ནས་ངེས་དགོས་སྤུ་རྒྱལ་བ།། སྟོད་ན་མངའ་རིས་སྐོར་གསུམ་སྟག་མོ་འདྲ།། བར་གྱི་དབུས་གཙང་རུ་བཞི་སེང་གེ་འདྲ།། སྨད་ཀྱི་མདོ་ཁམས་སྒང་དྲུག་དོམ་སྨྱོན་འདྲ།། འདི་ཀོ་སྲིན་དམག་ཡིན་ནོ་སྤུ་རྒྱལ་བ།། བཙན་པོའི་ཁྲབ་ལ་སྤྱི་རྒྱ་བཞི་བཅུ་ཡོད།། དཔའ་བོའི་གྲི་ལ་འདོམ་པ་གང་ཙམ་ཡོད།། འཐབ་པའི་དམག་ལ་མི་ལྡོག་རྟགས་གསུམ་ཡོད།། འདི་ལ་བསམ་ནས་བསྐྱེད་དགོས་སྤུ་རྒྱལ་བ།།...

       ཉེ་སྔོན་ཁིར་གྷི་སི་ཐཱན་གྱི་རྒྱལ་ས་རུ་སྐོང་ཚོགས་བྱས་པའི་རྒྱལ་སྤྱིའི་པེན་རྩོམ་པ་པོའི་མཐུན་ཚོགས་ཀྱི་ཚོགས་ཆེན་ཐེངས་ ༨༠ པའི་ཐོག་བོད་དོན་སྐོར་ལ་གྲོས་ཆོད་དོན་ཚན་གསུམ་བཞག་ཡོད་འདུག དེ་རིང་སྔ་དྲོའི་ཆུ་ཚོད་ ༡༠།༣༠ ཡོལ་ཙམ་ལ་དྷ་སར་ཡོད་པའི་བོད་ཀྱི་རྩོམ་པ་པོའི་མཐུན་ཚོགས་ཀྱི་ལས་ཁུངས་སུ། ཚོགས་གཞོན་སྤྲོ་ཚིགས་ཆོས་གྲགས་ལགས་དང་དྲུང་ཆེ་གཡུ་སྒང་འོད་ཟེར་ལགས། ཤེས་ཡོན་འགན་འཛིན་སྨན་ཤེར་བློ་གྲོས་ལགས་སོགས་མཉམ་འཛོམས་ཐོག ཉེ་སྔོན་ཁིར་གྷི་སི་ཐྰན་གྱི་རྒྱལ་ས་བྷི་ཤཱི་ཀེག་(Bishkek)ཏུ། རྒྱལ་སྤྱིའི་པེན་རྩོམ་པ་པོའི་མཐུན་ཚོགས་ཀྱི་ཚོགས་ཆེན་ཐེངས་ ༨༠ པ་སྐོང་ཚོགས་གནང་བའི་སྐོར་དང་། ཚོགས་ཐོག་ཏུ་བོད་དོན་སྐོར་གྱི་གལ་ཆེའི་གྲོས་ཆོད་དོན་ཚན་གསུམ་འཇོག་ཐུབ་ཡོད་པའི་སྐོར་ལ་གསར་འགོད་ལྷན་ཚོགས་ཤིག་སྐོང་ཚོགས་གནང་སོང་། ཕྱི་ཟླ་ ༩ ཚེས་ ༢༩ ནས་ཉིན་གྲངས་ ༤ རིང་ཁིར་གྷི་སི་ཐཱན་(Kyrgyzstan)གྱི་རྒྱལ་ས་བྷི་ཤྰི་ཀེག་(Bishkek)ཏུ། རྒྱལ་སྤྱིའི་པེན་རྩོམ་པ་པོའི་མཐུན་ཚོགས་(PEN International )ཀྱི་ཚོགས་ཆེན་ཐེངས་ ༨༠ པ་སྐོང་ཚོགས་གནང་ཡོད་པ་དང་། ཚོགས་ཐོག་ཏུ་རྒྱལ་སྤྱིའི་པེན་གྱི་ཚོགས་གཙོ་སོགས་རྒྱུན་ལས་རྣམ་པ་དང་། ལོན་ཌོན་དུ་རྟེན་གཞི་བྱས་པའི་རྒྱལ་སྤྱིའི་པེན་རྩོམ་པ་པོའི་མཐུན་ཚོགས་དབུས་ལས་ཁུངས་ཀྱི་ལས་བྱེད། རྒྱལ་སྤྱིའི་པེན་གྱི་སྡེ་ཚན་ཁག་བཞིའི་འགན་འཛིན་རྣམ་པ། དེ་བཞིན་འཛམ་གླིང་གི་རྒྱལ་ཁབ་དང་ས་གནས་མ་འདྲ་བའི་རྩོམ་པ་པོའི་མཐུན་ཚོགས་ཁག་ ༨༠ ཡི་སྐུ་ཚབ་རྩོམ་པ་པོ་...